3低本地遊,  兩個人旅吓行,  和你Taste

【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡

瀏覽次數:505
個人瀏覽過





油麻地屬於油尖旺區,係一個歷史悠久嘅地區,目前油麻地雖然人煙稠密,但早年其實人流極少。油麻地最著名嘅地方莫過於因天后廟而得名嘅廟街,廟街有好多貨品同食品小攤檔,既有地道風味,價格亦相宜,似足台灣夜市,為遊客必到之處。不過,要行同遊客唔一樣嘅路線,就要稍花心機諗諗兩個人嘅行程啦!

第一站﹕叁拾壹堂高烤吐司

一大清早,歎返個早餐是常識吧!暗藏於油蔴地小巷內嘅台式早餐店,除咗有簡約早餐同All Day Breakfast,仲有好幾款蛋吐司,當中多層次蛋吐司一客有兩份,兩個人每人一件,當早餐一定夠飽肚。蛋吐司層次豐富,白麵包勁鬆軟,內餡有唔同種類嘅蛋,黃澄澄嘅煎蛋夠晒厚,好有蛋香味,中間夾雜類似沙律質感,入口似足蛋沙律。小店空間唔多,裝潢好有台式文青風格,拍拖去唔到旅行都有一秒身處台灣嘅感覺。

延伸閱讀﹕台式風格早餐店 油蔴地小巷超厚蛋吐司

現時大多數人將油蔴地寫成油麻地,當初港鐵站棄用油蔴地命名,採用油麻地為站名,不過其實兩者係相通。點解會叫油麻地?其實同區內海上產業有關。據了解,唔少漁民喺1860年前就喺該區修補漁船,亦曬晾船上嘅麻纜,所以呢個地方就叫做麻地。直到1875年,該區再設立唔少桐油商店,桐油係經營同修補漁船嘅重要原料,所以就叫油麻地,而麻字同蔴字係互通,亦同時叫油蔴地。不過照推斷,以前居民應該使用油蔴地居多,由1924年起嘅油麻地小輪原名為香港油蔴地小輪船有限公司,採用蔴字而非麻字,只係港鐵站採用油麻地而非油蔴地,以致大多數人都改用油麻地,目前似乎只淨返中華電力嘅油蔴地變電站繼續保留用蔴字命名。

第二站﹕油麻地紅磚屋

油麻地係一個幾有歷史價值嘅舊區,區內有啲建築好有復古味道,有部份更屬於歷史地標。當中,油蔴地紅磚屋就係一級歷史建築物,以殖民地新古典主義設計,揉合「美術工藝運動」,外表充滿古典味,四面紅磚牆、拱形遊廊、花崗石構件同木製百葉窗等的確好啱少女打卡。而紅磚屋前身係上海街舊抽水站嘅工程師辦公室,曾經係油麻地郵政局、公廁及垃圾收集站同露宿者之家,而香港政府更曾大灑金錢,以公帑8000萬港元改建紅磚屋同油麻地戲院,將其變成傳統曲藝表演中心。紅磚屋位置靠近上海街,而上海街就有好多賣廚房用具嘅舖頭,想做網絡廚神就要工欲善其善,必先利其器啦!

延伸閱讀﹕油蔴地紅磚屋鬧市打卡 20年前係一級歷史建築

第三站﹕Liberty Coffee & Wine

行完街又肚餓嘅話,可以搵返間Cafe坐吓,飲吓嘢抖一抖,位處油蔴地、以自由命名嘅咖啡店,樓高兩層,環境唔錯,兩個人坐低Hea吓勁Chill!既有咖啡同各類飲品,亦有各款輕食提供,All Day Breakfast更加係全日供應,而最吸引嘅就係珍寶牛角包同Bagel。珍寶牛角包有唔同餡料可供選擇,龍蝦沙律內餡係其中之一,烘焙味十足,啖啖牛肉香味,層層鬆化,新鮮焗製好香脆,熱辣辣牛角包加上凍冰冰又爽口嘅龍蝦沙律,好有層次感。一杯Cappuccino嘅咖啡香味既可以提神,亦可以令人放鬆神經,咖啡有拉花裝飾,入口有微微苦澀,咖啡配牛角包一流!更特別之處係一杯牛油果Smoothie,將牛油果同青融合,貿感幼滑綿密,加入蜜糖後略帶微甜,入口清新又解渴,好適合夏天飲用。

延伸閱讀﹕油蔴地雙層咖啡店勁寫意 珍寶牛角包啖啖牛油香

現時嘅油麻地大多係商住用途,曾經因屏風效應引起環保問題,令區內居民居住環境變差。而以前居住油麻地嘅人就主要係經營船隻維修、麻纜、槳櫓等,亦有經營雜貨、理髮、米店,甚至係妓院、鴉片等。油麻地有好多舊式茶樓同建築物,除咗廟街,果欄亦係油麻地標記,由1913年起係香港主要嘅水果批發市場。人多車多,車水馬龍,要搵Relax嘅地方唔容易。

第四站﹕油麻地配水庫休憩花園

區內除咗京士柏遊樂場,重有隱藏於油麻地消防局、天文台氣象站旁邊嘅油麻地配水庫休憩花園,有前後兩個入口可以進入,既有大草地、緩跑徑,亦可從高空觀景,人流唔算多,適合放空、野餐。沿路上300幾級樓梯即達呢個休憩公園,唔需要太多體力。

延伸閱讀﹕靠近氣象站 300級樓梯直上油麻地空中花園

第五站﹕都會坊餐廳

上空中花園郁動吓,當作適量運動,日落後又係時候搵食,晚還可以挑選油麻地至旺角之間、朗豪坊斜對面嘅一間西餐廳,以西燒牛扒為主,有6款牛扒選擇,另有石燒羊架,每款扒大概100g至400g,價錢相宜,加$20更有套餐,包含餐湯、飯、意粉、沙律薯菜、餐飲,5樣當中可揀3樣。簡單一塊牛小扒已吸引,熱石溫度充足,牛扒有肉汁、有牛味,蘸上日式牛肉汁更香口,

延伸閱讀﹕旺角砵蘭街茶記轉做石燒牛? 新鮮蒜汁夠香濃



Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足