天后米芝蓮級數清湯腩 竹昇麵配濃厚藥膳湯牛氣沖天

[sig_post_pv label=”瀏覽：”]

早前《米芝蓮指南香港澳門2021》公佈完整名單，港島有7間良心店入選當中必比登美食推介，推舉$400以下而物有所值嘅餐廳，天后區內八寶清湯腩就係其一，到達呢間米芝蓮級數小店係咪真係星級味道？

• 

• 

• 

• 

延伸閱讀﹕港島7黃店入選《米芝蓮指南2021》必比登推介 北角突襲封區內摘星餐廳 實試正宗新加坡肉骨茶

• 

八寶清湯腩由紅磡開到天后，主打淨牛寶，包含3款牛腩，有坑腩、崩沙腩、爽腩，牛香撲鼻。不過座位唔多，拍拖兩個人去通常都要等幾耐吓。一般坑腩都好軟稔，綿滑而有肉香，肥瘦分明；爽腩就質感實淨，比較爽脆；而崩沙腩即牛隻橫膈膜部位，會見到腩上有層薄膜，質感爽而軟，略有肥膏，較重膠質，有油香，有肉地而軟身。

• 

• 

• 

清湯蘿蔔牛腩麵 $55 有5件腩，3舊白蘿蔔同蔥花點綴，的確啖啖肉，但以牛腩麵嚟講，其實幾貴。牛腩色澤偏深，纖維比較豐富，紋理亦較多，不過都有肉味，腍滑軟嫩易入口，唔黐牙，尚算鬆化，有少量薄筋膜，略有脂肪同油香。清湯腩嘅重點既係牛腩，亦係清湯，湯為藥材湯，八寶清湯腩即含有八種藥材嘅清湯腩，呢碗清湯腩有杞子、 紅棗、龍眼肉、淮山、黃芪、當歸味，加上牛骨熬煮，最初味道的確鮮味而香濃。連配菜清甜嘅白蘿蔔亦有質素，大小不一嘅白蘿蔔吸盡湯底精華，軟嫩無渣，比牛腩其實更滋味。而麵底就係竹昇麵，本身竹昇麵要加入鴨蛋先會爽口彈牙，麵條似絲咁幼身，好夠爽滑，據悉麵店創於1971年，果然係本土地道製法嘅手捍竹昇麵。

• 

• 

• 

• 

• 

• 

• 

• 

• 

• 

清湯蘿蔔牛腩撈麵 $65 嘅湯底、牛腩份量同湯麵基本一樣，既有牛香，亦有藥材香，湯底同樣鮮甜，本身有甜香。撈麵同湯麵唔同嘅地方係湯底同麵底分開，麵條唔會被湯底浸軟，可以似日本沾麵方式去食。麵條比較硬同乾身，沾上藥膳湯底後再食，竹昇麵更爽口彈牙。

• 

• 

延伸閱讀﹕秒遊京都！ 炮台山配水庫旁秘藏日式公園 30分鐘直上紅香爐峰山頂

小編講吓嘢﹕

去到大排長龍，12點幾已經寫住乜腩都售罄，只係淨返普通牛腩。平常食牛腩麵叫坑腩，都係因為啲牛腩又韌又嚡口，而且黐牙兼難入口，只有坑腩最軟嫩。事實上，如果牛腩本身有質素，係唔需要轉其他部位。只係湯底雖為藥材湯，但味道過濃，頭幾啖真係一流，甚至有回甘味，其後愈食愈有問題，無苦澀味，只係食到底入口濃到鹹，食完之後要飲一支水先解到鹹。

---

E.A.Tips﹕

(1) 坑腩、爽腩、崩沙腩好早就會售罄，一定要早去早食，2點後甚至連普通牛腩都會隨時無晒。

(2) 食牛腩就夠，最好唔好飲咁多湯底。

(3) 平時食麵鍾意軟身麵條就啱食湯麵，鍾意硬身麵條就啱食撈麵。

---

---