錦田紅磚屋前身係蠟燭廠
兩個人影吓相,  新界,  神秘之地

錦田紅磚屋前身係蠟燭廠 室內市集52間小店驚喜尋寶



    錦田紅磚屋係一個位處錦田嘅跳蚤市場,甫踏入門口,市集室內好有日本地下街嘅感覺,靠近祠堂村同吉慶圍,附近仲有錦田壁畫村,紅磚屋逢星期六、日、公眾假期開放,適合周末拍拖行逛。

    而錦田紅磚屋本身係一間蠟燭廠嚟,喺2007年先改建成呢個充滿特色嘅室內市集,20000平方呎有52間由紅磚砌成嘅小店,逐間小店行逛,分分鐘搵到心頭好呢。

    目前仍然營業嘅小店有茶座、食店、蠟燭店、手作店、家具店、服裝店等,有滿滿懷舊味道嘅小店,亦有新潮嘅店舖,感覺穿梭古今一樣,尤其係啲手作店的確值得閒逛,呢種精品係大型shopping malls難以搵到嘅。

    當中,有一間手工蠟燭店叫Angel Candle,至今仍屹立紅磚屋,店內有林林總總唔同種類嘅燭台同精品,留意到好多都係香薰蠟燭,仲有再造環保蠟燭。

    店內可愛嘅手作蠟燭同燭台勁吸睛,包括有大象、雀鳥同貓頭鷹造型,款款新穎獨特,色彩繽紛,相當精緻。

    疫症期間,小店亦做足抗疫措施,包括有消毒用品俾客人使用,可以放心慢慢兩個人行逛。

    Like Facebook 緊貼最新資訊,一個Like一個鼓勵,支持原創文章,向Content Farm說不。】

    交通﹕
    錦上路巴士站,經有蓋行人天橋同盈匯坊,繼續前行到錦上路,向右邊行就會見到入口。

    延伸閱讀﹕錦田壁畫村40幅壁畫充滿愛 分佈全區任打卡

    延伸閱讀 : 隱世正宗泰國菜 平價濕炒河粉極惹味

    錦田紅磚屋

    地址﹕ 錦田錦上路祠堂村旁
    營業時間﹕ 星期六及日 10:00–20:00;星期一至五休館
    電話﹕ 2482 2188

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!