呢座咁有古典主義風格嘅紅磚屋到底係咩嚟？小小一座紅磚屋原來係一個歷史地標，而且被評為一級歷史建築物。
位處油蔴地窩打老道8號嘅紅磚屋，背後建築物的確係住宅「窩打老道8號」，亦因為紅磚屋而取消部份低層單位，以長柱支撐大樓。至於紅磚屋前面就係上海街，有好多出名賣廚房用具嘅舖頭，最啱大家抗疫期間個個做廚神。
油蔴地紅磚屋驟眼睇滿滿古典味道，翻查資料，原來前身係上海街舊抽水站嘅工程師辦公室，由1895年建成，雖然從1911年已停止運作，曾為舊油麻地郵政局、公廁及垃圾收集站同露宿者之家。發展商將抽水站三幢建築拆走兩幢，而紅磚屋部份則被主張保護文物嘅人反對，加上屬於水務處，故紅磚屋部份位置仍然保留，於2000年更被古物諮詢委員會評為一級歷史建築。
不過，香港政府曾經喺2006年耗資8000萬改建紅磚屋同油麻地戲院，演變成傳統曲藝表演中心，室內有300個座位，目前為油麻地戲院辦公室、表演排練空間同中國戲曲紀念品店。
紅磚屋基本樓高兩層，以古典風格為主，採用殖民地新古典主義設計，風格揉合「美術工藝運動」，由於以紅磚建成，四面都係紅磚牆，所以叫紅磚屋。紅磚屋呢種古舊建築，絕對係香港碩果僅存，當中拱形遊廊、花崗石構件、木製百葉窗等都可以兩個人拍拖去打吓卡。
交通﹕位置近油麻地果欄同窩打老道8號1座
延伸閱讀﹕台式風格早餐店 油蔴地小巷超厚蛋吐司
延伸閱讀﹕旺角唐樓隱藏樓上Cafe 姊妹Gathering好地方
延伸閱讀﹕Harry Potter迷你主題Cafe 9 3/4月台活靈活現
油蔴地紅磚屋
油蔴地窩打老道8號1座 / 上海街345號
24hours
在〈油蔴地紅磚屋鬧市打卡 20年前係一級歷史建築〉中有 3 則留言
留言功能已關閉。