2021-02-27

慈雲山直通沙田圍 獅子山慈沙古道穿梭沙田坳小石澗

慈沙古道


獅子山向來係最代表香港人嘅一座山,當中慈沙古道就係一道熱門山徑,可穿梭慈雲山至沙田,從九龍行到新界,由沙田坳道獅子亭行到水泉澳邨月泉樓,全段只需1小時左右,都算係兩個人輕鬆拍拖行山之選。

由黃大仙、慈雲山直上沙田坳道,經慈雲山法藏寺、鳳凰食水配水庫,沿路亦有向下通往慈雲山觀音廟。沿沙田坳道可直達紫竹亭,經樓梯可直上獅子亭。

由獅子亭直上衛奕信徑5段,沿水泉澳邨路牌方向行,沿路即可通往沙田方向。路段經沙田坳、獅子山北山腰、貓仔山、燒烤場地,以石塊為主,山路為副,行到中後段會見到左面有一道小石澗,盡頭更有一個方形池水,似足港版華清池,曾誤傳為大媽浸浴之地。

小石澗內有亂石溪流,步入石澗可聽到流水淙淙聲音,山林間都可以發掘樂趣,恍惚走入一個仙境地帶,令人心曠神怡。

行近沙田圍,可從山路俯視沙田市景,沿呢條小路可直通水泉澳邨方向,出口係馬鞍山郊野公園,經過水泉澳邨,直落水泉坳街,可以直達沙田博康村至沙田圍方向,腳程約10分鐘。

E.A.Tips﹕

(1)唔少人都從沙田行到慈雲山,路線算好輕鬆,但如再想極致地輕鬆啲或作為初級跑山路段可以選擇逆向由慈雲山行/跑去沙田,沙田圍上水泉澳村後都係上山路段,但黃大仙、慈雲山起步就只得沙田坳道需少量體力,大多都係向下行或平坦路段。

(2)慈雲山作起點可以乘搭巴士路線2F,3C,3M,15A等,沙田圍博康邨作起點可以乘搭巴士路線182X,287X,288等。

(3)愛護環境,自己垃圾請自己帶走。

延伸閱讀﹕黃大仙低調街坊小店 冷盤小食激平有驚喜

延伸閱讀﹕九龍灣版嘉頓山 624級直長階梯望獅子山 快閃登平山睇芒草

延伸閱讀﹕Fruity or Nutty? 沙田第一城商場內慢活咖啡店

延伸閱讀﹕沙田圍文青Cafe藏日式包廂 焦糖瑪琪朵香甜不膩

獅子山

九龍北部、新界中部
24hours

Please Like & Follow & Subscribe /
歡迎讚好、追蹤、訂閱

       

One thought on “慈雲山直通沙田圍 獅子山慈沙古道穿梭沙田坳小石澗

Comments are closed.