兩個人醫吓肚,  和你Taste,  蛋糕

西環低調家庭式餅店 超萌Pepe連登豬蛋糕最平98蚊

    個人瀏覽過



    西營盤呢間餅店嘅麵包新鮮出爐,價錢相宜,唔少賣相幾吸引,比起連麵包都高價販售嘅連鎖店,不如支持吓西環天天烘焙呢種充滿家庭式嘅小店。

    餅店有好多專屬香港人嘅蛋糕款式,編輯今次預訂咗一個以Pepe同連登豬為主題嘅蛋糕,最細6吋嘅蛋糕只需98蚊,絕對比坊間餅店更超值!蛋糕表面有Pepe同連登豬設計,Pepe同連登豬坐喺彩色紙鶴上,感覺充滿希望。

    蛋糕可以自由選擇唔同口味,包括最隱陣嘅雜果味,仲有香甜嘅芒果味、栗子味,更有朱古力迷必食嘅黑森林口味。蛋糕邊緣亦全以七彩忌廉環繞,極吸睛!

    千祈唔好覺得平嘢無好嘢,蛋糕100蚊有找,但味道的確比連鎖店更出色,雖然蛋糕邊緣滿滿彩色忌廉,但入口唔膩,切開蛋糕見到係一層層蛋糕同忌廉,6吋已足夠4個人食用。無論價錢定味道,蛋糕都值得翻啅。

    e.a.tips
    (1)任何麵包、蛋糕或曲奇等都可以預訂,網上訂購可用Payme或轉數快付款。
    (2)雖然可以即時購買,但蛋糕最好預早至少一至兩日預訂,兼同餅店直接聯絡confirm,出示單據即可拎蛋糕。

    交通﹕
    (1)西營盤向香港大學方向行三個街口即達。
    (2)香港大學向海邊方向行一個街口轉右即達。

    延伸閱讀﹕帝京餅店驚喜日式拉麵蛋糕 成碗上!

    天天烘焙

    地址﹕西環德輔道西332號地舖
    電話﹕3705 1799

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


    個人瀏覽過