由荃灣市中心向海旁行到盡頭係荃灣西,最為人熟悉係屬於文青地標嘅南豐紗廠,加上Donki 激安殿堂進駐荃灣西海之戀,人流流轉度增加,將工業區地帶演變成一個另類潮流地。其實荃灣西重有好多拍拖好去處,既可遊走壁畫村、亦可上山探險,更可以於海旁睇日落,通通都值得兩個人閒遊。
3低本地遊,  兩個人旅吓行,  和你Taste

【3低本地遊】周末穿梭舊工廠/壁畫村兼上山探險打卡 荃灣西海旁歎咖啡睇日落 $650行程包早午晚餐下午茶

個人瀏覽過





由荃灣市中心向海旁行到盡頭係荃灣西,最為人熟悉係屬於文青地標嘅南豐紗廠,加上Donki 激安殿堂進駐荃灣西海之戀,人流流轉度增加,將工業區地帶演變成一個另類潮流地。其實荃灣西重有好多拍拖好去處,既可遊走壁畫村、亦可上山探險,更可以於海旁睇日落,通通都值得兩個人閒遊。

第一站﹕素悅軒

本地素食店日益增多,荃灣呢間都算係隱藏版素食店,店舖位處小巷內,有大排檔感覺,小店以素食車仔麵為主,一碗3餸車仔麵$50有找,多款車仔餸含純素或蛋奶素,每碗麵奉送一碗雜菜湯,唔少車仔餸皆為仿葷食餸菜,而素菜版亦甚逼真,有肉感而唔需要食真肉。

延伸閱讀﹕超隱秘!素肉骨茶湯底!荃灣巷弄素食車仔麵$50有找 24款純素/蛋奶素車仔餸任揀

第二站﹕光板田村

食完早餐,可以行過隔離川龍街搭車,直上光板田村,又或者直表經愉景新城步行上去,慳返一程小巴錢。一條普通鄉村模式嘅小村落,到底有乜好睇?其實有心搵一樣可以搵到神秘影相位,光板田村似足台灣彩虹眷村、韓國梨花洞壁畫村,同樣設計成壁畫村,內有唔少彩色壁畫,都係少女打卡地。光板田村由村屋、寮屋組成,以盛產果樹聞名,如大樹菠蘿、蕉同木瓜等,更有自家製蜂蜜。當中有一道彩虹式七色階梯,非常搶眼!

延伸閱讀﹕荃灣隱世壁畫村 光板田村七色階梯打卡

第三站﹕南豐紗廠

由光板田村離開,沿天橋可直接返回荃灣愉景新城,非常方便!再經天橋過對面,可以去到好出名嘅南豐紗廠。而南豐紗廠前身雖為紡織廠,但近年活化翻新後搖身一變成為著名文青地帶,保留工業風格之餘,加入現代化元素,有別於倒模式商場。戶外壁畫吸引唔少人打卡,而室內電梯、鐵閘亦係影相位,天台公園同玻璃橋其實都可以係打卡位。南豐紗廠內,亦有好多藝術家進駐,甚至環保店、書店、舊衣店、精品店。

延伸閱讀﹕南豐紗廠輕鬆文青遊 玻璃橋+綠色長櫈打卡

第四站﹕Koko Coffee Roasters

行完南豐紗廠,可以直接搵間餐廳醫吓肚,紗廠內有唔少值得支持嘅良心店,當中咖啡店Koko Coffee Roasters就係其一,室內好有文青感,既有室內雅座,門口亦有座位,整體嚟講係一間打卡Cafe。以自家烘焙咖啡豆炮製咖啡,飲杯咖啡嘅同時,歎返個Brunch就夠Perfect池啦!

延伸閱讀﹕慢活歎Brunch 南豐紗廠小店撐本地品牌手沖咖啡

第五站﹕荒廢村校探險

食飽之後,想搵地方散散步?不妨繼續沿荃灣西走,經荃灣港安醫院直上元荃古道。雖然元荃古道好長,可連接荃灣至元朗,不過可以只行某一段路段嘅。今次推介元荃古道石龍拱段一道小秘道,路段僅約1hour,只有初段比較多樓梯,基本上唔算辛苦,既可避開山上人頭湧湧情況,亦可輕鬆散步,更可以搵搵秘境影吓相。山上可飽覽荃灣、青衣一帶、青馬大橋景,亦可遠眺馬灣、大帽山、藍巴勒海峽。目的地係蓮花山公立學校,該校為一間荒廢村校,位置有探險感,人去樓空,似時光隧道。學校附近有水泥滑梯可打卡,亦有滿佈葉藤、貌似草屋嘅圖書室,洗手間都被草叢完全遮蔽。

延伸閱讀﹕元荃古道石龍拱段環瞰青荃 廢校水泥滑梯探秘打卡

第六站﹕The 5B Private Corner

行完山,可以再直接行過工業區呢間隱密嘅咖啡店醫肚,位處One Midtown附近,The 5B Private Corner亦係一間文青咖啡店,室內空間十足,以木質為主,窗戶可望海景,對住海景歎杯啡幾疏乎呢!當中,Affogato 為特濃咖啡配雪糕,將帶有甜味嘅雲呢嗱雪糕同espresso咖啡融合,雪糕甜味中和咖啡苦澀味,入口似咖啡雪糕味。

延伸閱讀﹕荃灣工廈隱世Cafe 對海景食Tea勁梳乎

第七站﹕荃灣西海旁日落+偽千本鳥居

黃昏時份,可以喺荃灣西海傍睇埋日落,黃昏夕陽景觀優美,海傍有遼闊海景,可眺望對面青衣景,近望青荃橋,遠望汀九橋,藍天白雲時配搭日落靚景絕對值得打卡!沿海濱長廊走向麗城花園方向,更可以找尋一道赤橙色隧道,恍如日本京都千本鳥居,位置靠近荃灣西約體育館。

而荃灣西約即荃灣西區,因為「約」字於明清時期有區域意思,亦係英殖時期行政單位,而荃灣西約位處油柑頭至柴灣角青山公路之間,早年基灣區分為東約、中約、西約,東約指大窩口至葵涌一帶,中約指荃灣市中心一帶,至於西約則為荃灣新市鎮一帶,連同海旁填海工程地帶。不過,如果現時要分成荃灣東、荃灣西,一般以大河道作分界線,而荃灣西區最多嘅係私人屋苑,而仍舊保留荃灣西約名稱嘅廳該只有荃灣西約體育館。

延伸閱讀﹕【2021賞花地圖】荃灣赤橙色隧道頓變港版千本鳥居 海濱逾10棵雞蛋花燦爛盛

第八站﹕台風拉麵

晚間時份返回荃灣市中心,可以去到拉麵名店台風拉麵飽餐一頓,該店由日本人開返,拉麵雖然唔算最頂級,但相當有水準,而且價錢相宜,當中有限定紅色暴雨拉麵,亦有魚介豬骨湯拉麵,甚至伊台風拉麵等。

延伸閱讀﹕大大碗拉麵有日本風格 荃灣人氣台風拉麵有幾高水準?


E.A.Tips :

(1)

(2)


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!