兩個人醫吓肚,  和你Taste,  日本菜

荃灣香草吉列石燒牛外脆內軟 $35即升級套餐



    初見 荃灣香草吉列石燒牛外脆內軟 $35即升級套餐【按圖睇片】

    荃灣向來多嘢食,呢排抗疫期間好多餐廳都少咗人流,呢間日料店主打當然係日本料理,睇餐牌有鍋物、燒肉、壽司刺身等,CP值唔差,價錢好公道。只不過小編兩個人都覺得壽司、刺身、鍋物四圍都有,想食吓啲特別嘅嘢,所以叫咗個招牌吉列牛、小食拼盤,貪方便,一次過可以試勻幾樣嘢。

    初見香草吉列牛 $128 配白飯、溏心蛋 +$35仲可以升級套餐

    套餐包含刺身、湯或沙律、飲品,湯係味噌湯或南瓜湯,小編揀咗南瓜湯,因為平時食日料通常係味噌湯,嘢飲簡單少少要咗杯是日精選花茶,當日係菊花茶。南瓜湯值得推介,味道好濃,有南瓜味,質感超Creamy。而刺身亦不過不失,厚度OK算厚切,吞拿魚同三文魚每樣2件。

    主菜係香草吉列牛,表皮以香草完全包裹嘅牛肉,睇落已經好靚,仲有一開二嘅溏心蛋,醃過但唔鹹。石燒牛嘅牛肉上枱時仲係生嘅,要將一塊又一塊肉片自行擺上爐上面,用石燒方式將牛肉燒熟。記得燒之前將細碟上嘅脂肪當油咁搽喺石上面,之後就可以放牛肉上去燒,只需幾秒就已經足夠。

    配埋白飯就剛剛好,牛肉煎完之後油脂香滿滿,比較油膩,白飯自然係最好嘅配搭啦!表皮沾滿香草,入口有啖啖香草香味,加上吉列脆炸過,煎完後入口外脆內軟,表皮鬆脆,肉質軟腍,Miss A覺得唔需要蘸汁同落鹽已經好夠味。

    精選小食拼盤 $98

    本來想試吓個明太子雞翼$58,但見到小食拼盤有4樣嘢都係$98,有蜜糖同茄汁可以蘸,所以直接叫拼盤一次過試晒4樣,每樣有2件,適合拍拖情侶兩個人享用。炸明太子釀雞翼唔需要蘸醬,入口好香,似燒完又炸,但無燶到,明太子味釀喺雞翼當中,好似唔太鹹,雞鎚無骨,懶人最啱食!

    日式鐵板煎餃子亦煎得好香,本身小編唔多食餃子都覺得佢幾好味,皮唔厚,發覺蘸蜜糖原來幾好味。至於炸和風一口芝士亦值得推介,成粒都係芝士,炸完之後芝士喺炸粉入面呈流心狀,一口咬落去,芝士可以拉絲出嚟。最後有炸和風甘栗紫薯餅,呢樣都係驚喜之一,小編覺得紫薯向來香甜,炸完後表皮鬆脆食落唔太厚粉,入面紫薯軟淋淋,仲有粒粒栗子,層次好豐富。

    初見

    地址﹕ 荃灣海壩街22號華達樓地下F號舖
    營業時間﹕ 12:00 – 16:00;18:00 – 22:00
    電話﹕ 3590 4277
    地址﹕ 荃灣海壩街22號華達樓地下F號舖
    營業時間﹕ 12:00 – 16:00;18:00 – 22:00
    電話﹕ 3590 4277

    延伸閱讀﹕Cafe Paradise超抵石燒牛 100蚊樓下有交易

    延伸閱讀﹕女人街半自助式石燒牛扒 200g都夠食

    延伸閱讀﹕熱力充足 太子100蚊內食石燒牛

    延伸閱讀﹕平價情人節大餐 女人街歎生蠔+石燒牛扒

    延伸閱讀﹕【有片】銅鑼灣吉列牛超軟嫩 忌廉烏冬勁Creamy

    延伸閱讀﹕屯門$200樓下石燒牛扒 套餐價有湯+果汁+前菜+雪糕

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


    鄰近車公廟!沙田大圍廢校轉化綠色空間 環保博物館將藝術融入生活
    全港3間分店!復古裝潢還原屋邨走廊賣懷舊點心 老馮茶居不如用一款點心單飛?
    藜麥紅白米飯配滋補燉湯 大角嘴$48健康港式便當
    荃灣清靜秘密花園 大會堂劇院咖啡店歎下午茶
    大角嘴街坊刺身壽司專門店 丼飯全日供應最平$40
    元朗錦田路邊大排檔毗連公園街市 超高水準街坊醉雞麵/海南雞飯回頭率高
    荃灣人氣新式大排檔旗艦店 與時並進改良舊餸菜吸斯文客人?
    石崗軍營賞楓!雷公田起步遊200年歷史甲龍古道 直搗川龍家樂徑眺青馬/昂船洲大橋【秋季紅葉2021】
    大角嘴高水準台式手工芋圓店月底將結業 滿$100送2件芒果糯米糍
    【年糕巡禮2022】新年最黃賀年糕點完整名單!近50間港九新界實體店連網店年糕蘿蔔糕即刻預訂!
    野餐隨行【大嶼山及離島篇】有View有草地!全港100個近鬧市近食肆安心野餐點 梗有一個喺左近!
    野餐隨行【港島篇】有View有草地!全港100個近鬧市近食肆安心野餐點 梗有一個喺左近!
    野餐隨行【新界篇】有View有草地!全港100個近鬧市近食肆安心野餐點 梗有一個喺左近!
    野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
    荔枝角程班長台灣美食宣佈即將結業 台灣味牛肉麵營業至3月!
    露營地全禁?赤徑藏荒廢小教堂!西貢東100%瀝青路穿越鹹田灣+西灣沙灘