錦田壁畫村 40幅壁畫充滿愛 分佈全區任打卡
兩個人影吓相,  新界,  神秘之地

錦田壁畫村40幅壁畫充滿愛 分佈全區任打卡

個人瀏覽過





香港嘅藝術村落唔多,錦田有一個有名嘅壁畫村,壁畫分佈喺村落唔同地方,需要自己行勻村落先可以搵得齊咁多幅壁畫,呢條壁畫村適合少女去打卡,離西鐵站只係10至15分鐘腳程,周末得閒不妨遊走一下呢個充滿愛嘅壁畫村啦!

錦田壁畫村參與過社區活化計劃,經村民同意後,由2017年下旬起從壁畫注入愛,當中有圍村之愛同天佑之愛等。從而發揚互愛精神。

壁畫村由多位義工創作同繪畫,以愛為主題,錦田壁畫村至今有近40幅壁畫,記者發現有好幾幅只有粗略線條,估計係仍未完成之作,隨後再去壁畫村,可能欣賞到最新作品呢。

穿過錦田紅磚屋後,喺錦田市中心不難發現唔少壁畫,一直延伸到吉慶圍附近。沿住波地路、錦上路同錦田公路分別步行,都可以發現唔少有趣壁畫,當中包括有祠堂村等村落。

行過吉慶圍,沿錦田公路繼續直行,會見到北圍村、水尾村、水頭村,發現一間良心小店,叫CoHee Studio,門口大排長龍,睇完壁畫不妨去歎返杯咖啡啦!

延伸閱讀 : 隱世正宗泰國菜 平價濕炒河粉極惹味

延伸閱讀 : 前身係蠟廠 室內市集驚喜尋寶

交通﹕
錦上路巴士站沿人天橋過去盈匯坊方向走,再繼續向前行,會途經錦田紅磚屋,再向前行會見到錦田壁畫村,不過壁畫位置比較分散,需要時間先可以行得晒。

E.A.Tips﹕
(1)可以到時查看Google實體地圖(點撃),搵齊咁多幅壁畫嘅地點﹕
(2)大部份壁畫基本上都隱藏喺民居附近,有啲係店舖外,有啲係住宅外,所以打卡還打卡,一定要保持安靜,唔好騷擾到村民。仲有部份壁畫位處馬路旁,打卡時記得唔好走出馬路,要注意人身安全呀!

Like Facebook 緊貼最新資訊,一個Like一個鼓勵,支持原創文章,向Content Farm說不。】

延伸閱讀﹕粉嶺神秘壁畫村 每個角落都有藝術感

延伸閱讀﹕荃灣隱世壁畫村 光板田村七色階梯打卡

延伸閱讀﹕西九跪低? 「不忘初心」泳裝漫畫少女被下架 繼續撐同路人 (最新消息:新海報上場!)

錦田壁畫村

地址﹕ 錦田市
開放時間﹕ 24hours
電話﹕ 5405 0703
網站﹕ http://www.facebook.com/kamtinmural/

CoHee Studio

地址﹕ 元朗錦田市街152號地舖
營業時間﹕ 11:00 – 19:00
電話﹕ 9449 7310

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!