兩個人醫吓肚,  和你Taste,  日本菜

長沙灣正宗鰹魚香烏冬 小麥粉製麵條勁煙韌滑溜【有片】



    鰹烏冬 長沙灣正宗鰹魚香烏冬 小麥粉製麵條勁煙韌滑溜【按圖睇片】

    呢間位處偏僻小巷嘅日式烏冬店的確高質,小編去到有幾個人排隊,店內只係得約10個座位,似足日本當地嘅小店。

    店內麵條採用嘅係日本讚岐烏冬,驟眼看每條係切成正方形,麵條較粗,入口煙韌彈牙,唔會淥完有粉狀口感。聽聞係以日本小麥粉製,加入鹽即製,每日新鮮確保質素。整體湯底入口鮮味濃郁,不過冷烏冬則較煙韌同爽口,質感亦較順滑。

    夏一冷烏冬 $55

    以充滿酸味嘅湯汁配搭蛋黃、香蔥、紫菜絲等配料,入口清新,酸酸甜甜勁開胃,比較適合夏天食用。

    鰹魚湯白味噌鍋仔燒熱烏冬 $80

    以蔬菜同牛肉再加上一隻生雞蛋,全部平舖烏冬上,烏冬由白味噌同鰹魚湯熬製,直接用原鍋燒煮同食用,原汁原味。湯底有鰹魚乾同昆布,滿滿魚香味同鮮甜味,無魚腥味,配料仲有海帶、竹輪、紅蘿蔔絲、冬菇、菜、香蔥等,而香蔥點綴更有香味。食嘅時候將生雞蛋撈勻,雞蛋混入湯底同麵條,令湯底沾有蛋汁,麵條掛湯之餘,亦同時黏有蛋汁,香濃惹味。

    E.A.Tips﹕入店內用餐勿大聲傾談!當日我哋由排隊到入店來用餐,前面都有四個女仔一直傾偈,聲量唔細,以為佢哋步入清靜嘅店舖內會安份啲、自律啲,點知一樣繼續傾到全店都聽到,有啲似去日本影衰香港人嗰啲港女。

    鰹烏冬

    地址﹕長沙灣元洲街450/464號寶華閣地下4號舖
    營業時間﹕11:30 – 22:30
    電話﹕5226 2241

    延伸閱讀﹕長沙灣小清新茶館 自己沖抹茶鮮奶超療癒

    延伸閱讀﹕隱世良心小店 惹味串燒最啱佐酒

    延伸閱讀﹕俾啲掙扎!長沙灣全新冰室開張 限時優惠最後3日

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


    中環鬧市3條街有6個T形街牌 1幢建築物有4個街牌通通近蘭桂坊?
    驚現外賣版Omakase?上水超抵食日式定食店款款外賣限定 專用碗放有蝦茶碗蒸便攜又「靚仔」
    老闆娘係姜糖?大角嘴全新兩餸飯店有驚喜 近30款餸任揀三餸飯僅$37!
    深水埗黃竹街2間小食店僅幾步之遙 即試黑椒牛漢堡Crossover和牛牛丸
    重陽去拜山!上水出發經沙嶺公墓直闖麥景陶碉堡 圓嶺仔一河之隔眺羅湖口岸
    旺角鬧市3塊超古老T形街牌探究 快富街/黑布街/奶路臣街成區內碩果僅存舊街道
    【野餐隨行】筲箕灣道2間餐廳毗連炸雞店電車站 直闖大浪灣泳灘沖浪勝地野餐
    樓上咖啡店自選高水準五品料理!旺角西洋菜南街神秘角落點只賣咖啡綠茶
    【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
    上水Homy Cafe 9月尾結業 咖哩雞扒香口惹味 上水千萬公廁旁小公園野餐
    【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
    太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
    近大潭水塘!陽明山莊僅存殖民時代皇冠電話亭 紅噹噹包廂懷舊味濃
    【野餐隨行】油麻地一級歷史建築鬧市空中花園野餐 神秘台式廚師發辦$100有找!
    【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
    大角嘴迷你威尼斯西餐廳Risotto出色 中西合璧加臘味賣Fusion?