蕃茄濃湯專門店 元朗
兩個人醫吓肚,  和你Taste,  港式

元朗平價蕃茄濃湯麵 $58連小食自由配搭



試過幾間蕃茄濃湯麵,有自家鮮製打磨嘅蕃茄湯底,亦有配搭多重牛味嘅蕃茄湯底,位處元朗嘅蕃茄濃湯專門店主打蕃茄濃湯麵,喺近年咁多出色蕃茄濃湯店中到底點突圍呢?

室內有兩層,下層面積唔算好大,但其實拾級而上仲有上層,燈光稍間,但環境較好,座位無咁逼,坐得比較舒服。

蕃茄濃湯系列係招牌菜式,試一試滑蛋蕃茄濃湯芝士蕃茄濃湯,分別配搭香煎豬扒香炸惹味雞翼,再配上螺絲粉同菠菜麵,每碗58蚊,價錢好相宜,兩個人拍拖去食先100零蚊。先為蕃茄湯底賣個關子,豬扒同雞翼上枱時的確幾吸引,但入口偏硬,而且太乾,欠缺juicy感,覺得似普通茶記出品。豬扒表皮煎得香口,只係肉質唔夠鬆軟,而雞翼亦炸得香脆,入口係啖啖肉,比豬扒較好,無咁乾身。

滑蛋蕃茄濃湯同芝士蕃茄濃湯只係加咗唔同配料嘅分別,滑蛋配蕃茄湯就令湯底有蛋花感,而芝士配蕃茄湯就令湯底再帶些微黏稠感。蕃茄湯黏稠感重,所以螺絲粉同菠菜麵都掛湯,但炒蛋似乎選擇一丁麵比較適合。

湯底的確有蕃茄蓉,幾開胃,會有粒粒蕃茄肉,甚至蕃茄皮同蕃茄核,基本上係正常水準,但未知是否用咗蕃茄汁定茄膏去調味,感覺未算鮮,蕃茄味唔算好重,但夠甜。另外發現湯底有微辣感,有少少暖胃,但嗆喉,未知係加咗胡椒粉定辣椒仔。

喺眾多主打蕃茄濃湯食店對比之下,本港蕃茄濃湯水平之高下,呢間必然係水準之中,但難免相對遜色,對高要求蕃茄迷可能會有少少失望。

交通﹕元朗站公共運輸交匯處落車嘅巴士有K65/N30,形點Yoho Mall
落車嘅巴士有 76K/261X/276/276C/ 276P/68E/68F/68M/968/
968A/968X/N368/68X/268X/A36/
E34B/E34P/NA34/268A/268B/ 268C/268P/269D/269D/N269/
54/64K/68/68F/77K/261X/264R。

延伸閱讀﹕元朗正宗肉焿極滋味 歎古早味台式小食

延伸閱讀﹕元朗鮮製豆乳清甜解渴 款款無添加豆味濃

蕃茄濃湯專門店

地址﹕ 元朗建業街61號地下
營業時間﹕ 11:00 – 00:00
電話﹕ 2320 0050

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


樓上咖啡店自選高水準五品料理!旺角西洋菜南街神秘角落點只賣咖啡綠茶
【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
上水Homy Cafe 9月尾結業 咖哩雞扒香口惹味 上水千萬公廁旁小公園野餐
【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
近大潭水塘!陽明山莊僅存殖民時代皇冠電話亭 紅噹噹包廂懷舊味濃
【野餐隨行】油麻地一級歷史建築鬧市空中花園野餐 神秘台式廚師發辦$100有找!
【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
大角嘴迷你威尼斯西餐廳Risotto出色 中西合璧加臘味賣Fusion?
【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
大角嘴海南雞專門店外賣孖寶套餐人均$79 除咗雞飯重有乜?
【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
採環保餐盒+餐具!土瓜灣舊區鐵路便當地道台式口味 3款配菜期期轉換主食足料
【野餐隨行】元朗11款人氣名物瀑布蛋治有咩特別?大棠燒烤場變草地野餐場