2021-01-27

灣仔山坳頂藏打卡公園 泰式小屋異國風滿滿

灣仔峽公園 - 灣仔峽道遊樂場 山頂甘道27號 (泰式)


由香港仔行到灣仔,會經過一個細小嘅灣仔峽公園,小公園內隱藏一個細微打卡位,內有一個屋仔連小花園,背後更有一個寫有泰文嘅牌,小空間被植物、花卉包圍,有幾分泰國風格,無得搭飛機都有一秒穿越泰國嘅感覺。

Like Facebook / MEWE 緊貼最新資訊,一個Like一個鼓勵,支持原創文章,向Content Farm說不。】

灣仔峽公園位處山上高地,人流唔多,靠近灣仔峽坳頂,前稱灣仔峽道遊樂場,毗鄰甘道遊樂場,而穿過甘道遊樂場,又可以去到警隊博物館,可以合法窺視皇家香港警察珍藏品同事蹟。

從香港仔水塘行到灣仔,穿過閘口,由香港仔水塘道轉入金馬麟山道,左邊即會見到灣仔峽公園,轉角處發現一個特別嘅影相位。呢個空間由花草植物圍繞而成,背後似足有一塊木板,遠睇貌似一間童話風小木屋,中間有小樓梯可以行入去,盡頭有一個小木牌,上面寫有泰文字句,好有泰國小花園感覺,最啱兩個人拍拖呃吓Like。

延伸閱讀﹕【蝴蝶群舞】零難度上香港仔水塘 推介人跡罕至神秘位打卡 1小時直通灣仔鬧市超易行

無論香港仔定灣仔,都屬於繁華之地,相隔一個香港仔水塘,就將兩者拉近大自然,灣仔高樓大廈林立,山上遊樂場竟然隱藏一個異國風嘅小空間,的確令人有驚喜。

延伸閱讀﹕隱藏版荔枝角公園 驚現《愛麗絲夢遊仙境》小秘景


E.A.Tips﹕

(1)灣仔峽公園內有涼亭、洗手間,甘道遊樂場更有小食亭。
(2)警隊博物館係免費入場,但謹記室內嚴禁攝影。
(3)灣仔峽公園泰式小屋影相位靠近入口處。
(4)警隊博物館樓下、甘道遊樂場旁邊有停車場,方便泊車。
(5)警隊博物館逢星期一、公眾假期休息,星期二開放時間為14:00至17:00,星期三至日開放時間為09:00-17:00。
(6)一方面可從香港仔經水塘行到灣仔,由香港仔水塘道轉入金馬麟山道,會經過灣仔峽公園;亦可以直接從中環交易廣場乘搭15號往山頂方向嘅巴士,於灣仔峽道落車,6,6A,66號巴士亦可於夏門街落車,再沿路步行上山路;至於的士代步,車費就$100有找嘅。而由灣仔出發,可以經利東街、夏門街,由堅尼地道沿又名灣仔自然徑嘅灣仔峽道直上斜路,一直行上山頂道、司徒拔道,灣仔峽公園就近在眼前,不過腳程較長,約45mins,而且上斜比較攰。

灣仔峽公園

灣仔灣仔峽道 / 山頂甘道27號
24hours
2879 5612

Please Like & Follow & Subscribe /
歡迎讚好、追蹤、訂閱

       

One thought on “灣仔山坳頂藏打卡公園 泰式小屋異國風滿滿

Comments are closed.