2020-12-06

元朗歎2.5小時蒸氣海鮮火鍋 爆膏龍蝦餐300蚊有找

醉辣鮮


    醉辣鮮蒸氣火鍋 元朗歎蒸氣海鮮火鍋 爆膏龍蝦餐300蚊有找【按圖睇片】
    {"popup_fix":"false"}

    想試吓新嘢?不妨試吓元朗呢間蒸氣海鮮火鍋,既可以挑選龍蝦海鮮餐,亦可以食海鮮放題,有得自己即撈即蒸海鮮,超有新鮮感!

    基本時令海鮮餐是日精選老火燉湯溫泉蛋元貝肉蟹蟶子鮑魚本地生蠔海中蝦沙白花甲精選時蔬海皇粥底精美甜品,共14款食材。而最人氣嘅海鮮餐仲有2款超吸引嘅食材,包括生猛龍蝦半隻、紅棗杞子蟲草花蒸雞,豪多少少仲有原隻龍蝦添!

    如果食2.5個鐘嘅放題海鮮餐,仲可以即撈即夾,自己去水池活捉生猛海鮮,自己夾、自己蒸,超有新鮮感!餐廳雖然主打係放題蒸氣海鮮火鍋,不過小編主打平食,而且懶得郁手,所以想試最抵價錢歎龍蝦海鮮餐,分別只係非任食同無得自己夾海鮮,但仍然係同一水池嘅即撈海鮮嚟,若然唔係可以一次過食好多隻肉蟹等海鮮,其實叫餐已經好足夠。

    如果食2.5個鐘嘅放題海鮮餐,仲可以即撈即夾

    當日嘅精選老火燉湯係椰子煲雞,湯底濃郁鮮甜,椰子味更突出,適合食之前暖暖胃。每人仲有一隻溫泉蛋,有蛋香味,入口呈流心狀,建議一啖啜晒入口,蛋汁流竄順滑,蛋味濃郁。而紅棗杞子蟲草花蒸雞需要蒸8mins,雞件被醬汁浸透,蒸完有香濃蟲草花味。另外,蔬菜同醬料都可以喺水池附近無限量自取享用,蔬菜有翠肉瓜、菜心、粟米、冬菇、南瓜、蕃薯、金菇,醬料亦有8款任揀。

    店員會喺食海鮮前先幫大家將粥底放喺下層,加入白米南瓜粒芋頭粒等,等到歎完海鮮後,海鮮精華會浸入粥底內,粥底充份吸收各款海鮮精華後,鹹香味十足,帶有海鮮鮮甜香味。

    粥底配料有白米南瓜粒芋頭粒

    每種海鮮嘅清蒸時間各有不同,最好依每張枱隔離嘅標示,以免將海鮮蒸得過熟或過生。海鮮即叫即撈好新鮮,必須較好電子爐時間制,以免浪費食材,隻隻海鮮運動充足,望落肥美又多肉,若時間恰好,海鮮肉質會更鮮甜彈牙。

    當中,龍蝦餐重點當然係龍蝦,食材挑選波士頓龍蝦,肉質肥美多肉,龍蝦頭更爆膏,入口新鮮而唔韌,爽口鮮甜。款款海鮮都好新鮮,肉蟹同樣肥美又爆膏,鮑魚夠煙韌、海中蝦夠爽口,生蠔亦新鮮。至於元貝就肉質鮮甜,蟶子亦有咬口,兩者加入蒸蓉會更香。另外,貝類有沙白、花甲等蜆肉,撈埋一齊一時間都分唔到邊種打邊種,不過有部份有沙,所以要小心食,基本上大隻雖然飽滿,但較重鹹香味,而細隻就較鮮甜,而且肉質滑嫩。

    最後食最底嘅粥,烹煮2hrs後,粥底軟綿,蕃薯粒同芋頭粒逐漸溶於粥內,入口有些微蕃薯香同芋香,加上海鮮一層又一層浸透粥底,食落更重海鮮鹹香同鮮甜味,如果想再鮮甜啲,可以利用出面自取嘅蔬菜,刮粒粒粟米落粥底,粥底肯定更香濃惹味。

    E.A.Tips﹕
    (1)價錢$338可以食放題,仲有得自己活捉生猛海鮮,最平每人$198,而每人$268同$328就有半隻或一隻龍蝦加蟲草花蒸雞,醬油費加$10,有加一服務費,另外仲有$118兒童餐,相當貼心。建議一個要$268,一個要$198,就可以平啲又食到龍蝦餐。


    (2)外面可以免費泊車,位置偏遠,建議揸車。


    (3)餐廳分兩個時段,時段一係17:30 – 20:00,時段二係20:30 – 23:00。由於位置比較偏遠,如果搭巴士或小巴,建議食時段一,離開唔會太夜,搭車出返元朗較方便。

    交通﹕
    元朗巴士搭76K,由朗屏去上水方向or vice versa,中途新田站落車,步行即達;亦有小巴可到達。

    延伸閱讀﹕新田購物城淪死城? 瞬間竟變單車場

    醉辣鮮

    地址﹕ 元朗新田村路300號新田購物城地下F7號舖
    營業時間﹕ 星期二至日 17:30 – 23:45(星期一休息)
    電話﹕ 6133 3882
    地址﹕ 元朗新田村路300號新田購物城地下F7號舖
    營業時間﹕ 星期二至日 17:30 – 23:45(星期一休息)
    電話﹕ 6133 3882

    Please Like & Follow & Subscribe /
    歡迎讚好、追蹤、訂閱

           

    One thought on “元朗歎2.5小時蒸氣海鮮火鍋 爆膏龍蝦餐300蚊有找

    Comments are closed.