2021-10-21

鴨脷洲大街咖啡店小清新 質素跑唔跑得贏市區?

AP Coffee

267 個人瀏覽過





走入鴨脷洲大街,唔難發現街道上比市區寧靜,路上大多係附近居民,由香港仔到鴨脷洲亦只係2分鐘船程,非常方便,而鴨脷洲呢條主要嘅大街上,有好幾間值得試吓嘅餐廳,港式、西式都有,咖啡店更加係不能缺少,以下呢間咖啡店或者都適合拍拖兩個人坐低歎個早餐嘅。

鴨脷洲都算係一個小漁港,大街上新舊並存,呢間叫AP Coffee嘅咖啡店,既可叫外賣,亦有少量堂食座位,菜式以輕食為主,飲品有Coffee、Soda、Milkshake,雖然餐牌上食物同飲品價錢偏貴,服務亦一般,比較冷淡,但總算係同路人。

    

今次唔飲咖啡,反正隔離師奶杯咖啡唔太香,亦唔似講究咖啡豆嘅咖啡,最終揀杯Avocado Milkshake $48 以玻璃杯盛載,以牛油果蓉配奶昔,都算係簡單難以失敗嘅飲品,牛油果味濃厚,夠清新,柔滑而綿密,整體淡身,但一杯亦夠解渴。

輕食選擇有貝果、牛角包、鬆餅、撻、蛋糕、多士、三文治、熱狗,甚至All Day Breakfast,Bagel with cream cheese $40,可選Plain或Everything,而Everything意指Bagel表面灑有黑白芝麻等配料,Plain即係原味Bagel。以Bagel質量嚟講,不過不失,煙韌度還好,但始終偏硬。嚴格嚟講,每樣嘢都唔值錢,亦無技巧可言,但價錢每樣都偏貴,質素上的確幾一般,對比市區咖啡店確實稍為遜色。

延伸閱讀﹕鴨脷洲撐枱腳首選 平民西餐廳點只鋸扒有質素

延伸閱讀﹕【2021賞花地圖】鴨脷洲海旁14棵八重櫻綻放 粉嫩花海放題任打卡


E.A.Tips﹕

(1) 店內只收現金,唔收Credit Card或電子支付。

(2) 繁忙時間時,用餐時間限時1小時。

(3) 平日買飲品加糕點,可以減$8。

(4) 平日11:30至14:30購買$45以上食物同正價飲品,1人有9折、2至3人有85折、4人或以上有8折優惠。

(5) 冷氣比較大,要注意保暖。


AP Coffee

鴨脷洲鴨脷洲大街54號地下
08:00 – 18:00
9884 9231

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


【3低本地遊】周末穿梭舊工廠/壁畫村兼上山探險打卡 荃灣西海旁歎咖啡睇日落 $650行程包早午晚餐下午茶
隱藏版藍田後花園打卡 穿梭五桂山茅湖山直通將軍澳
赤柱唯一!市集背後街坊小店 每日推出限時午餐益自己友
【3低本地遊】錦田慢活文青遊 必食2間街坊店 探訪城中古村連2日1夜懶人露營地
大角嘴定食版海南雞飯 霓虹燈牌現4款招牌菜式
【3低本地遊】原為客家村落? 秘道探索柴灣戰時遺跡 體育館藏迷你定食屋
【3低本地遊】小西灣前身有料到? 百呎小店有水準 闖入軍事建築遺址
【3低本地遊】何文田歎平價和牛丼 連走4條山徑超簡單路線 邊條路線先係紅燈山?
【3低本地遊】油麻地激厚蛋吐司早餐/石燒牛晚餐 上空中花園兼漫遊紅磚屋打卡
全港5間本土中式點心酒樓 沙田富東閣超抵食「一盅兩件」下午茶 邊間有加大版糯米雞?邊間雞札重有火腿魚肚?
厚切魚生款式眾多 太子日式丼飯外賣店離始創僅1分鐘步程
【3低本地遊】曾擠身全球最型格社區3甲!深水埗歎高水準健康跑友餐 探索草根小區兼輕鬆上山睇日落
岩石媲美東平洲馬屎洲!暢遊荔枝莊地質步道+攀登雞麻峒/蛇石坳 深涌閒遊全港最大草地打卡 兩條路線任揀!
山頂加設欄杆!格仔山重修還原紅白格仔 老虎岩石屋活化探索昔日寮屋區
新蒲崗廣場泰日餐廳Crossover 隨時邊食丼飯邊歎冬蔭公
躲藏大角嘴舊商場 微舖獨沽一味只賣越南包

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →

One thought on “鴨脷洲大街咖啡店小清新 質素跑唔跑得贏市區?

Comments are closed.