Secret Cafe Takeaway Coffee

只有3個選擇 坪洲極神秘嘅海邊咖啡店Secret Cafe



坪洲小店唔多,無論餐廳定飲品店都有限,最近有一間超神秘嘅海邊咖啡店開業,真正屬於隱世咖啡,即使行過亦未必輕易留意得到嘅小型咖啡店,絕對值得兩個人去試吓。

Like Facebook / MEWE 緊貼最新資訊,一個Like一個鼓勵,支持原創文章,向Content Farm說不。】

近年,坪洲牛皮廠嘅Secret Garden吸引咗唔少人遊覽,小店亦以Secret Cafe命名,不過應該毫無關係。小小咖啡店由年輕人開設,靠近海邊,僅放有一個小黑板喺門口,而且只提供外賣咖啡,只有一個小小櫃台,餐牌內亦只得3個選擇,3款咖啡同飲品價錢介乎$20至$35,包括Iced Americano $30Iced Latte $35、Iced Salty Lemon 7up $20

冰凍嘅Iced Latte適合夏天飲用,咖啡味道唔算苦澀,奶味同咖啡味尚算恰當,紙杯份量睇落唔多,實際上同平時咖啡店嘅咖啡杯差唔多。

Iced Salty Lemon 7up就更冰爽,絕對適合炎夏時期飲用,無論行山定行街後,鹹檸七都係好解渴嘅飲品,鹹檸檬配搭七喜汽水好清爽,鹹檸檬入口特別,味道有小食檸檬乾嘅感覺。

E.A.Tips﹕

(1)小店距離渡輪碼頭只係3分鐘腳程,向手指山方向行,沿海旁會見到,位置喺小屋處,靠近坪洲街渡碼頭。

(2)黃昏行幾步就到海邊,喺海邊拍拖望住個鹹蛋黃歎咖啡,環境會令人覺得更Chill呢!

延伸閱讀﹕Chill歎懷舊黑牛白牛 坪洲茶記蝦膏炒飯超有鑊氣!

延伸閱讀﹕坪洲牛皮廠活化秘密花園 秒變裝置藝術空間

延伸閱讀﹕30分鐘走訪坪洲另類天涯海角 行無人沙灘兼睇釣魚翁石

延伸閱讀﹕大利島碼頭黃昏熱點 坪洲延伸小路走入趣味空間

延伸閱讀﹕CoCo Espresso登陸九龍灣 罕見氮氣咖啡綿密有餘韻

延伸閱讀﹕南丫島隱藏版咖啡店 Lala Mama’s真放空慢活之家

Secret Cafe

坪洲永興街18T號地舖
2983 9876

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!