大埔林村火紅綠色聖誕 Biophilia限時市集打卡兼DIY聖誕樹

[sig_post_pv label=”瀏覽：”]

[sp_html5video category=”3754″]

今年無得去旅行，相信都要留港過聖誕，未到12月，已經出現一個又一個聖誕節慶祝活動，香港商場已陸續出現聖誕佈置，但記者今次推介一個特別嘅聖誕節影相地方，既有小型環保聖誕市集，亦有多個拍拖情侶打卡位，而且可以自己挑選材料為聖誕樹裝飾，絕對係今個聖誕好去處之一。

【Like Facebook 緊貼最新資訊，一個Like一個鼓勵，支持原創文章，向Content Farm說不。】

位處大埔林村嘅 Biophilia 聖誕市集，由11月27日開始，限時市集僅開放至12月中，一個細小空間營造出火紅聖誕感覺，裝飾滿滿藝術感，好有文青風格，不單可以兩個人打卡，更可以挑選各式聖誕裝飾，甚至植物。

市集分為兩個區域，一邊以紅色為主調，而從入口轉右可以行到另一個綠色空間，有更多盆栽植物可供挑選，更有半個雀籠設計嘅打卡位。從小走廊走進，可直視以咖啡豆袋裝飾嘅巨型環保聖誕樹，樹上同時佈滿LED小燈，閃閃發光超有氣氛。

而左邊會見到3間木製小屋，第1間天花有懸垂波波裝飾，亦有綠色花環、金色裝飾佈置，而背後大概以火爐為藍本，可以行入去影相；旁邊一間小木屋就佈滿花朵，花迷必睇；而隔離重有一間有各類瓷盤器皿，上面有懸垂裝飾。

香港地空間有限，要喺屋企擺一棵聖誕樹難上加難，但見市集有幾棵以小花盆盛載嘅迷你聖誕樹，可供售賣，最啱聖誕裝飾家居，為家中增添品味。市集既有聖誕公仔、吊飾售賣之餘，亦有DIY聖誕裝飾，聖誕樹右方小木屋可自製陶瓷小牌為聖誕樹添上個人風格。

市集完美演繹一個火紅綠色聖誕，亦可輕易發現有回收、重用咖啡豆袋、木條、乾枝，通通以人手重新嵌上作裝飾，將咖啡豆袋包裝聖誕樹、小木屋，並重製各環保素材，如購物袋。

延伸閱讀﹕大埔林村神秘溫室綠色空間打卡異國植物小花園渡假風滿滿

呢個火紅限時聖誕市集由主理花藝嘅FLEURS主辦，本來只係一間花草店，擅製鮮花等盆栽植物，尤其為家居佈置，據悉Biophilia就係FLEURS延伸空間，以環保為主題，實踐可持續生活方式概念俾公眾，帶出綠色生態社區意念。今次聯乘4間本地咖啡店，包括Arro Coffee、Colour Brown Coffee、L K Coffee、Urban Coffee Roaster，當中Urban Coffee Roaster為公認良心圈小店，而Arro Coffee亦曾同良心圈小店喵盒子MeowBox合作以啡會友。

E.A.Tips﹕
（1）於太和市中心乘搭巴士64K路線或小巴25K路線，往元朗方向，於新塘站落車，巴士車費$8.5，分段車費$5.8，小巴車費$6.3，小巴時間比巴士稍快。落車點左邊為村屋，右邊先係市集方向，唔好行錯！過對面馬路，只需調頭折返，毋須行入任何村內，步行約2分鐘即達，市集位處馬路旁邊，非常易認。
（2）若乘搭巴士64K路線，落車時記得去車頭再一次拍八達通卡，皆因路線雙向分段收費，可平幾蚊，否則要繳付全程車資。
（3）陶瓷小牌加聖誕樹形小牌同時購買會比較相宜，滿指定金額會獲贈聖誕卡。
（4）留意聖誕市集只限3個星期，開放日期為2020年11月27至29日、12月4至6日、12月11至13日（逢星期五至日）。
（5）打卡還打卡，唔好騷擾他人，同時唔好喧鬧。

延伸閱讀﹕大埔激罕無人沙灘發掘大自然生態靚景

延伸閱讀﹕大埔白色貨櫃露天茶座周末限定文青打卡熱點