[sig_post_pv label=””] 個人瀏覽過
白泥
白泥出名睇日落靚，兩個人拍拖想影靚日落，當然要去白泥啦！
點解淨係寫白泥？因為好多人都搞錯上白泥同下白泥，就算google search日落好多時都係顯示下白泥，但其實真正最靚嘅日落應係search上白泥或鴨仔灣海邊，白泥有分上白泥、中白泥同下白泥，基本上三個位都可以喺泥灘睇到日落。
延伸閱讀﹕嫌鴨仔坑泥灘多人？隱藏版皇冠郵筒起步！帶你徒步白泥日本鎌倉風海堤眺夕陽
分清上白泥下白泥
【Like Facebook 緊貼最新資訊，一個Like一個鼓勵，支持原創文章，向Content Farm說不。】
不過小編就想提醒大家，最靚日落應該係上白泥。下白泥一般齋睇日落，但發現下白泥有片草地幾靚， 可以影得吓相；而上白泥嘅日落景更靚，仲有紅樹林映襯，泥灘上有綠色小樹林，溪流亦有彈塗魚同招潮蟹。
第一次去下白泥煙霞甚重，遮晒日落，第二次去上白泥天晴好猛太陽，睇到超靚日落景！
去程由元朗市中心泰豐街搭33號綠色小巴就OK，30分鐘左右即達。 如果去上白泥，過咗流浮山迴旋處，喺鴨仔坑落車，如果係去下白泥就坐到近總站位置。
下白泥入嘅地方會見到好多車輛停泊，隔離仲有個垃圾收集站，不過小編當日就由菠蘿山行返落嚟，出咗軍營見到路牌，左面係下白泥，而右邊先係上白泥，去上白泥又會經過中白泥同公廁，沿路直至行到有士多同banner就會到達鴨仔灣海邊。
廷伸閱讀: 「港版大峽谷」菠蘿山 天然風化岩石絕美靚景
回程時如果唔係揸車離開，應該搭33號綠色小巴或村巴，小巴大概18至23分鐘一班車。
不過好多人睇完日落見到小巴站就企喺度排隊等上車，但其實每班小巴喺總站已經上滿人，去到中間站上白泥位置已經唔會有位。所以強烈建議要搭車其實要行20分鐘去最後邊下白泥村鄉公所門口，總站排隊等車會比較容易上車，一般小巴就16人，村巴就上得多啲人，如果日落之後大概要預等至少1小時先上到車，視乎人龍長短。
由上白泥摸黑行返出市區大概2小時啦，最後一班車會係21:30喺總站開出。
溫馨提示﹕
1. 泥土濕潤，質感黏稠，好易成腳黐滿泥，建議帶定拖鞋、膠袋，仲有帶濕紙巾抺腳，但就唔好帶水隨地洗腳或喺海邊直接洗腳啦
2. 想清楚日落時間，最好事前先上天文台睇睇，以免白行一趟﹕http://www.hko.gov.hk/contente.htm
地址﹕香港新界元朗流浮山
最佳觀賞時間﹕17:00 – 18:30
延伸閱讀﹕沙頭角邊境遊！ 賞紅樹林/蘆葦花田/童話村夢幻場景 一文輕鬆遊走鹿頸鳳坑谷埔
延伸閱讀﹕元朗鮮製豆乳清甜解渴 款款無添加豆味濃
在〈教你分清上白泥同下白泥 真正睇靚日落好地方〉中有 4 則留言
留言功能已關閉。