【聖誕好去處2020】新界3個市集尋寶為家居裝扮！一個限時開放一個偏僻兼鮮為人知

聖誕臨近，當然要去買吓聖誕裝飾同禮物啦！新界就有3個值得行吓嘅市集，今個禮拜一於兩個人搵個聖誕市集拍拖行吓，順便買少少平價聖誕裝飾為家居裝扮吓，去唔到旅行都可以自製聖誕氣氛嘛！

【Like Facebook / MEWE 緊貼最新資訊，一個Like一個鼓勵，支持原創文章，向Content Farm說不。】

（1）Biophilia Christmas Market

隱藏於大埔林村嘅限時聖誕市集Biophilia Christmas Market，場內將綠色溫室蛻變成火紅聖誕空間，既有藝術感，又有環保意識，可以為家居添置小棵聖誕樹同裝飾品。本來只係開放至12月13日，但官方日前表示加開今個禮物五、六、日，即12月18至20日，留意多人嘅話會有人流控制，場內最多只得50人，每組限逗留45mins，確保疫情期間大家安全。

延伸閱讀﹕大埔林村火紅綠色聖誕 Biophilia限時市集打卡兼DIY聖誕樹

（2）錦田紅磚屋

而靠近錦田祠堂村同吉慶圍嘅錦田紅磚屋，就係比較廣為人知嘅周末限定市集，由蠟燭廠演變成紅磚屋市集，室內有幾分似日本地下街，有好多間紅磚砌成嘅小店，包括茶座、食店、蠟燭店、手作店、家具店、服裝店等，懷舊、新潮融合，穿梭其中可以搜羅適合聖誕用嘅裝飾品。

延伸閱讀﹕錦田紅磚屋前身係蠟燭廠室內市集52間小店驚喜尋寶

（3）樂安排小欖跳蚤市場

第三個係相對比較鮮為人知嘅市集，其實係一個跳蚤市場。雖然座落屯門小欖已20年，由海水化淡廠轉為跳蚤市場，但近年人流大減，攤位亦買少見少。不過，目前仍然可以於場內尋寶兼掃貨，內有廚房用品、烘焙用品、古董、傢俬、玩具、衣物鞋履等，件件廠房平貨價錢相宜，更有小舖售賣聖誕裝飾品，記者親身睇過，價錢比坊間平價，質量唔差，最啱以最低價錢為家居裝扮。最大特色係行完跳蚤市場，可以去背後一個只有釣魚客嘅碼頭睇日落，甚至飛機升降，景觀遼闊，可望青馬大橋、青山灣、青山灣。