香港舊街牌遊

【#T字形街牌】提到英國殖民時期遺留下來嘅文化產物，除咗維城界碑、皇冠郵筒，重有黑框白底嘅舊式T形鐵鑄街牌，同前者一樣，好多T形街牌已經難逃被移除、被拆走嘅命運，目前T形街牌僅存數目唔多，到底重有幾多個呢？有時間不妨拍拖兩個人去為即將消逝嘅歷史痕跡留個紀念啦！

T形街牌逐個離奇消失！大角嘴淪陷連失3個街牌/CCTV難保長沙灣街牌/九龍僅三區暫安全

【#拆招牌】eatwo較早前就報道過深水埗接連失去4個街牌，近日發現毗鄰深水埗嘅大角嘴區及長沙灣區亦相繼有T形街牌離奇消失！其中大角嘴一連失去3個T形街牌，長沙灣有1個街牌處於CCTV旁邊依然離奇失蹤！全九龍區中，就只有3個區域安全無事，依然存在嘅街牌中仍然完好保存。

2023-08-16

全港最多T形街牌街道？即睇深水埗4個離奇消失街牌前後實況

【#消失的街牌】香港舊有文化產物買少見少，除咗維城界碑、皇冠郵筒，T形街牌都係能夠代表昔日香港嘅歷史痕跡，鐵鑄街牌造型獨特，值得拍拖兩個人前認識及往打卡。不過，繼早兩年銅鑼灣棉花路街牌後，深水埗有兩個T形街牌被網民發現同一個星期內同時被消失！而編輯親身查證後，發現深水埗區內近期並唔只兩個T形街牌被消失，離奇消失的街牌合共有4個！

2023-07-18

【疫苗通行證取消】香港大學校園舊民主牆旁藏3個T形街牌睇埋法定古蹟殖民時代建築物

【#校園歷史遺跡】由於無「疫苗通行證」，編輯上年有好多地方係唔俾拍拖兩個人進入，當中包括大學校園。其實編輯要進入大學校園，並唔係為咗啲乜，只係想進入校園記錄剩餘嘅香港大學校園範圍T形街牌，估唔到想為個殖民時代舊街牌留念，都要經過重重難關。

2023-02-17

跑馬地豪宅地帶舊街牌保養良好 10個T形街牌放題任睇任影

【#舊街牌放題】T形街牌係英國殖民時代嘅文化產物之一，隨住疑似「去殖」問題，本地僅存嘅舊式街牌更加愈趨罕見，想拍拖兩個人找尋T形街牌，通常會失望而回。皆因九龍區嘅舊街牌一般已經被拆除，但港島區嘅舊街牌則仍然保留下來，今次編輯以跑馬地為例，10個T形街牌全部仍舊屹立不搖，而且保養良好，即使大廈大堂裝修過，外牆上嘅舊街牌都十分簇新。

2022-11-03

毗連協和里舊街牌！跑馬地鬧市戰前神秘防空洞地下隧道全長竟有近千米？

【#鬧市角落】跑馬地係一個將舊有產物保存良好嘅香港島小區，係一個值得拍拖兩個人探索嘅區域，單單一道街道內，仍舊擁有戰前舊樓、T形街牌，更難以置信嘅係，竟然隱藏一個戰前防空洞！

2022-10-21

以為只有都爹利街有石階煤氣燈？上環秘密通道闖華寧里探索T形街牌穿越舊年代

【#舊式階梯】中環都爹利街一直以來係電影、電視劇熱門取景地，亦被唔少人視為IG打卡位，因為石階、煤氣燈帶有舊時代風貌，但2018年超強颱風「山竹」襲港後，已經被全毀掉。你以為只有都爹利街有煤氣燈？事實上，只要係充滿歷史痕跡嘅街道，都有機會見到煤氣燈嘅蹤影，編輯就帶讀者到上環一道巷弄之間，既有石階，亦有煤氣燈，更可以搵到T字形嘅舊式街牌，步行其中恍如穿越舊時代！

2022-10-14

中環鬧市3條街有6個T形街牌 1幢建築物有4個街牌通通近蘭桂坊？

【#打卡點之下】中環大館同藝穗會係中區眾所週知嘅地方，兩者都位處中環鬧市，向來係拍拖兩個人攝影好去處，既然熱門到咁，相信都唔需要多講兩者嘅歷史，編輯反而想提及被普遍人忽略嘅細微之處。大館、藝穗會分別係香港法定古蹟、香港一級歷史建築物，既屬戰前建築，亦係殖民時代嘅建築物，故兩者大樓牆壁上都能夠清晰見到T形街牌仍舊存在，其中一幢更擁有4個僅存舊街牌呢！

2022-10-06

【中秋好去處2022】灣仔藍屋重現大澳花燈節！手工五彩燈籠毗連景星街舊式T形街牌

【#中秋睇花燈】民間組織「大澳非茂里」上年舉辦的「大澳水鄉花燈節」引得唔少人慕名而至，導致大澳被擠得水洩不通，今年即使有街依舊自發掛起花燈，但官方卻宣佈停辦花燈節。但其實想睇花燈未必一定要山長水遠走入大澳嘅，今年編輯就為大家預告，灣仔「藍屋」都可以觀賞花燈，於空地上抬頭可見一個個色彩繽紛的手工燈籠，恍如大澳花燈節，今年中秋不妨拍拖兩個人去睇一睇有無訪個可以令你觸動心靈啦！

2022-09-07

重遊火車博物館第一代文青打卡點大埔富善街超神秘T形街牌隱藏生果檔！

【#神秘街牌】如果提到香港早期嘅打卡點，火車博物館絕對係第一代嘅文青打卡點，雖然佔地不大，但就係初期拍拖兩個人嘅影相好去處。今次編輯就帶大家重遊香港鐵路博物館，發現有啲嘢唔同咗，同時喺火車博物館附近，原來重隱藏咗一塊隱藏式T形街牌，為大家揭開殖民時代街牌嘅神秒面紗。

2023-02-10

粉嶺僅存3個T形街牌聯和墟皇后山邨新舊交替

【#新舊對立】粉嶺皇后山邨於近月陸續入伙，新舊交替，碩果僅存嘅舊物淨返幾多呢？以殖民時代嘅T形街牌為例，粉嶺區內嘅舊街牌原來只係得返3個，有一個躲藏於市中心內，而另外兩個則離皇后山邨不遠，拍拖兩個人經過呢兩個地方時，你又有無留意到呢？

2023-01-13

山腳藏T形街牌！蕉徑營盤起步逆方向登蝴蝶山一隅享無遮擋上水北區風景

【#山腳街牌】舊式T形街牌向來集中於九龍區、港島區，新界區、大嶼山、離島區都係比較少見，當中粉嶺區雖然有3個街牌，但跨過山嘅另一端，原來營盤方向重有一個T字街牌躲藏於山腳之下，位置同人嘅高度相近，拍拖兩個人於熱門嘅蝴蝶山、北大刀屻行山時，不妨抬頭查看一下呢個舊式街牌啦！由舊街牌起步，經營盤村亦可以直上蝴蝶山，一端小秘道可享無遮擋日落景，俯視上水方向，另一端可以直接往返粉嶺市中心，路段簡單又方便。

2022-12-01

旺角鬧市3塊超古老T形街牌探究快富街/黑布街/奶路臣街成區內碩果僅存舊街道

【#鬧市尋寶】香港街道與街牌歷史只有少數人會專門研究，其實街牌的確係值得深入了解嘅歷史產物，尤其以殖民時代建設嘅T形街牌，以T字形金屬設計，造型獨特，而且能夠長久保存，經歷百年都仍舊堅固如新。不過，呢種T形街牌已經愈趨減少，今次編輯走訪旺角鬧市，發現區內剩低嘅T形街牌，只係得返3個，如果走過旺角鬧市，不妨留意吓呢幾個碩果僅存嘅香港舊街牌啦！

2022-09-30