2020-12-06

新田購物城淪死城? 瞬間竟變單車場

新田購物城淪死城


    新田購物城位處新田,係一個落馬洲邊境購物城,離新田公共運輸交匯處只係3mins腳程,原先係為咗迎合大陸人需要而興建一座購物城俾大陸人購物,但武漢肺炎後,遊客大幅減少,出街人數日減,有youtuber曾直擊整個購物城頓時淪為死城,隔咗一段時間,記者再次親自到新田購物城直擊觀察一下。

    據了解,新田購物城以倫敦BOXPARK Shoreditch同紐西蘭貨櫃屋建築為藍本,將每個店面設計成一個個貨櫃,經合大型購物中心,不過感覺仍然好大陸Feel,似足一秒去咗大陸。原本分6個區域,有齊服飾、餐廳、名店、美妝護理、家居用品等,分紅黃藍綠四色設計,合共有近百二間店舖。

    今次小編親自到新田購物城一趟,甫落車即感覺到一片寂靜氣氛,揸車去只能將車泊喺外面。從入口觀察,購物城內的確係感覺到一片死寂,人流甚少,仍然營業嘅店舖唔多,一個區域大概只有三兩間店舖如常營業。

    事實上,購物城內最大特色應該係提供咗一個安全又可以踩單車嘅室內空間,市區應該難以搵到咁大個空間無咩人流之餘,又可以自由踩單車。

    依當日所見,購物城內都係講廣東話嘅香港人,基本上已經無晒大陸人。用「死城」嚟形容新田購物城好似又唔算最貼切,因為餐廳嗰邊都算幾熱鬧,估計係附近居民過隔離搵食,似係回歸香港人多啲。雖然被稱為「死城」,最意外係當日仲見到有餐廳新開張,係一間炭火燒烤,據悉呢種燒烤方式一定要喺戶外地方開業,所以見到有炭火燒烤爐喺戶口座位。而對面亦有一間幾抵食嘅蒸氣海鮮火鍋,價錢合理,食材新鮮。

    新田購物城令人有一種一秒去咗大陸嘅感覺,餐廳間間價錢都幾平,只係大陸餐廳嘅價錢,但唔係大陸餐廳嘅質素,適合吊大陸癮嘅香港人。香港人,唔好再上大陸啦,留喺香港一樣有好多抵食嘅嘢!

    Like Facebook 緊貼最新資訊,一個Like一個鼓勵,支持原創文章,向Content Farm說不。】

    交通﹕巴士76K,元朗至上水方向,中途新田站落車;或乘搭沿途嘅小巴。

    延伸閱讀﹕元朗歎2.5小時蒸氣海鮮火鍋 爆膏龍蝦餐300蚊有找

    新田購物城 The Boxes

    地址﹕新田新田村路300號
    開放時間﹕10:00–22:00
    電話﹕2482 9912

    Please Like & Follow & Subscribe /
    歡迎讚好、追蹤、訂閱

           

    One thought on “新田購物城淪死城? 瞬間竟變單車場

    Comments are closed.