加藤屋Katoya
兩個人醫吓肚,  和你Taste,  日本菜

真正平民食堂 加藤屋20蚊牛肉飯超抵食



    加藤屋Katoya呢間日式牛丼專門店絕對值得支持!一餐飯平到笑,平得嚟唔係劣食先難得。 兩個人去食下午茶,最平20蚊就有個餐,pepperlunch式鐵板飯都係50零蚊就有個餐。

    呢間平價丼飯有牛肉、豚肉、雞扒等等任揀,飯量充足,牛肉亦多,抵食過吉野家好多啦,最重要佢係良心食店嚟,拍拖食飯一定要識揀。

    加藤牛肉飯 $20
    醬汁份量幾多自己加,我哋落多咗,少啲都OK,只係普通牛肉飯,但已經好食過吉野家,起碼食完隻手掂完筷子唔會有陣怪味。

    鐵板黑椒牛肉飯 $55
    真係好高質!似足Pepperlunch,但價錢平價啲,飯同汁份量充足,唔會太鹹,粟米帶少少甜味,無論顏色定味道用嚟點綴都唔錯。仲有飯焦喺底,飯焦少脆唔硬身,黑椒味恰好,唔會太辣太嗆喉,但有香味。牛肉份量唔少,肉質軟嫩易嘴嚼。

    最後我哋將碗20蚊牛肉飯加埋落呢碟鐵板度,好似加牛肉加飯咁,有啲似鴛鴦飯,2個人食好啱,2樣都一齊試到。

    辣酥雞 +$5
    炸雞水準唔錯,皮脆肉嫩,表皮炸得香脆之餘,炸粉唔會太厚, 內裏雞肉軟腍,仲有啲Juicy同油脂香。

    爆脆蝦角2件 +$6
    春卷皮炸得香脆,皮薄餡靚,入面蝦肉唔少,2舊都有真蝦肉,幾足料 蝦肉爽口鮮甜,外面香脆,內裏軟身,口感層次豐富

    Total $75 for 2

    加藤屋

    慈雲山中心分店
    地址﹕慈雲山中心地下1-3號舖
    電話﹕2762-9968

    深水埗元州街分店
    地址﹕深水埗元州街34號地下
    電話﹕2725-6988

    太和分店
    地址﹕太和廣場一期101A號舖
    電話﹕2462 2728

    屯門分店
    地址﹕屯門安定邨H.A.N.D.S商場N204-206號舖
    電話﹕2890 6115

    延伸閱讀﹕黃大仙低調街坊小店 冷盤小食激平有驚喜

    Δ 版權為E.A.Two 兩個人醫吓肚所有,歡迎轉貼連結,勿全篇文章轉載

    Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


    樓上咖啡店自選高水準五品料理!旺角西洋菜南街神秘角落點只賣咖啡綠茶
    【野餐隨行】大埔商場便攜素食便當/一口雲吞蝦籽麵 元洲仔全海景公園Chill住歎咖啡
    上水Homy Cafe 9月尾結業 咖哩雞扒香口惹味 上水千萬公廁旁小公園野餐
    【野餐隨行】上水罨耷微舖小食醬汁乃精華所在 市中心野餐地有枱有櫈兼參觀豪華公廁?
    太安樓起家!筲箕灣東大街人氣雪糕班戟 暖笠笠法式甜品配涼浸浸雪糕球 歎埋消暑雪頂茶飲啖啖舔舔脷
    近大潭水塘!陽明山莊僅存殖民時代皇冠電話亭 紅噹噹包廂懷舊味濃
    【野餐隨行】油麻地一級歷史建築鬧市空中花園野餐 神秘台式廚師發辦$100有找!
    【野餐隨行】石硤尾池畔叢林小餐廳歎日式超靚便當 街角文具店兼賣醉雞麻醬蕎麥麵
    大角嘴迷你威尼斯西餐廳Risotto出色 中西合璧加臘味賣Fusion?
    【野餐隨行】小西灣角落港式下午茶 鬆軟夾餅拼金黃雞蛋仔粒粒飽滿
    大角嘴海南雞專門店外賣孖寶套餐人均$79 除咗雞飯重有乜?
    【邊境一日遊】尖鼻咀濕地5分鐘登龜山眺后海灣 沙橋村蠔殼田絕美夕陽餘暉
    大隱隱於市!尖沙嘴鬧市藏維多利亞時代百年歷史建築物 遊走法定古蹟探視紅磚遊廊金字瓦頂
    【野餐隨行】長洲歎人氣沙嗲牛米通 堤邊樹蔭全海景野餐 甜品有炸芒果糯米糍!
    採環保餐盒+餐具!土瓜灣舊區鐵路便當地道台式口味 3款配菜期期轉換主食足料
    【野餐隨行】元朗11款人氣名物瀑布蛋治有咩特別?大棠燒烤場變草地野餐場