香港度度都人多車多，兩個人要清靜一下，只能去吓新界偏僻地方。
之前去咗位於粉嶺坪輋一個壁畫村，感覺好似一個好神秘、又充滿藝術感嘅村莊，好多舊嘅房屋，而幾乎間間屋牆上都有色彩繽紛嘅壁畫，早件村莊曾面臨遷拆，不過村民好團結保衛家園先無事，目前仲有人喺度住，所以行過都要保持安靜。
入村方法﹕依照村口指示牌行就得，無論係牆身、枱櫈、地下都畫晒七彩圖畫。
除咗壁畫，仲有汽水罐製嘅風車、木造揮春嘅許願樹。
行過少少近坪洋村仲有大片草地同日落睇， 最啱拍拖散步，空間好廣闊，環境清新自然，好舒服。
拍拖打卡位﹕
1. 牆身壁畫
2. 彩繪長櫈
3. 彩色石仔
4. 許願樹
5. 環保風車
6. 草地日落
地址﹕粉嶺坪洋村坪原路坪輋壁畫村
交通﹕粉嶺市中心轉乘52K小巴>九記士多落車>走過對面村口>行約5分鐘
E.A.Tips﹕
1. 最好著長褲同噴蚊怕水
2. 始終係人哋住嘅地方，又有祖墳，必須要keep quiet
3. Miss A表示好驚狗，村入面行行吓就會有狗經過，怕狗嘅朋友最好搵人陪同先好去
延伸閱讀﹕荃灣隱世壁畫村 光板田村七色階梯打卡
在〈粉嶺神秘壁畫村 每個角落都有藝術感〉中有 8 則留言
留言功能已關閉。