2020-08-09
吉列牛忌廉烏冬專門店

【有片】銅鑼灣吉列牛超軟嫩 忌廉烏冬勁Creamy



    Kobekyu吉列牛忌廉烏冬專門店 銅鑼灣吉列牛超軟嫩 忌廉烏冬勁Creamy 【按圖睇片】
    {"popup_fix":"false"}

    本來入呢棟大廈無諗住食呢間,諗住去第二間,不過Miss A出錯Lift將錯就錯就食咗呢間,好在都算有驚喜,兩個人拍拖嚟食都OK。

    美式頂級牛里脊配大啡菇

    見到個石燒爐,估唔到又食石燒牛啦!

    牛肉好高質,叫牛里脊,Miss A 唔太識牛部位,唔知係咪牛頸脊啲Friend,總之肉質都係咁軟腍同好有牛味,放上石燒後,牛肉好香口,入口好Juicy有肉汁。

    咖哩忌廉烏冬+牛肉

    嚟呢度當然要試吓udon啦,烏冬被咖哩忌廉包裹,表面一層厚厚嘅忌廉好creamy!攪勻之後,每條烏冬都掛起醬汁,一定要撈勻,否則烏冬就咁食會無咩味,撈完味道就好濃厚。

    Kobekyu牛油蜜糖單骨雞翼

    本來有3隻雞翼,一款係韓式甜辣醬,一款係滋味炸嘅,另一款就係牛油蜜糖。因為我哋唔想食辣同炸嘢,所以就揀咗第三款,單骨雞翼好處係食得方便,唔使咬兩條骨咁煩,而且會更入味。

    除咗牛油同蜜糖,表面仲灑上芝麻點綴,賣相即時靚咗,而且傳出些微芝麻香,用牛油煮有少少牛油味,又唔會太膩。 而蜜糖就帶上甜味,令雞翼唔會過於鹹,蜜糖沉晒落底,建議蘸過底下嘅蜜糖先食,Miss A直頭幫隻雞翼沖涼咁蘸完先食添。

    連服務費兩個人約三百幾,人均百五、百六左右,唔知叫唔叫平,不過食物係好食,都抵食嘅,加上坐窗口位,好光猛,陽光透入好溫暖舒服,亦可望到窗外景。

    Kobekyu吉列牛忌廉烏冬專門店

    地址﹕銅鑼灣耀華街3號百樂中心22樓
    營業時間﹕12:00 – 22:30
    電話﹕3427 8822

    Please Like & Follow & Subscribe /
    歡迎讚好、追蹤、訂閱

         

    One thought on “【有片】銅鑼灣吉列牛超軟嫩 忌廉烏冬勁Creamy

    Comments are closed.