【泰國偽旅行】港島迷你泰式小屋打卡海邊恍若峇里島度假歎過江龍正宗船麵

[sig_post_pv label=””] 個人瀏覽過

泰國向來帶俾香港人度假感覺，除咗曼谷係旅遊熱門行程，其他地方如布吉、芭達雅、蘇美島都係度假勝地，而東南亞地區旅行價錢亦相宜，係拍拖情侶旅遊好地方。不過，暫時未有得去旅行之前，可以先遊走本地嘅好地方，一樣可以有泰國度假感覺，亦可以兩個人拍攝偽旅行相片，為咗營造泰國度假感，先帶大家去港島一遊。

（1）灣仔﹕灣仔峽公園

首先去到灣仔峽公園，可以從香港仔步行至灣仔，又或由灣仔上山，會輕易發現一個充滿度假風嘅泰國小屋。小公園地方唔大，迷你泰國小屋所佔空間亦小，但屋仔連有小花園，四週有花草樹木圍繞，屋仔旁邊更有一個泰文指示牌，於此處打卡的確可以呃Like㗎！

延伸閱讀﹕灣仔山坳頂藏打卡公園泰式小屋異國風滿滿

（2）西環﹕瀑布灣公園

由灣仔乘搭電車到西環，再轉乘小巴路線，可以去到華富邨。雖然華富邨只係公共屋邨，但樓下有一個擁「扶林飛瀑」同「雞蛋仔」嘅公園。沿瀑布灣公園走，一隅可見一個小型石灘，有一道僅高約15米嘅瀑布，但傾瀉而下時都略有氣勢。另一邊廂，海旁亂石遇上退潮時間嘅話，會出現石仔連接成平台嘅畫面，造成雞蛋仔般狀態。於公園一隅沙灘吹吹海風，配合藍天白雲靚景，有如置身泰國峇里島，度假感大增。