地道館車仔麵
兩個人醫吓肚,  和你Taste,  港式

新蒲崗小店3餸車仔麵 陳皮魚蛋夠彈牙 $38下午茶送餐飲



    百物騰貴,而家食餐飯都50蚊,拍拖要慳錢不妨幫襯小店,車仔麵3餸1麵都只係38蚊,由湯底同車仔餸味道都唔錯,兩個人埋單絕對唔使100蚊。

    3餸車仔麵就38蚊,2餸車仔麵就只係34蚊,下午茶仲奉送餐飲。呢間位處新蒲崗嘅小店價錢公道,部份車仔餸都只係加1蚊至2蚊,非常難得。

    湯底配腩汁絕對一流,其中一碗加上腩汁嘅同時亦見到有牛腩肉粒,起碼湯底唔係味精湯,而加辣汁亦令湯底更濃香,每碗都會配上一條生菜,所以基本上唔需要特別點菜類。豬紅同蘿蔔係小編每次食車仔麵必點嘅車仔餸,今次蘿蔔亦嫩清甜,豬紅粒粒堅挺,唔會一夾就散,鹵水雞翼非常入味,鹵水雞翼尖應該會更入味。本來想試蝦卷,但已售馨,所以改為八爪魚卷,入口彈牙有咬口,仲有粒粒八爪魚肉感覺。不過豬大腸有啲遜色,唔算太入味同乾淨。

    而最值得推介嘅係陳皮魚蛋,估唔到食車仔麵都可以食到而家街頭小食都好少食到嘅陳皮魚蛋。魚蛋粒粒彈牙,有啖啖鮮甜魚香味,入口有陳皮香味,陳皮魚蛋味道較普通魚蛋獨特,好有懷舊味道。

    地道館車仔麵

    地址﹕新蒲崗崇齡街42號地舖
    營業時間﹕11:00 – 22:00
    電話﹕5217 7008

    延伸閱讀﹕新蒲崗老區隱藏$46燒味飯 9款滋味健康燉湯任揀

    延伸閱讀﹕新蒲崗時光倒流價定食 香蔥豚肉卷肉汁豐腴大驚喜 仲有Yell Card抽!

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!