【區區有小店】將軍澳4間隱藏小店午餐最平50蚊埋單

[sig_post_pv label=”瀏覽：”]

將軍澳主要由地鐵商場連接，良心小店較少，將軍澳居民或喺將軍澳工作要搵好嘢食就有啲難度，今次小編喺將軍澳站附近搵咗四間隱世小店，間間有質素，重點係平價美食，兩個人隨時100蚊埋單，午餐激抵！

【Like Facebook / MEWE 緊貼最新資訊，一個Like一個鼓勵，支持原創文章，向Content Farm說不。】

隱藏喺將軍澳香港單車館內嘅牧羊少年咖啡館係一間Cafe，對住湖景同公園食飯，環境極Chill，一般午餐食個意粉或飯連餐飲都只係60至70蚊，下午茶更加低至50蚊內有交易，食一件Cheese Cake歎返個下午茶都係加35蚊。

位置﹕香港單車館內

延伸閱讀：隱藏單車館內隱世Cafe夠晒Chill

而呢間主打泰式美食嘅泰COOL，位處喺翩匯坊，更加隱藏喺將軍澳海濱公園單車徑旁邊，對住海景食飯比對住湖景食飯更爽！一碗泰式湯河連熱飲，埋單唔使60蚊。

位置﹕海濱公園單車徑旁

延伸閱讀：冬蔭功有雞？良心小店高質泰式菜

至於天晉匯內嘅牛助，地址上雖然喺商場，但要去到停車場旁邊先會見到隱藏喺上層位置，最低50蚊就有一款定食或魚生飯，飯量充足，係其中一間平價嘅午餐之選。

位置﹕天晉匯二期商場

延伸閱讀：50蚊魚生飯新鮮但份量唔多

同樣隱藏喺天晉匯嘅蜜蜜見，係一間小型Cafe，位置就係牛助對面，同樣喺大型停車場隔離，但呢間就喺地下插旗，隱於花店同藍色店中間，表面其實毫不起眼。一碗飽肚嘅Carbonara只係60零蚊，不過最值得推介係超重薑味嘅Ginger Souffle！

位置﹕天晉匯

延伸閱讀：將軍澳隱蔽良心店薑味梳乎厘超出色

Δ 如果覺得我哋嘅介紹啱睇，就Like吓我哋Facebook / Follow吓我哋Instagram啦！