小編覺得呢間Cafe係好啱姊妹gathering嘅地方，呢間位於荃灣嘅cafe，門口偌大玻璃有隻天鵝，而且會旋轉。
玫瑰綠茶泡沫 $38 、青蘋果蜜桃$37 、檸檬藍蝶花$37、綠茶牛奶$36、岩鹽焦糖鮮奶咖啡 $33、薄荷朱古力$36，拉花可揀心形、天鵝、女孩、小熊等。
雙重芝士焗薯條 $52 芝士醬汁味勁濃郁，加埋新鮮炸成嘅香脆薯條極滋味。
雙重芝士焗薯條
凱撒沙律 $39 沙律做前菜，蔬菜、蕃茄好清新同開胃。
卡邦尼溫泉蛋意大利麵 $72 不過不失，溫泉蛋同意粉撈勻好黏口，好濃蛋汁味。
卡邦尼溫泉蛋意大利麵
焦糖山賊雞翼 $68 雞翼好惹味，食完一隻又一隻，不過份量就唔夠分。
香辣蒜香意大利麵 $83 唔算太辣。
香辣蒜香意大利麵
黑松露雜菌蘑菇屋 $78 值得推介，以大蘑菇遮住底下黑松露雜菌白汁燴飯，白汁同燴飯配合得好好，惹味但唔膩，蘑菇咬落去好多汁，唔會太乾身。
香辣蒜香大蝦意大利麵 $83 唔算太辣。
香草白酒忌廉煮蜆 $64 蜆肉幾豐富，唔太少份量，唔會蜆殼多過蜆肉，香草、白酒帶出陣陣濃郁香味。
香蒜帶子意大利麵 $83 唔會太鹹。
爆趣蜜糖芝士炸雞 $108 有啲貴但好惹味，蜜糖芝士炸雞好香口，蘸酸甜辣醬仲正。
紫薯雪糕窩夫 $88 拼湊而成嘅心形窩夫，上面係紫薯雪糕、忌廉，下面係窩夫 仲有朱古力醬、綿花糖點綴， 窩夫咬落有蛋香味。
玫瑰花草莓窩夫 $82 一樣拼湊而成花形窩夫，中間係一球士多啤梨雪糕、忌廉，旁邊係幾件窩夫拼成花朵，每塊窩夫上面都有粒一粒士多啤梨，仲有士多啤梨醬、星形糖飾點綴。
無論係姊妹Gathering，定兩個人拍拖食飯，都好適合。
Cafe Swan 咖啡灣
地址﹕荃灣眾安街68號千色匯2期地下G30-G33號鋪
電話﹕3481 1883
營業時間﹕星期一至五﹕12:00-23:00 星期六至日﹕12:00-22:00
交通﹕荃灣市中心步行約3分鐘
延伸閱讀﹕慢活歎Brunch 南豐紗廠小店撐本地品牌手沖咖啡
延伸閱讀﹕荃灣隱世壁畫村 光板田村七色階梯打卡
