筲箕灣配水庫遊樂場+康柏郊遊徑
兩個人影吓相,  港島,  神秘之地

西灣河城中後花園眺維港 配水庫秘路延伸靜謐郊遊徑

瀏覽次數:1942
個人瀏覽過



香港地少人多,上山都難免遇上人流多過梯級嘅情況,其實要享受行山,未必一定要走熱門路線,可以兩個人行吓街坊路線。事實上市區都有後花園,有時候反其道而行,拍拖上山林反而更有驚喜。

以西灣河為起點,經成安街直上興東商場,途經興東邨,再穿過東熹苑,沿耀興道斜路而上,再轉入水務署工程斜路,即可走到筲箕灣配水庫遊樂場。

筲箕灣配水庫遊樂場近山腰位置,從公廁旁邊樓梯直上,可見內有大草地,既方便情侶散步,亦提供地方俾小朋友放電,更有約200米長緩跑徑、籃球場等設施。表面上平平無奇,其實穿梭配水庫遊樂場,再沿左邊山路或右邊樓梯走上配水庫頂端,會發現另有小路延伸至郊遊徑。

沿配水庫右邊小路走,有一個路牌被人用水筆寫上「健康路」,繼續前行10至15分鐘,即可直上巨石觀景位,算係附近居民嘅晨運路線。前往康柏郊遊徑,路段大多係樹林,穿梭叢林恍如遁入山林之間,環境清幽寧靜,路段少見高樓大廈,人流極少。

沿柏架山道方向上行樓梯走,既可經過小涼亭同背後影相位,亦可睇少量芒草,甚至可以去到一個秘密岩石觀景位。從觀景位可俯視配水庫入口處同對面東熹苑,亦可鳥瞰鰂魚涌至筲箕灣市景,而維多利亞港、啟德跑道公園至鯉魚門一帶東九龍景色亦盡收眼底,天氣良好時更可望飛鵝山方向。

康柏郊遊徑本身長3.3km,環繞西北山麓山谷,可隨時沿路折返,但繼續前行可直接連接鰂魚涌樹木研習徑,可望戰時爐灶,甚至走上大風坳,行到大潭水塘。環繞康柏郊遊徑本身長3.3km,西北山麓山谷,可隨時沿路折返,但繼續前行可直接連接鰂魚涌樹木研習徑,可望戰時爐灶,甚至走上大風坳,行到大潭水塘。

延伸閱讀﹕零難度遊走大潭水塘 羅馬式百年石橋宛如外國

延伸閱讀﹕太古工廈藏打工仔半自助飯堂 大大碟意粉有水準

E.A.Tips﹕

(1)巴士路線2A,77,82S,99,110,606,606A,722 或小巴路線65號可直達東熹苑景熹閣,落車沿斜路直上可到達筲箕灣配水庫遊樂場;又或乘搭電車到太安街落車,步行10至20分鐘可到達筲箕灣配水庫遊樂場入口。

(2)以筲箕灣配水庫遊樂場為起點,經樓梯或山路直上可達筲箕灣上配水庫、筲箕灣上海水配水庫,右邊小徑可以通往山路,沿康柏郊遊徑可到觀景位,沿路可隨時折返或前行到大潭水塘方向。
(3)筲箕灣配水庫遊樂場入口位處東熹苑景熹閣、東熹苑逸熹閣對面。
(4)配水庫內有洗手間,上山後則無洗手間、補給點。

(5)山路崎嶇不平,需要小心安全,尤其斜坡。
(6)身處叢林中時,要小心蚊蟲。
(7)觀景位靠近山崖邊,勿只顧打卡妄顧安全。

(8)愛護環境,謹記自己垃圾自己帶走。

筲箕灣配水庫遊樂場

康山康盛街康怡花園H座
07:00–19:00
2562 2137

康柏郊遊徑

近鰂魚涌太古城
24hours

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛
葵涌點心燉湯專門店同區2間分店!10款足料燉湯+11款黏軟蒸飯任揀
元朗燒味人龍店賣燒鵝燒鴨叉燒塞爆飯盒 一盒雙拼飯低至$30平過酒樓!
隱藏中環橫街窄巷 OL至愛健康越式三文治
禮頓山古典復興教堂登一級歷史建築 銅鑼灣鬧市秘道通往避風塘
皇冠郵筒起步!柴灣屋邨後山藏舊式鐵滑梯 引水道側百年英式石橋點解叫猛鬼橋?
九龍寨城舊區半日遊!市建局即將拆卸重建 窺探二戰後舊式建築物 賈炳達道休息站處處
【野餐隨行】沙田瀝源超隱秘街市小店 蒸點心/雲吞麵加添自家製辣椒油火花十足