8個影天空之鏡地方
兩個人影吓相,  神秘之地

8個絕美本土打卡點 不擾人不排隊輕鬆拍攝天空之鏡



玻利維亞鹽湖係令人嚮往嘅著名天空之鏡景點,海天一色嘅天空之鏡向來極吸引人影相,但其實香港都有好多可以拍攝天空之鏡嘅地方,任何水面、積水、雲石都可以輕鬆拍攝天空之鏡,所謂天空之鏡就係天空嘅倒影。香港中文大學雖然亦出名天空之鏡景觀超靚,但始終係大學地方,一般人唔應該隨便騷擾學生,非學生同教職員絕對唔應該闖入校園範圍。而西環碼頭亦係著名景點,雖然空間寬廣,但往往人流極多,每個位置幾乎躋滿人,都要排隊等候影相。今次就推介8個既可以影天空之鏡,又唔需要點排隊兼唔騷擾人嘅好地方啦!

Like Facebook / MEWE 緊貼最新資訊,一個Like一個鼓勵,支持原創文章,向Content Farm說不。】

(1)白泥

位處屯門嘅白泥係出名睇日落嘅好地方,不過好多人搞錯睇日落嘅位置,誤信下白泥係最佳地方,而上白泥其實先係真正靚景位置,既有靚日落,又有紅樹林,空間十足,唔會需要特別排隊影相,可以自己隨意搵一個位置都得。水面波平如鏡,只要你夠膽行出少少、企定少少,忍受泥濘隨時啜住雙腳,馬上輕易影出天空之鏡絕美相片。

延伸閱讀﹕教你分清上白泥同下白泥 真正睇靚日落好地方

(2)泥涌

泥涌位置比較偏僻,只係一個淺水泥灘,人煙稀少,即使天陰陰都可以拍攝天空之鏡,同樣只要夠膽行過少少,都可以影出靚相,不過泥涌就較白泥危險,未必睇到邊個位置淺水同安全。

延伸閱讀﹕泥涌影天空之鏡 天陰陰影吓靚相

(3)迪欣湖

靠近欣澳嘅迪欣湖中央有一個小湖,平常人流唔多,同樣可以拍攝天空之鏡,人工湖嘅湖面清澈,藍天白雲下可以清晰俯視湖面上嘅天空倒影,企於狹隘小路更加可以拍攝人像倒影,不過就要量力而為,注意安全。

延伸閱讀﹕藍色小屋打卡 迪欣湖影天空之鏡超靚

(4)橋咀島

以為橋咀島只係影連島沙洲?島上有一個又一個水窪,一樣可以拍攝天空之鏡,只要無人亂丟垃圾,水面基本上清澈得可望到人像,甚至天空景。

延伸閱讀﹕西貢最美連島沙州 小島風景勁Chill

(5)烏溪沙石灘

同樣道理,靠近馬鞍山嘅烏溪沙石灘,一般人都係為咗影心形石灘,但石灘上下雨造成嘅水窪反而更特別,可以反映天上太陽。

延伸閱讀﹕馬鞍山石灘 最啱影婚照

(6)石澳

早前石澳著名嘅藍色情人橋同《喜劇之王》棵樹都被十號風球山竹吹爛,令唔少人少咗拍攝景點,但其實識影相一樣可以發掘到靚景之地,石灘下嘅小湖水都係拍攝天空之鏡嘅地方,不過似乎比較適合拍攝人像。

延伸閱讀﹕石澳絕美歐陸小鎮 情人橋+天空之鏡打卡

(7)添馬公園

而金鐘添馬公園嘅雲石櫈係唔少人都知道嘅香港天空之鏡拍攝地,雲石面可以清晰反映櫈上嘅景象或人像倒影,仲有中環摩天輪作背景,添上幾分浪漫感,比較適合兩個人拍拖前往打卡。

延伸閱讀﹕添馬公園最啱拍拖野餐 雲石櫈影天空之鏡

(8)流水響水塘

有「香港小桂林」之稱嘅流水響水塘,環境舒適,可以清楚拍攝對岸風景嘅天空之鏡,拍攝人像天空之鏡較困難,比較適合鍾意拍攝風景嘅朋友。

延伸閱讀﹕綠意盎然 流水潺潺 「香港小桂林」流水響水塘最啱野餐露營

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象