Club albergue 1601 + Time Square the secret garden
Afternoon Tea,  兩個人醫吓肚

Time Square秘密花園大迷宮 穿越秒歎英式下午茶



Club albergue 1601 Time Square 秘密花園大迷宮 穿越秒歎英式下午茶【按圖睇片】

銅鑼灣時代廣場Time Square近月有一個以電影《The Secret Garden》為藍本嘅打卡位,四周佈滿花草同燈海裝飾,場境夢幻,最啱拍拖去打吓卡。兩個人仲可以去樓上歎返個主題期間限定英式下午茶,可以穿越去浪漫吓,到底餐廳由酒吧做埋下午茶質素如何?今次就去試一試。

Time Square戶外平台最近設置咗一個夢幻嘅花海迷宮,當中有旋轉雀籠、花燈小屋、波波隧道,迷宮內佈滿七色花朵,打卡一流。

而直上Club Albergue 1601仲有一個《The Secret Garden》主題下午茶,餐廳原為酒吧,今次喺下晝時段加入下午茶戰團,特別推出呢款英式下午茶,等大家可以去Tea一Tea。餐廳有室內、外座位,戶外座位打卡理應更靚,奈何似乎並唔開放戶外露天茶座。

該款英式三層架下午茶以雀籠作裝飾,頂頭佈滿樹葉,加上雀仔裝飾,的確有唯美感,幾得意。今次三層架下午茶合共有七款鹹點同甜品,加上普通咖啡或茶,或者加錢要Mocktail或Cocktail。

鹹點只有蜜糖芥茉雞肉他他配三文魚子酥皮撻迷你蟹肉酥皮餡餅,甜品則多少少,有特製吉士草莓千層酥檸檬芝士蛋糕特濃朱古力慕斯蛋糕特色雜果泡芙法式馬卡龍,不過數量都唔多,整體比普遍Afternoon Tea遜色。

味道中規中矩,酥皮撻上枱已唔太脆,內餡就幾清新,但三文魚子只有三、四粒。朱古力慕斯蛋糕味道一般,檸檬芝士蛋糕就相對清新,但偏柔軟,略嫌芝士味唔夠濃,質感唔夠結實,芒果粒有啲畫蛇添足感。而吉士草莓千層酥就底層酥脆,上層士多啤梨好fresh,至於法式馬卡龍就比較優勝,比坊間嘅法式馬卡龍無咁甜膩,可以成個食到落口。

另外,今次下午茶有一款雀仔為主題嘅Cocktail同Mocktail特飲,杯底舖有一堆泥土、花瓣同落葉,不過就唔食得。小杯以雀仔造型示人,雖然Miss A覺得更似一隻香蕉。特飲以花香同果香為主,Mocktail主要係菠蘿汁、青檸汁同茉莉糖漿,酸甜味重,而支飲筒比較短,其實唔太適合呢個杯嘅設計。

e.a.tips
(1)Cocktail或Mocktail分別要另加HKD58或HKD28,否則只有檸檬茶或咖啡等普通飲品。
(2)該款英式下午茶期間限定至2020年6月21日,想食記得要趁未完去試啦!
(3)輕鬆食Tea還食Tea,除咗埋單之外,建議盡可能唔好叫侍應做乜,避免自己受氣。

交通﹕由銅鑼灣時代廣場搭電梯直上11樓即達。

延伸閱讀﹕落地玻璃望海景 實試尖沙嘴矜貴松露下午茶

延伸閱讀﹕金鐘五星級酒店疫市劈價 Afternoon Tea人均279蚊

Time Square《The Secret Garden》

地址﹕ 銅鑼灣時代廣場地面露天廣場
營業時間﹕ 即日起至2020年7月5日
電話﹕ 10:00 – 22:00

Club Albergue 1601

地址﹕ 銅鑼灣勿地臣街1號時代廣場食通天11樓1105號舖
營業時間﹕ 星期一至四12:00 – 23:00星期五至六12:00 – 00:00星期日12:00 – 23:00
電話﹕ 2573 3344

下午茶供應時間﹕15:00 – 17:30
價錢﹕HKD338 / 2(另收加一服務費)

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


【野餐隨行】黃大仙近30年騎呢《西遊記》公園野餐 本土自家製熱狗店推分店限定優惠
大圍舊式茶樓客香邨現已恢復24小時營業 火鍋店616班底接手保留經典糯米包/魚翅餃
非來自台灣?本土製牛肉麵旺角/長沙灣有得食 外賣自取折後$50有找
近屯門碼頭!屯門蝴蝶灣泰國冬蔭功蝦湯奶白變橙紅 估吓一碗有幾多隻蝦?
鑽石山出發勇闖石礦場!山中秘道探索高聳東南亞樹屋 上中下三條路線直抵城市後山入口
【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯
太子人氣車仔麵湯底鹵汁混腩汁 16款麵底任揀必試低卡蒟蒻麵
薄扶林榕樹小徑驚現獨特樹洞仙境!一條路線走過殖民建築玫瑰邨+歷史古蹟伯大尼教堂/舊牛奶公司牧場
「食街」搵食遊!西貢巷弄7間夏日必去本土小食店 離碼頭僅2分鐘步程
全港7間兩餸飯專門店良心地圖!港九新界遍地開花間間平靚正低至$32!(最新消息﹕5月鰂魚涌有新店)
近天澤商場!天水圍後山矮過嘉頓山 秘道闖淋坑山賞北方黃昏景【野餐隨行】
【野餐隨行】鴨脷洲海邊歎有料車仔麵 前臨南區純白燈塔眺東博寮海峽3支煙囪 30分鐘輕鬆走完小玉桂山
月前旺角設分店齊齊叫雞!上水鳳鳴居足料無味精雞湯麵濃郁可口 醉雞嫩滑+10款湯底回頭率極高
油麻地香噴噴鐵板魷魚鬚惹人垂涎 廟街招牌流心芝士玉子燒香甜不膩
【野餐隨行】落雨有瓦遮頭!西灣河隱藏式街坊小廚 碼頭海旁公園野餐賞雨景
柴灣街坊風味酸辣粉現小重慶 分5種辣度微辣BB辣溫和易入口