荃灣隱世壁畫村光板田村七色階梯打卡

[sig_post_pv label=””] 個人瀏覽過

香港有好多村落都有優美景色，得閒探索吓分分鐘搵到神秘嘅打卡位，台灣有彩虹眷村，韓國有梨花洞壁畫村，香港呢？位於荃灣嘅光板田村，以盛產果樹聞名，包括括大樹菠蘿、蕉同木瓜等，仲有自家製蜂蜜，最特別仲有可愛嘅彩色壁畫同階梯，最啱少女打卡！

[sp_html5video category=”1844″]

光板田村只係一條普通鄉村，由荃灣搭小巴去只需15分鐘，位置喺荃錦公路南段，靠近芺蓉山，依大帽山山腳而建，山坡上有唔少村屋同寮屋，村內有唔少居民居住。由1950年起種植大樹菠蘿，至今有逾百棵果樹，種植唔同種類嘅水果，甚至養蜂製蜂蜜。村民以前會養豬、種菜，1970年後仲有五金工廠。

該壁畫村村落位置隱蔽，更加鮮為人知，所以前來打卡嘅人較少，小巴或巴士落車後，即可見到勁搶眼嘅七色彩虹階梯。

光板田村村內有好多色彩繽紛嘅壁畫，全部由義工、社工同居民合力創作、繪畫，內容一般都係村內特別之處，仲將農村村民日常生活融入大型康樂棋同波子棋當中。而彩色小屋都係打卡位之一，顏色鮮艷，牆身、階磚都髹上唔同色彩，感覺充滿希望，形成一面面彩虹磚牆。

村內最特別嘅地方莫過於一條好長嘅七色彩虹階梯，入村樓梯每個階級上都髹上唔同顏色，遠看似足彩虹一樣，極吸睛！呢條彩色樓梯最啱少女打卡，無論坐低或企喺度，都可以影到靚相。

【Like Facebook 緊貼最新資訊，一個Like一個鼓勵，支持原創文章，向Content Farm說不。】

E.A.Tips﹕

（1）光板田村始終係村民居住嘅地方，打卡還打卡，記得保持安靜，遵守村落禮儀，唔好騷擾村民生活。
（2）七色階梯係村民基本同唯一出入嘅地方，打卡時若見到有村民行過，記得要馬上讓一讓路，唔好要村民無辜等候。
（3）行上七色階梯最高時，有條小路可以繼續前行，不過行到半路會有欄路貓同狗，好似Miss A咁驚貓狗嘅就要特別留意，不過入面只係村民居住地方，無咩必要繼續再向前行啦。
（4）由地鐵荃灣站步行去川龍街上車，可以乘搭80號綠色小巴，車程約15分鐘，價錢為$6.8，經過芺蓉山入口，右邊見到光板田村嘅牌就可以落車，喺光板田村上邨落車，驚唔識落車可以上車時同司機講聲。
（5）除咗綠色小巴，仲可以乘搭51號巴士，一樣係光板田村二段落車，步行去壁畫村正門只係1min。
（6）小編特別推介另一條路線，由荃灣愉景新城經天橋可以shortcut上到荃錦公路，向上而行就會見到光板田村下邨，對面就係七彩繽紛嘅上邨，腳程大概只係15分鐘。