長沙下村 大嶼山>嶼意坊Lantana/Bathers Restaurant & Bar>上長沙泳灘>海迎灘 嶼 南山 長沙>上長沙泳灘>下長沙泳灘>長沙燒烤場
兩個人影吓相,  新界,  神秘之地

港版夏威夷! 大嶼山長沙下村3公里長外國風沙灘 天然海岸線海天一色 絕美沙灘賞鑽石粉紅夕陽

瀏覽次數:14030
個人瀏覽過





大嶼山內有唔少沙灘,而東涌至昂坪之間就有一個神秘沙灘,全長有3公里,係全港最長嘅海灘。沙灘景色超有異國風,沙灘海岸線明顯,放眼海天一色,蔚藍天空配湛藍大海,加上黃昏時嘅鑽石粉紅夕陽,整個場面恍惚一秒穿越夏威夷或泰國布吉,週末拍拖兩個人遊覽吓都幾浪漫㗎!

由東涌入長沙下村,乘搭巴士20至30分鐘可以到達,而的士就只係15分鐘,非常方便。位於大嶼山嘅長沙下村,只有一邊係有餐廳,而由上長沙海灘行到下長沙海灘,全長足足有3公里長!

離上長沙加下長沙不遠處,其實係塘福泳灘,而下長沙海灘背後除咗浪高海岸,另一邊更有一個叫海迎灘嘅地方,係露營度假之處,盡頭更有長沙燒烤場。灘上極寧靜,大多為外國人,亦有少量本地人,識得搵位更可以有私人沙灘嘅感覺。於海灘上隨意放鬆休息、游水玩沙、進行划艇等水上活動,甚至放空發呆都好適合,同時係夏天好去處。

延伸閱讀﹕下長沙海灘手工Pizza店Lantana 意式薄批有芝士拉絲



下長沙海灘充滿異國風情,有天然海岸線,近沙嘅海水較污濁,而遠啲嘅海水就較清澈。至於近海嘅沙質比較幼細、細膩,但近路邊嘅沙粒就比較粗糙。而沙灘旁邊亦有一棵棵有度假感嘅樹木,環境有感覺反璞歸真嘅感覺。

沙灘既可感受城市內嘅陽光與海灘,亦可望遼闊景觀,可望茶果洲、石鼓洲,甚至遠眺索罟群島、南中國海同珠海島群,視野廣闊。

站於海邊,又或平躺沙灘上,都可以放鬆心情,忘卻社會上煩悶之事情。黃昏離開前,不妨睇埋日落先走,景色每分每秒都有變化,夕陽由橙紅轉為粉紅色,全日都充滿度假感覺,有如港版夏威夷或港版布吉,絕對係為一日作結。


E.A.Tips :

(1) 從東涌市中心巴士總站乘搭大嶼山巴士路線1, 11, 23號,於長沙下村站落車,大概係長沙警署之後一個站,前行可見長沙下村、下長沙泳灘嘅路牌,下行3分鐘即達沙灘;而由東涌市中心位置乘搭的士到浪高海岸,車程約15分鐘,車費大約$80至$90。

(2) 以長沙下村為目的地,或者直接Google定位浪高海岸會比較容易搵到。

(3) 浪高海岸、長沙下村沙灘前有幾個停車位,可容許幾架車輛停泊,只需沿長沙下村小路駛入就會見到。

(4)駕駛到大嶼山長沙下村,必須預先申請許可證,情況有如搶平機票,最好一個月前兼朝早7點登入搶證,因為每日只會派發25張許可證,而其中5張係俾電動車用,換句話講即係得20張汽油車。搶到許可證後,就要上網熟讀大嶼山自駕遊小冊子,而行車證最好擺返車頭,以茲識別。不過自駕遊只限星期一至五,時間08:00-19:00,可穿越大嶼山、昂平、大澳、長沙、梅窩等地方。

(5) 沙灘由上長沙沙灘連接下長沙沙灘,全長3公里,的士司機提到好多餐廳嘅一邊就係下長沙沙灘。


(6)沙灘旁邊有士多,可以租借太陽傘、沙灘櫈等用品。

(7) 沙灘內有洗手間、更衣室,沖身位置則設於戶外,黃昏時間可以對住夕陽靚景沖身。


(8) 近沖身位置附近有一千零一個涼亭,若懶人唔想開沙灘蓆,可以直接坐於涼亭內。


(9) 於下長沙露營大概每人$900至1000/晚,詳情可參考官方網站


浪高長岸

大嶼山長沙下村29號
24hours

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


旺角$48越南版海南雞飯 同價海量湯粉似足二人份量
【野餐隨行】慈雲山8月新店外賣自取平過堂食 肉醬意粉多料到滿瀉套餐$40有找 公園自製High Table歎高汁炸雞/Pizza
一餐麻甩與斯文兼備!元朗隱藏版料理店躲藏小巷賣日本魚生飯 與潮州滷味店僅相隔15秒步程
西貢林蔭秘道登小堤壩眺榕樹澳漁排 水浪窩闖企嶺下賞紅樹林尋港英時代郵箱
香港西端舂坎角泳灘賞絕美夕陽餘暉 海水清澈見底完勝赤柱沙灘 西環兒時回憶傳統餅店月餅預告【野餐隨行】
香港仔偽築地帆船野餐有遮蔭 鯨魚主題小店賣魚市場直送龍躉漢堡 揭人氣日本餐廳5大問題疑不尊重客人【野餐隨行】
【野餐隨行】長洲掃街掃盡6間小店!小島必揀經典魚湯/魚燒/大魚蛋 北端沙灘海旁自製迷你Party
【野餐隨行】元朗國公園大草地歎超靚韓式吐司 款款內餡含400次滑蛋
30分鐘內輕鬆登邊陲白虎山 探索英屬香港麥景陶碉堡 蓮麻坑一路之隔眺香園圍口岸
新手路線扯旗山VS高階路線奇力山!最高登山點360°環抱港島靚景 同遊山頂空中花園連百年古蹟歷史建築物
陳舊藍屋搵唔到入口?筲箕灣隱藏版炸雞Pizza即叫即製正過連鎖店 高水準脆意雞10間分店竟淨1間!
全港3間分店!油麻地樓上泰國菜用App買外賣享9折優惠 芒果糯米飯宛如當地水準
【野餐隨行】北角潮州飯店高水準鹵水鵝片 尋海旁小型狗公園野餐
蕃茄濃湯海量茄蓉! 長洲火車頭酸辣小窩餸菜自由配搭
【南丫島一日遊】碼頭皇冠郵筒起步!20分鐘步程經神風洞闖索罟灣蘆鬚城村神秘沙灘 長期擁一級水質假日全灘僅廿人?
石壁快閃遊!全港最大水塘三甲探索監獄前皇冠郵筒/古老石刻 貝澳超長淺灘遍佈水牛