鍾意打卡嘅朋友要留意啦！今次為大家介紹三個隱藏喺新界村落嘅壁畫村，村內都有唔少彩繪圖畫，顏色豐富，彩色十分奪目，唔單止可以令人了解小村落，部份壁畫仲帶有幾分藝術感，自問文青嘅你，有興趣不妨拍拖兩個人行入新界睇睇啦！
【Like Facebook / MEWE 緊貼最新資訊，一個Like一個鼓勵，支持原創文章，向Content Farm說不。】
光坂田村 
坪輋壁畫村
（1）光坂田村
光坂田村係比較少人留意嘅壁畫村，位置其實只係喺荃灣愉景新城之上，不過由地鐵站附近步行到愉景新城，再直上光坂田村，亦需時約20至30分鐘。光坂田村最值得少女打卡嘅一定係一條彩色天梯，髹成彩虹般嘅樓梯好搶眼，其他壁畫都係描寫村內生活，而大型康樂棋同波子棋亦係好特別嘅影相位。
光坂田村 
光坂田村
地點﹕荃灣
延伸閱讀﹕荃灣隱世壁畫村 光板田村七色階梯打卡
（2）坪輋壁畫村
而位處粉嶺嘅坪輋壁畫村就相對比較遠離市區，帶俾人神秘嘅感覺，村內牆上壁畫帶有幾分藝術感，大部份圖畫都同村內居民有關，同樣色彩繽紛，相當吸睛！村內每個角落都隱藏壁畫，包括牆壁、小屋，甚至枱櫈，絕對值得入去打卡。
坪輋壁畫村 
坪輋壁畫村
地點﹕粉嶺坪輋
延伸閱讀﹕粉嶺神秘壁畫村 每個角落都有藝術感
（3）錦田壁畫村
第三個係比較多人都聽過嘅錦田壁畫村，村落入面嘅壁畫分佈區內唔同地方，壁畫以愛為主題，好有意思，不過要搵齊啲壁畫可能真係要行晒成個區咁多條村，而有好幾幅壁畫只有線條，未有填上顏色，估計仍然係創作當中。錦田壁畫村係三個壁畫村入面比較近地鐵嘅一個，雖然我哋唔建議搭地鐵去。
錦田壁畫村 
錦田壁畫村 
錦田壁畫村
地點﹕元朗錦田
E.A.Tips﹕
（1）記得打卡還打卡，一定要保持安靜，唔好騷擾到村民。
（2）建議著長褲同噴蚊怕水。
（3）打卡時見到有村民要行過，記得要先讓一讓，唔好要村民企喺度等候。
