2021-08-03

童話國度!元朗驚現香港姆明小屋 神還原芬蘭童話小說場景

元朗公園日本姆明小屋

個人瀏覽過





日本公園有好多寶藏,其實香港嘅公園都有唔少獨特建築設計,畫面似足漫畫或動畫,繼早前報道過嘅荔枝角公園、天后廟道三號花園,今次嚟到元朗公園,拍拖兩個人有如走入姆明谷一樣。

而你又知唔知邊個係姆明、姆明谷喺邊度呢?姆明谷係來自芬蘭瑞典族童話小說《姆明》,其實只係一個虛構地方,附近有翠綠山坡、河流、果樹、花朵,但環境寧靜而和平,令人嚮往。

芬蘭有姆明博物館,日本東京亦有以姆明為主題嘅公園,如あけぼの子どもの森公園、Moominvalley Park,小橋、屋仔都係姆明谷標誌,而香港呢?估唔到元朗國都有!

於元朗國嘅姆明谷小屋,非常容易走漏眼,僅佔元朗公園一個角落,小花園內有一個標誌性嘅尖頂小屋,似足姆明嘅海邊小屋。而尖頂小屋背後係幾座御豪山莊,樓數唔高,紅色屋頂、大大塊玻璃窗陪襯下竟然出奇地配合呢間香港姆明小屋。

藍色尖頂、堡壘磚牆,更有小樓梯,一望感覺狀似北歐風小屋,恍惚走入一個夢幻童話國度,有指童話小說《姆明》中心思想係「與自然共存,尊重自我及自由」,場景置於元朗國,難道意有所指?

延伸閱讀﹕隱藏版荔枝角公園 驚現《愛麗絲夢遊仙境》小秘景

延伸閱讀﹕秒遊京都! 炮台山配水庫旁秘藏日式公園 30分鐘直上紅香爐峰山頂

      

小編講吓嘢﹕

一個好嘅場景,以圍欄封實其實到底是好是壞?元朗公園嘅《姆明》小屋同荔枝角公園嘅《愛麗絲夢遊仙境》小屋大有分別,荔枝角公園設計規劃《愛》為容許一般人進入互動拍攝,但元朗公園呢個角落採用禁閉式設計,以白色圍欄圍封,一般人無法進入,其實等同於「廢」。編輯明白以圍欄圍封係可以保護場內嘅花草、小屋不被破壞,但事實上以金錢、心思堆砌出一個建築出嚟,若無人欣賞,等於倒錢落海,一般人路過根本唔會發現小屋係似足芬蘭童話小說《姆明》。一直唔解決源頭問題,但又圍封園內嘅地方,到底封死又有何作用?


E.A.Tips :

(1) 乘搭巴士路線68E,68F,268C,604,968可到達元朗公園。

(2) 打卡位置只係一個角落,靠近百鳥塔。

(3) 小屋有圍欄封住,謹記唔好越過白色圍欄。

(4) 齋影相好啦,唔好搞咁多嘢,乖乖哋呀!


元朗公園

元朗公園北路1號
24hours
2473 6511

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!
ΔPlease Like & Follow & Subscribe /
歡迎讚好、追蹤、訂閱

       

深水埗大南街咖啡店共享空間 設計藝廊真係值得睇?
【英國偽旅行】本地4個必去英式庭園 英國文學作品場景/海拔最高公園/法定古蹟遍佈港九新界
【美國偽旅行】穿越邁亞密探索海量棕櫚樹 港版千島群島景觀開揚 爽歎美式口味漢堡Comfort Food
【歐洲偽旅行】本地挪威式小花園/城堡打卡 歐式別墅前臨靜謐沙灘 無敵海景盡曬日光浴
青馬橋底睇日落!青衣西草灣賞景打卡秘地 細山步行徑近三支香談心好地方
【意大利偽旅行】穿越「東方威尼斯」 感受香港水鄉小島風情 兩大賞景地眺黃昏夕陽
錦田高埔村天空之城離市中心僅1公里 No Boundary姊妹店HOLA Chill住歎加料厚多士
【澳門偽旅行】迷你葡萄牙羅卡角海岬/倒模路環彩虹屋打卡 歎地道澳門豬扒包兼暢遊黑沙海灘
【泰國偽旅行】港島迷你泰式小屋打卡 海邊恍若峇里島度假 歎過江龍正宗船麵
驚現男團Mirror/Error主題月餅!中秋黃金月餅巡禮2021最完整名單!即睇港九新界連網店月餅預訂攻略!
【台灣偽旅行】遊走新界3大壁畫村 歎地道肉焿湯/台式牛肉麵
【日本偽旅行】全港5個本地「日式庭園」 秒到鳥居/神社/繪馬/動漫場景打卡
超隱秘!素肉骨茶湯底!荃灣巷弄素食車仔麵$50有找 24款純素/蛋奶素車仔餸任揀
消失的「萬壽無疆」? 旺角懷舊東方色彩工業風咖啡店五金味重
入場有限制!大埔慈山寺偽旅行驚現仿日本神社御手洗 必睇全球第2高巨型純白觀音像
瞰鋼線灣景色!穿梭山頂至薄扶林水塘尋港版《千與千尋》場景 新哥德式風格大學堂/伯大尼教堂打卡 薄扶林村都有秘地?