Toasting+元朗公園+1405

【野餐隨行】元朗國公園大草地歎超靚韓式吐司 款款內餡含400次滑蛋

元朗國向來美食眾多,要找尋野餐美食談何容易,離元朗公園、元朗大球場不遠處,就有一間新型吐司小店,主打韓式吐區,食材配搭有新鮮感,每一款吐司都包含招牌滑蛋,適合拍拖兩個人帶去野餐。

靠近青山公路元朗段嘅小街道,都有唔少美食點,當中離野餐點元朗公園較接近嘅地方,可以挑選一間簡單以「Toasting」命名嘅小店,由2021年開業起,主打都係韓式吐司,材料看似簡單,但配搭有層次,造型設計吸睛,據知店舖不時會推出限定款式或全新款式,現時易拉架上就有一個款式貼有「敬請期待」,就有種神秘感覺。

步行至靠近市心嘅元朗公園,需要不足10分鐘腳程,公園依山而建,地方偌大,亦有可以野餐嘅綠油油大草地,林木眾多,山上有30米高嘅百鳥塔、人工湖,亦有一個娒明小角落,於青蔥大草坪野餐,環境不俗。

延伸閱讀﹕童話國度!元朗驚現香港姆明小屋 神還原芬蘭童話小說場景

兩個人一次只能品嚐兩個款式,其中一款係「一啖牛油一啖蟹」$48,包含牛油果、蟹爪棒、400次滑蛋,簡單啲講就係牛油果蟹棒滑蛋吐司。吐司內有生菜,頂端有少量軟綿綿牛油果,中層有鮮甜蟹柳肉,底層則為軟滑炒蛋,又幾有層次感,略嫌牛油果份量太少。當中小店聲稱雞蛋於8成熟就會停止加熱,利用火力餘溫將雞蛋炒熟,同時要受熱均勻,再經過400次攪動,會直接將蛋內顆粒打碎,令炒蛋變得軟滑又綿密,雞蛋三文治帶有濃郁蛋香味,而編輯發現麵包內除咗炒蛋,亦加上沙律醬,更顯Creamy,質感滑溜。

而另一款則為「在茜方的紅玫瑰」$48,改名嗰個又幾鬼馬,亦識玩食字,包含煙三文魚、芫荽、400次滑蛋,直接啲就係芫荽煙三文魚滑蛋吐司。呢款吐司都係芫荽迷必食之選,芫荽香加上煙三文魚嘅鹹香味,似食西餐,加上雞蛋三文治,恍如Crossover。麵包鬆軟,本身偏甜,似牛奶麵包,配搭偏鹹餡料會較適合,而麵包表面烘烤過,有焦脆感而唔會太乾,同多數內餡構成對比,夾上炒滑蛋亦唔算變得太水或太濕潤。

飲品選擇比較普通比如有蝶豆花青檸、奶茶等茶飲,水準比較一般,味道略淡,似飲水,所以都其實無乜好評價,編輯想慳返啖口水。

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好,
了解更多E.A.Two 資訊

E.A.Tips :

❶ 由Toasting步行至元朗公園,只係約5分鐘步程。

❷ 元朗公園人流可能會較多,最好揀個同人群稍有距離嘅草地。

❸ 吐司會配熱飲,凍飲加$2,星期一至五再送薯餅一件。

❹ 小店位處元朗商會小學對面。

❺ 店舖其實有張小型立食枱,不過都係去野餐啦。

❻ 麵包底部以牛油紙封實,加上小型紙盒,可以放心去野餐。

❼ 元朗公園會有蚊,最好做足防蚊揩措施。

❽ 自己垃圾要自己帶走。

EATWO
Miss A

Toasting

元朗豐年路7號豐年樓地下A2A號舖
11:30 – 21:00
9611 3942

元朗公園

元朗公園北路1號
24hours
2473 6511

醫吓肚

【區區有小店2024】上水4間尚存本土餐廳推介!醉雞湯麵/親民日式定食/泰式車仔麵|上水美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年上水區尚存嘅餐廳小店,即睇該區隱藏美食介紹!

【區區有小店2024】太和3間尚存本土餐廳推介!黃金炸髀/海南雞飯/意式茶記|太和美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年太和區尚存嘅餐廳小店,即睇該區隱藏美食介紹!

【區區有小店2024】牛頭角8間尚存本土餐廳推介!榻榻米Cafe/老牌上海菜/工廠食堂|牛頭角美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年牛頭角區尚存嘅餐廳小店,即睇該區隱藏美食介紹!

【區區有小店2024】旺角52間尚存本土餐廳推介!民族風Cafe/燒肉放題/排隊拉麵|旺角美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年旺角區尚存嘅餐廳小店,即睇該區隱藏美食介紹!

【區區有小店2024】太子19間尚存本土餐廳推介!平民法餐/沙嗲牛包/人氣叉蛋飯|太子美食推薦2024

【#區區有小店 】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年太子區尚存嘅餐廳小店,即睇該區隱藏美食介紹!

【區區有小店2024】大角嘴34間尚存本土餐廳推介!隱藏雞湯麵/超濃叻沙/鮮甜豬骨煲|大角嘴美食推薦2024

【#區區有良心】香港結業潮下,美食小店似乎一間又一間逐步消失,縱然搵食艱難,現時依然有唔少值得支持嘅小店尚存,香港人一樣可以拍拖兩個人搜羅各種喜愛菜式,甚至性價比高嘅餐廳選擇。今次E.A.Two編輯就為大家整理2024年大角嘴區尚存嘅餐廳小店,即睇該區隱藏美食介紹!

{"speed":"1000","height":"600","pause":"4000"}
影吓相
{"speed":"1000","height":"600","pause":"4000"}

在〈【野餐隨行】元朗國公園大草地歎超靚韓式吐司 款款內餡含400次滑蛋〉中有 1 則留言

留言功能已關閉。