【#3低本地遊】上集講到粉嶺有流水響、印度廟,該類拍拖活動比較sporty,重有無輕鬆少少?今次再帶大家拍拖兩個人行吓半文青、半sporty嘅路線啦!
3低本地遊,  兩個人旅吓行,  和你Taste

【3低本地遊】粉嶺嚐北海道風味拉麵 探索藝術壁畫村兼上山望新界北日落景

個人瀏覽過





上集講到粉嶺有流水響、印度廟,該類拍拖活動比較sporty,重有無輕鬆少少?今次再帶大家拍拖兩個人行吓半文青、半sporty嘅路線啦!

粉嶺原本其實叫鴉鵲塱,由於區內有座大嶺山,傳說山上有塊石壁,雪白如粉,所以叫粉壁嶺,附近鄉村就叫粉壁嶺村。村民喺天旱時祈求天降甘霖,因有求必應而被稱為靈山,後來簡稱為粉嶺村,連附近區內都叫粉嶺。

第一站﹕爵士拉麵

位於粉嶺嘅爵士拉麵,由北海道背景嘅日本血統少女開設,小店狀似日本鄉郊小店,有幾分當地風味。北海道拉麵入口偏淡,味道無咁濃郁,而呢款拉麵就以豬骨湯底熬製,自動添加胡椒粉,配料充足,一碗離錦拉麵最平只係$45,兩個人去$100有找!

延伸閱讀﹕粉嶺正宗北海道風味拉麵 最平45蚊碗超抵食

第二站﹕坪輋壁畫村

食飽可以再去行吓,行厭市區嘅話,不妨去稍為偏僻嘅鄉郊處,粉嶺坪輋有個壁畫村,帶有幾分神秘感,係一條好有藝術感嘅村莊,幾乎每間屋都髹上繽紛壁畫,村內牆身、枱櫈、地下都有,不時有指示牌,唔會盪失路。此外,仲有小型藝術品,包括自製嘅汽水罐風車、木造許願揮春等。背後近坪洋村更加有大片草地,空間遼闊,時近黃昏仲可以睇埋日落,超舒服,拍拖去更浪漫!

延伸閱讀﹕3小時長征港版萬里長城!華山軍路連綿芒草 上水紅橋新村行到粉嶺坪輋壁畫村 黃昏坪洋白茅草原打卡

第三站﹕蝴蝶山

如果未到黃昏時份,可以返回粉嶺市中心,再步行10mins去蝴蝶山,路段全為水泥路,僅少量路段較陡峭,大多簡單易行。既可行到大埔林村,亦可從中段折返粉錦公路離開。從瞭望台可直視粉嶺、新界北一帶風景,包括古洞、新田、落馬洲,有緣更可以望蝴蝶飛舞呢!若由中段離開,向營盤方向行,同樣可望壯觀夕陽靚景,路段輕鬆。

延伸閱讀﹕蝴蝶山有蝴蝶? 晨運路線眺新界北風景


E.A.Tips :

(1) 乘搭小巴路線52K可以直達坪輋,人均$6.3。

(2) 由粉嶺營盤粉錦公路乘搭巴士路線76K,可前往元朗方向,車費人均$8.9。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!