要登上獅子山，大多數人都會選擇從黃大仙出發，今次編輯就帶大家兩個人由慈雲山起步，穿越一道慈雲山秘道，一方面尋找觀音廟，另一方面可直接登上沙田坳道獅子亭，拍拖上山可以省卻步行漫長嘅沙田坳道。
慈觀古道係一道連接慈雲山市中心、慈雲山觀音廟、沙田坳道嘅路線，可以步行到達沙田坳獅子亭、觀音佛堂、慈雲山發射站。
由慈雲山中心商場5樓起步，走出平台，經過慈雲山邨中央遊樂場，登上慈正邨，走到最盡頭，對面為慈愛苑，見到慈正邨盡頭嘅太極園後，會見到慈正邨、慈愛苑中間有一個小閘口，可連接一道上山樓梯。
依循梯級直上可登慈雲山觀音廟、大雄寶殿，又叫慈雲山觀音佛堂，沿路會見到唔少歷史痕跡，竹林處處，遍佈樹蔭，環境清幽，但部份角落破落不堪，彷彿曾經係寮屋區之類居住地方。
話明慈觀古道，當然有原本背山面海嘅慈雲山觀音廟，但現時雄踞山腰，前面盡是屋邨，山門一邊寫有「慈雲勝地」，另一邊則寫有「回頭是岸」。觀音廟歷史可追塑至清朝，用作奉祀觀音，規模唔大，慈雲山一名都因為觀音廟而有改動，以前其實叫狗蚤嶺。觀音廟於1998年曾經進行大型修葺，包括增設骨灰龕，而慈觀古道雖然並非官方郊遊徑，但樓梯級舖設良好，早年其實係由信眾集資興建步道，祈求平安與順利，古道輕鬆得如同一道晨運路線。
拾級而上，登上慈觀古道頂端，會馬上到達沙田坳道，走多幾步就會見到紫荊亭，俯視東九龍一帶景色，經一端樓梯向上行就可以到達獅子亭。而高約488米嘅慈雲山數碼電視發射站就可以經獅子亭到達，沙田坳獅子亭一般可以隨意接駁獅子山路段，如慈沙古道或獅子山頭等，亦可隨時退出，適合快閃遊。
上一篇
下一篇
E.A.Tips :
❶ 由慈雲山中心5樓步向平台方向，穿過慈雲山中央遊樂場，再直上慈愛苑，步行到盡頭方向可見有閘口，從小路步上樓梯可直接通往慈觀古道，找尋觀音佛堂，再直通沙田坳道。
❷ 沙田坳道經紫荊亭可前往獅子亭，通往獅子山方向，甚至沙田。
❸ 慈雲山觀音廟觀音開庫為農曆正月廿五至廿六，觀音誕為農曆二月十九、六月十九、九月十九、十一月十九，至於萬佛誕則為農曆四月初八。
❹ 雖然沙田坳有小食亭，但最好都係喺慈雲山市中心先作補給。
❷ 沙田坳道經紫荊亭可前往獅子亭，通往獅子山方向，甚至沙田。
❸ 慈雲山觀音廟觀音開庫為農曆正月廿五至廿六，觀音誕為農曆二月十九、六月十九、九月十九、十一月十九，至於萬佛誕則為農曆四月初八。
❹ 雖然沙田坳有小食亭，但最好都係喺慈雲山市中心先作補給。
EATWO
Miss A
慈雲山觀音廟/慈雲山觀音佛堂
九龍慈雲山沙田㘭道400號
09:00 – 17:00
2758 0888