2021-05-17

【黃店巡禮】街坊先知道!坪洲2間高水準打卡餐廳小店

【黃店巡禮】坪洲 2間 街坊店


坪洲面積唔大,餐廳唔多,良心小店更加係少之又少,今次編輯就為大家歸納2間坪洲必去小店,食完一間之後,可以去另一間歎杯咖啡,最啱周末兩個人去坪洲閒遊㗎啦!

(1)新寶馬茶餐廳小廚

第一間係一間冰室餐廳嘅新寶馬茶餐廳小廚,以茶餐廳菜式為主,門口天藍色配綠色植物,充滿文青感、慵懶感,可以打吓卡,似足咖啡店,餐廳內嘅菜式亦夠地道,夠晒懷舊!最有水準嘅菜式係蝦膏炒飯、豆豉鯪魚炒飯、菠蘿包夾雪糕,想更懷舊可以飲埋黑牛、白牛呢!

延伸閱讀﹕Chill歎懷舊黑牛白牛 坪洲茶記蝦膏炒飯超有鑊氣!

(2)Secret Cafe

另一間坪洲小店就係好神秘嘅一間海邊咖啡店,以Secret Cafe命名,由年輕人開設,據稱年輕人於屋企門口開設小型咖啡店,專賣Takeaway Coffee,簡單小黑板、小櫃台,只提供3款飲品,以小紙杯盛載,味道好有家庭式感覺。

延伸閱讀﹕只有3個選擇 坪洲極神秘嘅海邊咖啡店Secret Cafe

     

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ Please Like & Follow & Subscribe /
歡迎讚好、追蹤、訂閱