粉嶺正宗北海道風味拉麵 最平45蚊碗超抵食

粉嶺正宗北海道風味拉麵 最平45蚊碗超抵食【有片】



[sp_html5video category=”1739″]

英文名為Jazz Ramen嘅爵士拉麵,感覺好有音樂感,創辦人係一個有日本血統嘅少女,當時人家鄉係北海道。據了解,北海道拉麵向來都係比其他地方嘅清淡,味道無咁濃郁同鹹味無咁重,今次試試的確幾有當地風味。

室內面積比較細,適合兩個人入去食拉麵,唔適宜一大班朋友入去,客人人數唔多,所以環境比較清靜同舒服,食得安心。坐喺拉麵店,感覺有日本鄉村風格,唔似當地大城市啲拉麵店,反而似足非大城市、鄉郊地方嘅感覺。

熱辣辣嘅拉麵全部由豬骨湯底熬製,加咗胡椒粉,要轉湯需要加$10。湯底未算最濃厚級數,入口唔鹹,拉麵都係掛湯,配料充足,每碗拉麵都唔單調。

爵士拉麵 中$98/小$93

屬於招牌拉麵嘅Jazz Ramen,價錢偏貴,包含肥牛、叉燒、雜錦。最初見到配料有肥牛時,嚇咗一跳,無諗過拉麵會落肥牛。不過,原來肥牛都可以配合到拉麵,當然日式叉燒配搭拉麵就更好,其他餡料就同少一半價錢嘅雜錦拉麵一樣。

雜錦拉麵 中$50/小$45

餐牌中最平嘅拉麵款式係雜錦拉麵,配料包含蟹柳、日式醬油蛋、海草、粟米,價錢大概係爵士拉麵嘅一半,只係無咗肥牛同叉燒,如果唔需要肥牛同叉燒嘅朋友,不妨淨係叫碗雜錦拉麵,價錢比較相宜。

交通﹕由粉嶺市中心經粉嶺名都行去聯和墟方向,近舊聯和市場

爵士拉麵

地址﹕粉嶺聯和墟聯昌街2號A錦福大廈地下6號舖
營業時間﹕星期三至日 12:00 – 14:00、18:00 – 21:00,星期一、二休息
電話﹕5178 9788

延伸閱讀﹕綠意盎然 流水潺潺 「香港小桂林」流水響水塘最啱野餐露營

延伸閱讀﹕皇后山隨時行足2小時? 教你2分鐘去到印度廟

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!