南昌公園大草坪野餐！台灣品牌犀牛犀牛插旗大角嘴主打湯種麵包製吐司/早餐店必食蛋餅

最近有一間茶飲店於大角嘴插旗，既有台式茶飲，亦有台灣小食，包括捲餅、吐司，如果想拍拖兩個人平平哋買外賣，亦可以挑選該茶飲店，買完外賣可步行到附近嘅南晶公園草坪野餐，簡簡單單亦可以飽肚。

離大角嘴市中心非常接近嘅南昌公園，基本上只有10分鐘步程，位置屬深水埗區，公園靠近南昌邨，最大特色係擁有五塊超大草坪，向來係野餐勝地，所以如果於大角嘴、深水埗買外賣之後，不妨前往南昌公園野餐啦！南昌公園不單有五塊大草地，即將來臨嘅春天更可以觀賞近30棵黃花風鈴木，同時係一個賞花好去處。

店內招牌之作為韓式醬燒牛五花，可選吐司$42或捲餅，內餡有牛肉、洋蔥、生菜等，重有煎得介乎生熟之間嘅荷包蛋，蛋汁唔會流出，蛋黃又唔會過熟，而吐司內充滿肉汁，再加入韓式醬料後，更為香口。

台式蛋餅係台灣早餐店必食款式之一，而蛋餅並非只有蛋配豬肉鬆，鮪魚吃玉米捲餅$40就係蛋餅其中一款，鮪魚即係吞拿魚，簡單嚟講就係吞拿魚、粟米嘅蛋餅，餡料帶濕潤，令捲餅亦變得更柔軟。

甜品可以選擇巧克力或花生棉花糖厚切吐司$32，店內吐司都以湯種麵包製作，入口較軟熟，亦較濕潤，無一般麵包嘅乾涸感。吐司厚切，烘烤後搽上花生醬，上面有放有9粒純白棉花糖，而棉花糖又再烘烤過，略帶焦香。更仔細之處，係整份棉花糖吐司於麵包底已經分成9份，輕輕用手一撕就可逐粒棉花糖連麵包放入口中，香甜嘅棉花糖配上花生醬香味，甜上加甜。

茶飲以奶茶、紅茶、綠茶為主，款式眾多，當中有爆谷奶茶$22，以為內有爆谷粒粒，原來只係爆谷味嘅奶茶，即係略帶焦糖爆谷味嘅奶茶，純粹只係奶茶中有焦糖味，有啲失望；另有價錢較平而較容易攜帶嘅桂花烏龍冷泡茶$20，茶香十足，有蓋茶壺相當方便。

兩個人旅吓行

專題

立即 Follow E.A.Two 兩個人醫吓肚
Instagram: @e_a_two
Like Facebook 專頁: E.A.Two 兩個人醫吓肚
Subscribe YouTube Official Channel E.A.Two 兩隻嘢玩乜好，
了解更多E.A.Two 資訊

E.A.Tips :

❶ 犀牛犀牛離西九匯不足1分鐘步程，而離南昌公園亦只係10分鐘步程。

❷ Combo Set 飲品加$20，如果叫多士或捲餅，建議選近$30嘅茶飲。

❸ 野餐時，自己垃圾謹記自己帶走！

❹ 野餐要盡量使用可循環再用之餐具器皿。

❺ 可以挑選有長櫈嘅地方，會較方便。

❻ 有需要可自備小餐枱、小型露營櫈用餐，可以隨時去到邊食到邊。

❼ 野餐時正對海景用餐會比較Chill。

❽ 最好挑選較少人嘅地方，避免接觸人群。

❾ 野餐地同食肆最好距離不足15分鐘步程，以免食物及熱飲冷卻，有需要就自備保溫袋。

❽ 捲餅有紙袋盛載，中間有虛線，只需沿虛線撕開就得，食嗰時可以避免弄髒手。

❾ 小食即叫即整，可能比較需要時間。

EATWO

Miss A

【端午節粽2024】13間精選良心端午糉推介！鮑魚糉／鹹肉糉／素糭／裹蒸糭／鹼水糉／寵物糭！即睇早鳥優惠！