野餐隨行【九龍篇】有View有草地!全港100個近鬧市近食肆安心野餐點 梗有一個喺左近!
九龍,  兩個人影吓相,  兩個人醫吓肚,  區區有良心,  小貼士,  焦點熱話,  野餐隨行

野餐隨行【九龍篇】有View有草地!全港100個近鬧市近食肆安心野餐點 梗有一個喺左近!

瀏覽次數:1430
個人瀏覽過





最近,本地人搵食愈來愈艱難,單單堂食定外賣都要作出選擇,將食物外賣又要擔心拍拖去邊度食好,倒不如兩個人試吓去野餐,一於跟假日休息嘅「姐姐」隨時隨地隨意去吓野餐啦!雖然「姐姐」通常會選擇天橋底、天橋內,又或者隧道內等地方,但事實上我哋要野餐亦可以有更多選擇嘅,大家可以揀選有草地、有風景嘅野餐地方,唔少野餐地更可享海景。同時,無需擔心野餐點離食肆距離遠,令食物、飲品冷卻,皆因唔少都係靠近鬧市同食肆,絕對可以安心野餐!編輯搜羅咗100個本地野餐地點,今次先為大家推介九龍區各個野餐點啦!

*編輯標準參考香港安心野餐Group,認同門檻唔應該太高,最好隨時隨地都可以野餐,只係盡可能挑選環境舒適嘅用餐地方,可以嘅話就選用環保餐具。

(1)尖沙嘴﹕訊號山花園

訊號山花園離K11商場不遠,步程無需5分鐘,方俟穿梭尖沙嘴鬧市找尋食店外賣,由入口步行到訊號塔,可見旁邊有一個大平台,空地可供野餐之用,可近距離觀賞維多利亞港海景。

延伸閱讀﹕愛德華風格文青後花園 走訪尖沙嘴紅磚塔望維港

尖沙嘴食肆列表

(2)尖沙嘴﹕尖沙嘴碼頭

尖沙嘴區內最為人熟悉嘅景點必定係鐘樓同碼頭,位置離尖沙嘴廣東道極近,要買外賣亦好方便,將外賣拎到尖沙嘴海旁,就可以就地野餐,甚至無需要開枱或舖地墊,坐於海旁就可以食外賣。

尖沙嘴食肆列表紅磡食肆列表

(3)紅磡﹕紅磡海濱長廊

同樣位處維多利亞港海旁嘅紅磡海濱長廊,離尖沙嘴海濱長廊不遠,但有一段距離,可於紅磡或黃埔區內購買外賣,然後步行到海旁席地野餐,海旁有長櫈,至於開唔開枱就自由選擇。

紅磡食肆列表

(4)尖沙嘴﹕梳士巴利花園

離尖沙嘴海濱長廊不遠嘅梳士巴利花園,靠近多個著名博物館,同時離K11商場不遠,對面為尖沙嘴鬧市,位置本身就有座位,買完外賣之後就可以到此地野餐。

尖沙嘴食肆列表

(5)佐敦﹕西九藝術公園及海濱長廊

至於西九海濱長廊就係野餐熱門地方,內有大片碧綠草地,空間偌大,可同時容納好多人野餐,加上海濱長廊前臨維多利亞港,亦係非常受歡迎嘅野餐勝地,故此人流可能會比較多,去唔去自己揀啦。

佐敦食肆列表渡船角食肆列表

(6)油麻地﹕油麻地配水庫休憩花園

位於油麻地鬧市中嘅配水庫休憩花園,靠近京士柏公園,可以於廣華醫院對面樓梯上行,又或者從眾坊街經京士柏再前行,內有草地同緩跑徑,四面景觀基本被遮蔽,不過就有如一個空中花園,於鬧市中野餐別有一番風味。

延伸閱讀﹕靠近氣象站 300級樓梯直上油麻地空中花園

油麻地食肆列表旺角食肆列表

(7)何文田﹕紅燈山

對比上述野餐地點,紅燈山係海拔稍高嘅地方,雖然係小山丘,但其實靠近民居,並非要辛苦上落,位置其實係一個配水庫遊樂場,可俯視土瓜灣、何文田一帶市景,於此地野餐較不被打擾。

延伸閱讀﹕避山上人群! 反其道而行登市區山 15分鐘到紅燈山山頂

延伸閱讀﹕【野餐隨行】登紅燈山觀九龍半島!何文田勝利道姊妹店廚房打通 兄弟邦x鮮丼家一舖兩用賣日式丼飯

何文田食肆列表

(8)太子﹕大坑東遊樂場

毗類旺角花墟嘅大坑東遊樂場,內有草地足球場,可以草地上野餐,位置係比較少人留意嘅地方,只有少數人踢波,不過無人踢波時於旁邊野餐較好,有人踢波時就要小心食波餅啦。

延伸閱讀﹕異國風小屋佈滿草牆 恍如《IQ博士》天神村

太子食肆列表

(9)美孚﹕荔枝角公園

荔枝角公園係一個無人不曉嘅公園場地,內裏以中式庭園為主,亦有童話風造景可以打卡,公園偌大,而且有洗手間,非常方便。公園內基本上可以隨意搵個地方野餐,不過就最好唔好挑選路中心阻礙他人啦。

延伸閱讀﹕【2021賞花地圖】荔枝角公園首種富士櫻 6棵櫻花樹矗立園內 同場加映有紫花風鈴木

延伸閱讀﹕隱藏版荔枝角公園 驚現《愛麗絲夢遊仙境》小秘景

美孚食肆列表

(10)荔枝角﹕長沙灣徑休憩處

荔枝角區內接近鬧市同食肆嘅野餐點較難搵,倒不如去一個比較少人嘅小公園野餐,方便之餘亦可靜悄悄用餐。

荔枝角食肆列表

(11)長沙灣﹕深水埗公園

而長沙灣亦係比較難搵野餐地點嘅區域,可以選擇去深水埗公園,地方空曠,都算係可以野餐嘅地方。

長沙灣食肆列表

(12)深水埗﹕南昌公園

南昌公園內有大片青翠草地,可以隨時舖地墊或開枱野餐,而且地方充足,離深水埗不遠,係鬧市野餐好去處,只不過公園極近民居,人流可能會比較多,最好有心理準備。

延伸閱讀﹕【2021賞花地圖】南昌公園黃花風鈴木綻放黃到金 2月搶閘開花迎接片片黃海

延伸閱讀﹕【野餐隨行】南昌公園大草坪野餐!台灣品牌犀牛犀牛插旗大角嘴 主打湯種麵包吐司/早餐店蛋餅

深水埗食肆列表

(13)大角嘴﹕大角嘴海濱公園

而大角嘴海旁本來係黃昏睇日落勝地之一,海濱公園有長櫈,亦有草地,離奧海城非常接近,買完外賣再步行過去都無需10分鐘,海旁位置可眺望昂船洲、西九文化區,亦可觀維港海岸。

大角嘴食肆列表

(14)土瓜灣﹕海心公園

位於土瓜灣嘅海心公園前臨九龍海灣,可眺望啟德郵輪碼頭,可於土瓜灣區內買外賣,然後步行到公園內野餐,又或者步行到髹上非常擔眼嘅粉紅色海心亭。

延伸閱讀﹕土瓜灣小公園涼亭延伸出海 神秘浪漫粉紅橋打卡

土瓜灣食肆列表

(15)﹕九龍城﹕九龍寨城公園

九龍圬區內美食眾多,每條街都有餐廳,買完外賣之後就可以步行到單車公園後面嘅公園,該公園就係九龍寨城公園,鄰近九龍城廣場,園內係一個中式庭園,小橋流水,古樸味濃厚,雖然無草地,亦無海景,但同荔枝角公園相類似。

延伸閱讀﹕三不管地帶古色古香 九龍寨城神還原清代園林

九龍城食肆列表

(16)﹕九龍城﹕九龍仔公園

同樣位於九龍城嘅九龍仔公園,亦可以於九龍城買外賣,然後步行到小公園內野餐,九龍仔公園對比九龍寨城公園,就有草地可供野餐,不過就要留意吓該草地會唔會有婚禮舉行。

九龍城食肆列表

(17)﹕啟德﹕啟德大道公園

100個野餐地點當中,最新嘅野餐地要數啟德大道公園,位置於啟德車站廣場一期,名為啟德大道公園,啟德本身係舊機場位置,正對新蒲崗,於對面買完外賣,就可以步行到啟德,然後對住草地、海旁野餐。

新蒲崗食肆列表

延伸閱讀﹕【野餐隨行】啟德新公園野餐!懷舊狗仔粉外賣店成彩虹唯一 重有自家製蔥油碟頭飯/蔥油拌麵

(18)﹕石硤尾﹕石硤尾公園

尾公園同樣地方偌大,基本分成兩個區域,前段以緩跑路線為主,野餐地方唔多,而後段就有一個已經荒廢嘅游泳池,可以就地野餐,想環境更好,可以再上行至配水庫遊樂場,位置離九龍塘不遠,所以既可以於石尾買外賣,亦可以於九龍塘買外賣。

延伸閱讀﹕石硤尾公園廢棄水池藏韓國粉色少女打卡牆 南昌街現星洲娘惹式格仔彩虹屋

延伸閱讀﹕【野餐隨行】石硤尾驚現時光倒流價飯餐!10分鐘攀登配水庫遊樂場野餐 龍翔道清靜秘地觀九龍市景

石硤尾食肆列表九龍塘食肆列表

(19)﹕樂富﹕格仔山

格仔山即係樂富配水庫公園,位於樂富、九龍城、九龍塘之間,由樂富步行就比較方便,雖然叫格仔山,但其實上落唔辛苦,配水庫公園內有大草地,方便野餐之用。

延伸閱讀﹕山頂加設欄杆!格仔山重修還原紅白格仔 老虎岩石屋活化探索昔日寮屋區

樂富食肆列表

(20)﹕黃大仙﹕黃大仙廣場

而黃大仙就係比較難搵野餐點嘅地方,離黃大仙祠只係1分鐘腳程嘅黃大仙廣場,有空曠地方可以休息同食吓嘢,的確無眾多野餐點當中無咩特別嘅一個,只係交通方便。

延伸閱讀﹕【2021賞花地圖】罕見瀕危保護植物 黃大仙禾雀花似玲瓏翡翠鳥

黃大仙食肆列表

(21)﹕慈雲山﹕蒲崗村道公園

於鑽石山與慈雲山之間嘅蒲崗村道花園,地方充足,可以於鑽石山或慈雲山買外賣,然後到公園野餐,只係欠缺草地同景觀。

慈雲山食肆列表

(22)﹕牛池灣﹕斧山

唔好以為見到山字就代表要好花氣力,斧山係牛池灣至慈雲山之間嘅地方,可連接飛鵝山,只需上行少量路段,就可以到小平地野餐,而且位置無人打擾,整個空間夠晒偏僻同清靜。

延伸閱讀﹕牛池灣秘道闖後山!斧山荒蕪山徑修復石級 配水庫旁眺獅子山飛鵝山

慈雲山食肆列表

(23)﹕九龍灣﹕零碳天地

位置正對Magabox嘅零碳天地,係一個小平地,內有草地,可以於Megabox買完嘢食之後到對面野餐,商場有Shuttle Bus可以來往Megabox同德福廣場,而步行折返德福廣場亦只係5分鐘步程。

九龍灣食肆列表

(24)﹕觀塘﹕觀塘海濱長廊

觀塘係著名工業地帶,而海濱長廊亦係著名景點,海旁景觀遼闊,亦有長櫈、草地,於工業區買完嘢食,就可以馬上到海旁用餐,加上觀塘交通路線眾多,更為方便。

牛頭角食肆列表觀塘食肆列表

延伸閱讀﹕【野餐隨行】觀塘海濱長廊野餐好地方!牛頭角日式居酒屋晚市自取丼飯壽司便當

(25)﹕觀塘﹕啟德郵輪碼頭

觀塘海濱長廊對面為啟德郵輪碼頭,由海濱長廊步行至郵輪碼頭,可以前往另一片更廣闊嘅草地,不過跑道公園正對海景,向來為野餐勝地,人數可能會比較多。

牛頭角食肆列表觀塘食肆列表

(26)﹕九龍灣﹕佐敦谷公園

佐敦谷公園亦係著名野餐地之一,可以從九龍灣或順利邨前往公園,園內有極大空間,亦有兩片大草地,唔少人都會攜帶帳幕或餐墊去野餐,人流亦係較多,只不過係一個交通方便嘅野餐地。不過,由九龍灣買外賣,再步行上佐敦谷公園較需要時間,可能會令食物冷卻。

九龍灣食肆列表

(27)﹕牛頭角﹕康寧道公園

於牛頭角買外賣之後,可以步行到康寧道公園,園內只係一個小公園,內有中式涼亭,人流較少,雖無草地或景觀,但小橋流水,環境仍可以接受。

牛頭角食肆列表

(28)﹕觀塘﹕沈雲山

離佐敦谷公園不遠重有沈雲山,為一個配水庫遊樂場,一方面可以從順利進入,另一方面可以由九龍灣上行,位置靠近民居,內有草地同緩跑徑,可以於草地野餐。

延伸閱讀﹕輕鬆上山抖抖氣 「觀塘後花園」沈雲山必影神秘打卡位

觀塘食肆列表

(29)﹕藍田﹕藍田公園

藍田匯景商場有多間小食店,買完外賣就可以步行到藍田公園,公園背後有一個小草原,可以選擇於公園內嘅涼亭野餐,又或者到草地野餐。

延伸閱讀﹕藍田平原激罕秋冬紫芒草媲美金黃芒草 一條路線登鯉魚門魔鬼山炮台賞夕陽

藍田食肆列表

(30)﹕油塘﹕鯉魚門石礦場

鯉魚門石礦場近年成為熱門攝影場地之一,一間間石屋充滿頹廢感,加上內有大草地,正對海景,風景怡人,將餐枱搬到石礦場野餐亦無不可,不過油塘就只係3至4間食店可以幫襯。

延伸閱讀﹕三家村碼頭走20分鐘闖鯉魚門石礦場 驚現西藏梵文彩旗 荒廢石屋/廢墟石灘/大石山打卡

油塘食肆列表



延伸閱讀﹕野餐隨行【新界篇】有View有草地!全港100個近鬧市近食肆安心野餐點 梗有一個喺左近!


E.A.Tips﹕

❸ 野餐時,自己垃圾謹記自己帶走!

❹ 野餐要盡量使用可循環再用之餐具器皿。

❺ 可以挑選有長櫈嘅地方,會較方便。

❻ 有需要可自備小餐枱、小型露營櫈用餐,可以隨時去到邊食到邊。

❼ 野餐時正對海景用餐會比較Chill。

❽ 最好挑選較少人嘅地方,避免接觸人群。

❾ 野餐地同食肆最好距離不足15分鐘步程,以免食物及熱飲冷卻,有需要就自備保溫袋。


Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象
【野餐隨行】隨手買午餐登灣仔半山!跑馬地箕璉坊藏配水庫大草地緩跑徑
招牌豬骨煲材料充足滿口骨膠原 大角嘴靚煲皇賣高水準火鍋餐
舊店傳承!灣仔70年老字號小食店細舖搬大舖 年輕人接手重現臘味糯米飯/港式街頭小食
愉景灣小歐洲度假風情 大嶼山稔樹灣菲人村旁藏長沙欄無人沙灘