野餐隨行【新界篇】有View有草地!全港100個近鬧市近食肆安心野餐點 梗有一個喺左近!
兩個人影吓相,  兩個人醫吓肚,  區區有良心,  小貼士,  新界,  焦點熱話,  野餐隨行

野餐隨行【新界篇】有View有草地!全港100個近鬧市近食肆安心野餐點 梗有一個喺左近!

瀏覽次數:2168
個人瀏覽過





最近,本地人搵食愈來愈艱難,單單堂食定外賣都要作出選擇,將食物外賣又要擔心拍拖去邊度食好,倒不如兩個人試吓去野餐,一於跟假日休息嘅「姐姐」隨時隨地隨意去吓野餐啦!雖然「姐姐」通常會選擇天橋底、天橋內,又或者隧道內等地方,但事實上我哋要野餐亦可以有更多選擇嘅,大家可以揀選有草地、有風景嘅野餐地方,唔少野餐地更可享海景。同時,無需擔心野餐點離食肆距離遠,令食物、飲品冷卻,皆因唔少都係靠近鬧市同食肆,絕對可以安心野餐!編輯搜羅咗100個本地野餐地點,先提供九龍篇,而家再為大家推介新界區各個野餐點啦!

*編輯標準參考香港安心野餐Group,認同門檻唔應該太高,隨時隨地都可以野餐,只係盡可能挑選環境舒適嘅用餐地方,可以嘅話就選用環保餐具。

延伸閱讀﹕野餐隨行【九龍篇】有View有草地!全港100個近鬧市近食肆安心野餐點 梗有一個喺左近!

(31)葵芳﹕中葵涌公園

葵芳區內有一個一直唔開放嘅葵涌公園,面積比維多利亞公園更大,但現時想野餐就只能到工業區背後嘅中葵涌公園,公園離最多小食店嘅葵涌廣場無需10分鐘,但公園鮮為人知,園內人流較稀少,故可以安靜地野餐。

葵芳食肆列表葵涌食肆列表

延伸閱讀﹕【野餐隨行】葵廣外選擇!葵芳微舖驚喜食樂原條鰻魚飯 中葵涌公園前牧牛場石屋登二級歷史建築

(32)荃灣﹕荃灣西海濱長廊

荃灣海濱長廊向來係慢跑好地方,而長廊正對海景,亦有長櫈,可以簡單地野餐,長廊全程需步行約30分鐘,而長廊離荃灣西啲食店不遠,即使係荃灣鬧市亦可以經天橋步行到海旁,相當方便。

延伸閱讀﹕【2021賞花地圖】荃灣赤橙色隧道頓變港版千本鳥居 海濱逾10棵雞蛋花燦爛盛開

荃灣食肆列表

(33)荃灣﹕賽馬會德華公園

賽馬會德華公園其實只係一個普通公園,不過毗連千色店,接近荃灣鬧市食店,如果想買完嘢食即刻食,可以以此地作野餐點。

荃灣食肆列表大窩口食肆列表

(34)荃灣﹕城門谷公園

城門谷公園離大窩口、荃灣有一小段距離,公園人流唔多,而園內更有荷花池,環境亦甚為清靜。

延伸閱讀﹕城門谷點只睇荷花 7月優雅黃花限時打卡

荃灣食肆列表大窩口食肆列表

(35)深井﹕深井碼頭

深井村位置靠近海邊,買完嘢食可以到深井公眾碼頭直接野餐,位置正對青馬大橋,眺望青衣、馬灣,可以對住海景野餐。

延伸閱讀﹕光屋係乜東東?深井村歷史文化半日遊 農村變工業邨再變住宅地 探索舊式工廠+廢校牌坊

深井食肆列表

(36)青衣﹕青衣公園

於青衣買完嘢食之後,可以到青衣公園湖畔用餐,於湖畔開枱用餐,感覺都算舒適,不過來往嘅人群可能會比較多。

延伸閱讀﹕帶你睇青衣楓葉真實情況!藍澄灣出發走南端秘道 小堤壩低攝昂船洲大橋賞藍巴勒海峽

青衣食肆列表

(37)青衣﹕青衣碼頭

除咗青衣公園,亦可以到青衣碼頭野餐,相對前者,後者會比較空曠同舒服,可正對海景用餐。

延伸閱讀﹕帶你睇青衣楓葉真實情況!藍澄灣出發走南端秘道 小堤壩低攝昂船洲大橋賞藍巴勒海峽

青衣食肆列表

(38)錦田﹕盈匯坊

錦田有唔少高水準餐廳,但如果外賣就可能唔知去邊度食,其實盈匯坊內有唔少座椅,可供用餐,地方有如外國。

延伸閱讀﹕錦田紅磚屋前身係蠟燭廠 室內市集52間小店驚喜尋寶

錦田食肆列表

(39)元朗﹕元朗公園

去元朗國check-in之後,買外賣可以去元朗公園,園內有大片碧綠草地,可以隨處野餐,空間十足。

延伸閱讀﹕童話國度!元朗驚現香港姆明小屋 神還原芬蘭童話小說場景

延伸閱讀﹕元朗公園鳳凰木雞蛋花 先睹為快! 元朗公園5月鳳凰木紅花盛放【按圖睇片】

元朗食肆列表

(40)元朗﹕南生圍

南生圍離元朗國鬧市約20分鐘步程,再乘搭橫水渡到南生圍,望向綠油油草原,席地野餐環境舒適。

延伸閱讀﹕秋季率先賞蘆葦/芒草!穿梭元朗南生圍+河背水塘 毋順登山全程走瀝青路輕鬆尋芒草地

元朗食肆列表

(41)屯門﹕兆禧苑停車場上蓋運動場

屯門兆禧苑上蓋運動場色彩繽紛,場邊亦有看台,買完外賣可以到運動場旁邊醫吓肚,樓下靠近屯門碼頭,交通方便。

延伸閱讀﹕停車場上蓋搖身變IG打卡位 屯門藍調天台運動場藏暗語

屯門食肆列表

(42)屯門﹕屯門公園

屯門公園並非只有大媽跳舞,其實本身環境不俗,可以開枱坐低野餐,而且靠近屯門市中心食店,相當便利。

屯門食肆列表

(43)屯門﹕屯門碼頭

至於屯門碼頭就靠近蝴蝶灣,旁邊亦有餐廳,買完外賣直接到海旁野餐,碼頭前臨海景,用餐環境舒適。

屯門食肆列表

延伸閱讀﹕【野餐隨行】屯門幻愛取景地野餐睇日落 啟豐商場尋3間外賣店 10分鐘達海濱花園白色燈塔

(44)屯門﹕屯門河畔公園

屯門河畔公園離屯門紅橋不遠,於紅橋附近買完外賣,可以馬上到對面野餐,需時不長,可保持食物溫度。

屯門食肆列表

(45)天水圍﹕天水圍公園

新北江商場有唔少小店可供選擇,而商場靠近天水圍公園,步行到公園就地野餐就可以,園內地方偌大,亦可於湖畔用餐。

延伸閱讀﹕天水圍公園垂落串錢柳勁搶眼 睇埋代表香港嘅洋紫荊

天水圍食肆列表

延伸閱讀﹕近天澤商場!天水圍後山矮過嘉頓山 秘道闖淋坑山賞北方黃昏景【野餐隨行】

(46)粉嶺/上水﹕北區公園

如果要去粉嶺或上水,可以選擇到北區公園野餐,一方面靠近上水,又同時靠近粉嶺,於市中心買完外賣就可到公園用餐。

粉嶺食肆列表上水食肆列表

(47)大埔﹕大埔海濱公園

大埔海濱公園向來有廣闊草地,向海,可於草地上直接野餐,不過公園係熱門地方,人流可能會較多,但迅速用餐亦無不可。

延伸閱讀﹕【2021賞花地圖】激罕墨染櫻! 大埔海濱公園一隅遍佈富士櫻 雨後櫻花更顯立體感

大埔食肆列表

(48)大埔﹕元洲仔

對比大埔海濱公園,大埔元洲仔人流就較少,同樣靠近海旁,吹住海風野餐比坐室內更舒服。

延伸閱讀﹕大埔元洲仔神秘海岸生態遊 孤獨海島藏古蹟紅樹林望吐露港 度假風藍色小屋/停機坪打卡

大埔食肆列表

(49)沙田﹕沙田公園

沙田公園靠近沙田市中心,交通十分方便,買完外賣更可以即時用餐,公園內空間十足,更有草地,可以同「姐姐」一樣席地野餐。

延伸閱讀﹕【2021賞花地圖】市區驚艷海量紫藍花海!沙田公園近20棵藍花楹含苞待放 勢成全港數量之冠!

沙田食肆列表

延伸閱讀﹕【野餐隨行】太子韓式多士保持高水準 龍蝦灣郊遊徑俯綠蛋島無敵海景 2小時登大嶺峒大坑墩連綿山頭

(50)石門﹕安景街公園

安景街公園靠近河畔,有小草地,有長櫈、緩跑徑,離京瑞廣場不遠,於商場買完外賣就可以步行到河畔用餐。

延伸閱讀﹕【2021賞花地圖】2月櫻花率先睇! 沙田單車路富士櫻驚喜開花

石門食肆列表

(51)沙田圍﹕圓洲角公園

沙田圍有少量食店,買完外賣可以到圓洲角公園野餐,地面為一個小公園,更有小山路,而同時有幾道分岔路。

沙田食肆列表沙田圍食肆列表

(52)馬鞍山﹕馬鞍山海濱長廊

馬鞍山海濱長廊連接至大水坑,於當中路段都可以買外賣,買完就到海旁野餐,前臨海景,而長廊一直有長櫈可供使用,所以開唔開枱自由選擇。

大水坑食肆列表馬鞍山食肆列表

(53)馬鞍山﹕馬鞍山遊樂場

馬鞍山遊樂場係另一個小公園,人流唔算多,亦可以暫時作用餐地方,不過就只有座椅,無景觀或草地。

馬鞍山食肆列表

延伸閱讀﹕馬鞍山蒲桃開花似光纖 果實香甜可食用

(54)馬鞍山﹕烏溪沙石灘

位處馬鞍山嘅石灘以心形石灘聞名,潮退時會形成心形圖案,甚為浪漫,於石灘岸邊可以就地野餐,前臨海景,風景不俗。

延伸閱讀﹕馬鞍山石灘 最啱影婚照

馬鞍山食肆列表

(55)將軍澳﹕香港單車館公園

位處坑口與將軍澳之間嘅香港單車館公園,內有草地,可以隨便野餐,無論將軍澳定坑口,步行到公園都算方便。

延伸閱讀﹕【2021賞花地圖】港版吉野櫻綻放將軍澳單車館公園 雨中粉嫩山櫻花閃現浪漫景象

將軍澳食肆列表坑口食肆列表

(56)將軍澳﹕將軍澳海濱公園

如果係靠近日日食美食廣場,可以到海旁野餐,前臨海景,環境更為舒適,海濱長廊旁邊有緩跑徑。

將軍澳食肆列表

(57)寶林﹕寶康公園

寶林亦有一個可以野餐吓嘅小公園,靠近新都城商場,可從寶林或坑口進入。

將軍澳食肆列表坑口食肆列表

延伸閱讀﹕【野餐隨行】寶林屋邨商場尋日台小食 登小夏威夷徑野餐 清涼路線穿梭港版少女峰鴨仔山

(58)西貢﹕西貢海濱長廊

如果係進入西貢範圍,買完外賣就可以到海濱長廊用餐,正對海景,吹吹海風,就算唔搭船都算心曠神怡嘅。

延伸閱讀﹕盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景

西貢食肆列表



延伸閱讀﹕野餐隨行【港島篇】有View有草地!全港100個近鬧市近食肆安心野餐點 梗有一個喺左近!


E.A.Tips﹕

❸ 野餐時,自己垃圾謹記自己帶走!

❹ 野餐要盡量使用可循環再用之餐具器皿。

❺ 可以挑選有長櫈嘅地方,會較方便。

❻ 有需要可自備小餐枱、小型露營櫈用餐,可以隨時去到邊食到邊。

❼ 野餐時正對海景用餐會比較Chill。

❽ 最好挑選較少人嘅地方,避免接觸人群。

❾ 野餐地同食肆最好距離不足15分鐘步程,以免食物及熱飲冷卻,有需要就自備保溫袋。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足