喜惶點心專門店
中菜,  兩個人醫吓肚,  和你Taste

點心界KOL? 本地人爭食招牌牛肉點心 女人街一盅兩件好過去酒樓

瀏覽次數:373
個人瀏覽過

昔日要去酒樓集團飲茶先有得食即叫即蒸點心,今日想歎一盅兩件可以輕易搵到好多點心小店。旺角女人街有一間點心專門店,既可以飲啖茶、食個包,又唔會違反記者「和你Taste」嘅原則。每款點心價錢平均$20幾,雖然食物質素可圈可點,但可以取代去酒樓,係兩個人鬧市拍拖過吓飲茶癮嘅好地方。

喜惶點心專門店宣傳功夫做到足,一篇又一篇宣傳下,吸引唔少人慕名幫襯,每日更有$6至$10一碗老火湯,餐廳中央牌匾寫有「牛肉世家」,主打牛肉點心款款新奇,近期成為本地人爭食嘅點心。

延伸閱讀﹕沙田石門點心店燉湯試伏 荷葉飯一盅兩件又抵唔抵食?

各款鎮店之寶牛肉點心包含乾蒸牛肉燒賣皇、陳皮山竹牛肉球、香滑免治牛肉腸粉、黑椒牛仔骨、秘製咖哩牛腩、燒汁牛肉蝴蝶餅、粟米煎牛餅等,以新鮮牛肉炮製點心,的確有彈性兼有咬口。

最受歡迎嘅係陳皮生竹牛肉球 $25,入口軟綿香滑,充滿肉感,入口實在,牛味突出,內含馬蹄粒夠爽口,但腐皮同陳皮味唔多,配搭喼汁就錦上添花,提鮮同去肥膩。另一款牛肉點心係黑椒牛仔骨 $33,牛肉亦好嫩滑腍身,配合黑椒汁後帶微辣味,好醒胃,撈飯食唔錯,無飯就較鹹,略嫌牛仔骨肥膏較多。

除咗牛肉燒賣,亦有蟹肉菜苗燒賣 $29,無用豬肉製作,改用蟹棒肉配蝦肉,餡料夠彈牙,加入菜苗令入口無咁乾身同肥膩,望落脹卜卜幾飽滿。

飲茶其中一樣會叫嘅就係包點類,當中竹炭熔岩奶黃包 $24 包皮以竹炭製作,有黑芝麻味,奶黃包煙韌鬆軟,餡料呈流心狀,內餡帶鹹香味,甜度適中,奶黃暖笠笠,凍咗就好難食。雖然奶黃包搣開同牆上官方拍攝圖片有分別,但奶黃包基本質素唔錯,只係圖片後製太重手。

芥末沙汁三文魚春卷 $29 就幾驚喜,將原先以蝦肉製作嘅春卷改為三文魚肉,再配合芥末沙汁,夠晒新奇,醬汁好開胃,生菜墊底後,春卷皮唔太油膩。而基本點心如魚肚四寶滑雞扎 $25 就不過不失,大大件魚肚、雞髀肉、冬菇都有,略嫌將火腿改為蟹柳,大概係成本控制問題。唔夠飽可以叫碗柴魚花生豬骨粥 $19,粥底綿滑,兩個人一碗都夠食。

至於甜品,紫薯鬆糕 $22 幾鬆軟,顏色雖為淡紫色,尚算煙韌,不過入口似一般鬆糕,比鬆糕乾身,紫薯味唔夠濃郁,大概其他甜品會更香甜。

延伸閱讀﹕油蔴地雙層咖啡店勁寫意 珍寶牛角包啖啖牛油香

延伸閱讀﹕油蔴地紅磚屋鬧市打卡 20年前係一級歷史建築

E.A.Tips﹕

(1)小店為一間排隊店,所以建議早少少去,周末12點幾無人排隊,都重可以揀位,上層、下層任揀,2點門口已經大排長龍。

(2)下午茶時段有一人下午茶,可以試點心拼盤,其他點心、蒸飯都有優惠價。

(3)外賣自取最好提早15分鐘落單。

(4)每位茶芥$4,但鐵觀音味道稍淡,食8款點心,人均約$100。

喜惶點心專門店

旺角通菜街17號地下
10:00 – 23:00
2882 1683

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象