錦田匯動青年館countdown
Cafe 咖啡店,  兩個人醫吓肚,  和你Taste

全部自由定價! 秒到日式鄉郊 錦田市中心咖啡館秘點似世外桃源

瀏覽次數:1534
個人瀏覽過



近年,小型咖啡店逐漸興起,一間又一間倒模式咖啡店都以文青Cafe為藍本,欠缺新意。錦田就有一間非常特別嘅咖啡店,不單可以拍拖兩個人去小花園打卡,而且每款輕食、甜品、咖啡都無顯示價錢,通通由客人自由定價,收益用作挑選更優質嘅咖啡豆,好有意思!

小店由錦田市中心起步,只係約5分鐘步程,附近人車唔多,有遠離市中心感覺,而唔需要行太遠。踏入錦田匯動青年館,會發現場內有幾分似日式鄉郊,左邊髹上黃色油漆嘅小屋尤其搶眼,窗戶、木門都好有鄉郊感,夠懷舊,不過記者探訪當日見到門口寫住有咖啡工作坊進行中,只可以沿小黑板指示繼續向入面方向行。提供咖啡、輕食、甜品俾公眾嘅咖啡店就處於最入位置。戶外座位比較空曠,人流極少,座位只適合兩個人,外面更有復古單車、盆栽、滑梯可以打卡,整齊有序,最啱拍拖影吓相。



店內輕食、甜品選擇唔多,輕食包含Sourdough Avocado 牛油果酸種麵包Croissant with Egg Salad 蛋沙律牛角包Mini Tart Quiche Lorraine 迷你撻法式鹹批Creme Caramel 焦糖布丁New York Cheese Cake 紐約芝士蛋糕Matcha Red Bean Cheese Cake 抺茶紅豆芝士蛋糕。當中以Sourdough Avocado比較特別,吐司採用比較少見嘅酸種麵包,麵粉經長時間發酵,令酵母自然產生微微酸味,烘焙時間比較長,所以顏色略深,會發現麵包氣孔較不規則,入口除咗有好淡、好微嘅酸味,比一般更有咬口,而且有一種特殊香味。麵包配搭新鮮又軟綿綿嘅牛油果,配搭簡單,味道清香,而牛油果約有半個份量。

Count Down為社區咖啡實驗小店,咖啡有9款可擇,店內都係實習中嘅年輕咖啡師,既可嘗試做店長,亦可學習沖調咖啡、控制成本,甚至建立品牌形象。如果唔飲咖啡,都可以揀水果茶、朱古力、伯爵茶,Cafe Latte配搭心形拉花圖案,簡而精,內有濃郁Expresso咖啡香,加上奶香、微微堅果香,飲一杯都夠晒Chill!而Iced Mocha就夠冰涼,朱古力底味道香濃,香甜滑溜,幾有水準。

延伸閱讀﹕2021年人氣打卡店! 元朗近郊復古傢俬舖重開 型格咖啡店連歐陸風小花園 歎自家製法式可麗餅/櫻花冰蜜桃梳打

延伸閱讀﹕錦田街坊茶記爆汁牛漢堡 低調高手製超濃蕃茄湯

延伸閱讀﹕錦田隱世正宗泰國菜 平價濕炒河粉極惹味


E.A.Tips﹕

(1) Countdown咖啡店位處錦田匯動青年館內。

(2) 留意店內嚴禁進行商業用途拍攝/活動。

(3) 乘搭巴士路線251B, 54, 602, 608, 64K, 77K,皆可到達錦田市中心,巴士 大多來回元朗至上水;由錦田紅磚屋步行到咖啡店,腳程約5至10分鐘。

(4)營業時間不時有改動,去之前要注意官方countdown.hk嘅Facebook或IG。

(5) 咖啡室不時會有工作坊或課程,飲咖啡位置於小黃屋背後。

(6) 室內座位唔多,戶外座位比較多,但留意蚊亦較多,不過小店於戶外有提供蚊香,要放得比較近先可以驅蚊。

(7) 店內食物及飲品價錢為自由定價,將隨便一個數目放入小錢箱內就得,可據個人咖啡體驗而隨心付款,建議都係計返出面幾錢而定。


錦田匯動青年館 COFFEE LAB BY COUNT.DOWN

元朗錦田公路119A號
星期一至六:1100-1730,逢星期日休息
電話

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象