中環山頂纜車附近有一座好特別嘅教堂,設計喺香港好罕見,最啱兩個人去欣賞,甚至拍拖打卡同影婚紗照!
由1847年落成嘅聖約翰教堂,位處中環,座落中區花園道,屬香港聖公會香港島教區的主教座堂,最特別之處係採哥德復興式建築,亦係香港法定古蹟之一。
聖約翰教堂採用哥德復興式建築,當時香港總督戴維斯爵士奠基,將十三世紀早期英格蘭式同華麗哥德式建築融合,至今係香港最古老嘅西式教會建築物。
由此處張望,四周摩天大樓高聳入雲,被商業大廈包圍嘅聖約翰教堂,有種脫俗感覺,見證香港百年歷史變遷。
雄峻石砌出樓塔上四個尖頂,整座聖約翰教堂以黃色為主調,牆壁以淺黃色為主,感覺清麗脫俗。牆身上有一個又一個長拱形窗,同圓窗對應,環境比較適合影婚紗照。
e.a.tips (1)雖然環境係好適合影婚紗照,但內部係唔可以隨意影相,最好都係留喺戶外影相啦! (2)教堂係神聖地方,記得保持安靜,勿喧嘩叫囂。 |
交通﹕
(1)沿畢打街去皇后大道中,轉入炮台里,沿路步行上斜路,位置喺中環美利酒店The Murray對面,腳程約10至15分鐘。
(2)比較建議由中環天星碼頭方向過去,搭巴士15C,中環花園道山下纜車站落車,可沿花園道過去。
延伸閱讀﹕紅棉路節果決明樹開花 5月驚艷中環
延伸閱讀﹕全港5大超靚教堂 穿越歐洲唔使搭飛機
聖約翰座堂
位置﹕ | Three Garden Road, Central |
地址﹕ | 中環花園道4號至8號 |
開放時間﹕ | 07:00–18:00;星期六 07:00–16:00;星期日 10:30–15:00 |
查詢﹕ | 2523 4157 |
網址﹕ | www.stjohnscathedral.org.hk |
在〈激罕哥德復興式建築 中環聖約翰教堂打卡〉中有 4 則留言
留言功能已關閉。