錦田 一日遊 Café Hopping!
Cafe 咖啡店,  å…©å€‹äººé†«å“è‚š,  å€å€æœ‰è‰¯å¿ƒ

【區區有💛】帶你錦田Café Hopping!全日訪尋5間特色打卡咖啡店!

瀏覽次數:3422
個人瀏覽過





新界地方偌大,元朗錦田向來隱藏唔少有空間感嘅咖啡店,每一間都可以隨意影相打卡,今次就帶大家去錦田一日遊,不過就唔係行錦田紅磚屋、錦田壁畫村呢啲咁「行」嘅地方,而係帶大家拍拖兩個人去錦田Café Hopping,5間同路人咖啡店都可以入圍是次行程,一於約埋另一半或三五知己去打卡啦!

(1)天空之城 HOLA

離錦田市中心有一小段距離嘅天空之城,內有一間咖啡店HOLA,為No Boundary嘅姊妹店,亦係一間寵物友善餐廳。菜式上以英國菜為主,除咗Egg Benedict、All Day Breakfast等菜式,亦有招牌厚多士,每一款價錢都介乎$68至$88,甜品則要$128,適合多人聚會,而飲品則大多以梳打Mix果汁,不過不失,無太大驚喜。

延伸閱讀﹕錦田高埔村天空之城離市中心僅1公里 No Boundary姊妹店HOLA Chill住歎加料厚多士

(2) CoHee Studio

折返錦田市中心,近水頭村位置會經過一間重點賣咖啡嘅咖啡店,當然亦有輕食,位處錦田市街,名為CoHee Studio,店門口經常大排長龍。除咗黑白咖啡,店內亦有手沖咖啡可擇,係5間當中最注重咖啡質素嘅一間,精品咖啡由$48至$88不等。

延伸閱讀﹕錦田壁畫村40幅壁畫充滿愛 分佈全區任打卡

(3)Chit Chai Pastry

沿錦田公路繼續步行折返錦田市中心,會發現當中有一間隱藏於內街嘅Cafe,以小清新風格為主調,原木、乾花配合典型咖啡店花系裝潢,簡單嚟講就係少女風咖啡店,唔算太大特色。不過,該店係5間當中年資最淺嘅一間,亦係地方最小嘅一間,不過食物上以日式定食為主,竟然係5間當中最有水準嘅一間,價錢只係$68至$88,實在係估佢唔到!

延伸閱讀﹕近錦田公路!城門新村全新花漾Cafe 唯美日韓風x小清新定食推介

(4)錦田匯動青年館 Countdown

繼續向前走,步行到錦田匯動青年館,會發現當中隱藏一間咖啡店Countdown,係5間當中唯一無標明價錢嘅一間,包括所有輕食、甜品、咖啡,反而由客人自訂價錢,收益會用作選取優質咖啡豆,非常有意思。該店係一間社區咖啡實驗小店,咖啡師都係實習當中,有9款咖啡可以選擇,當中咖啡都有拉花圖案。以咖啡嚟講,係5間當中唯一可以媲美CoHee Studio嘅一間,咖啡豆有微微Nuts香味,味道香濃。

延伸閱讀﹕全部自由定價! 秒到日式鄉郊 錦田市中心咖啡館秘點似世外桃源

(5)Muse Furniture Lab

最後走到離錦田市中心極遠嘅Muse Furniture Lab,係一間最多打卡位嘅咖啡店,皆因該店原本係一間古董傢俬舖,每件傢俬都帶有英倫風格,內有型格黑色小屋、超大草地小花園,彷彿進入一個秘密花園,充滿時尚感之餘亦有度假風。不過,食物上質素就可圈可點,係5間當中比較遜色嘅一間,而食物、飲品價錢則比較高。

延伸閱讀﹕2021年人氣打卡店! 元朗近郊復古傢俬舖重開 型格咖啡店連歐陸風小花園 歎自家製法式可麗餅/櫻花冰蜜桃梳打




E.A.Tips﹕

❶ 除咗第1同第5間比較遠,其餘3間基本都集中於錦田公路市中心。

❷ 一日去晒5間係無乜可能嘅事,編輯只係提供5間可以選擇嘅咖啡店俾大家去玩Cafe Hopping咋!只需揀2至3間已經足以去足一日。

❸


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足