楓食堂
兩個人醫吓肚,  和你Taste,  日本菜

大水坑街坊小店楓食堂 日式燒牛丼海量牛肉有水準



馬鞍山大水坑向來只係踩單車其中一段路線,附近良心食肆少之又少,靠近富安花園巴士總站,就有一間開業逾2年又值得兩個人試試嘅街坊小店。

以日式美食為主打嘅楓食堂,店面勁細,僅有少量戶外座位,不過價錢合理,質素都屬水準之作。從小店背後可見店主屬日劇迷,以一幅又一幅日劇封面當牆紙用,非常特別。

吉列豬扒冷烏冬配鰹魚汁 $65 以吉列豬扒配上冷烏冬,再加上另上嘅鰹魚汁,可以沾麵方式食烏冬,採用讚歧烏冬,麵條爽滑彈牙,冰涼烏冬麵條黏上鰹魚汁後,好醒胃。炸成金黃色嘅吉列豬扒,炸粉唔厚,香脆之餘唔太膩。

Like Facebook / MEWE 緊貼最新資訊,一個Like一個鼓勵,支持原創文章,向Content Farm說不。】

性價比極高嘅生薑燒牛丼 $50 係水準之作,典型薑汁牛肉配白飯,飯量、牛肉同樣充足,採用珍珠米,飯粒煙韌,牛肉舖滿飯面,可以輕鬆一啖牛肉一啖白飯,唔怕食到抵無晒牛肉。牛肉燒得香口,入口有啖啖薑汁香,醬汁有甜香,僅有微鹹,下飯一流,拍拖去食的確有日式餐廳感覺。

延伸閱讀﹕8月現墮下意外 綠寶石險變紅寶石 帶你行馬大石澗最安全路線

E.A.Tips﹕

(1)最好先從正門入,當然亦可從富安廊小商場進入小店後門,後面都有少量座位。

(2)小店空間唔大,而堂食出餐亦較需時,更方便係外賣自取。

(3)乘搭43X,81C,89C,281X,N281,84X,85X,682巴士路線或805S小巴路線,從富安花園巴士總站落車,經富安花園入口,沿富安廊旁邊馬路直行,2分鐘即達。

楓食堂

馬鞍山恆信街2號富安花園商場地下18B10號舖
星期一 13:00 – 15:00、18:00 – 21:00;星期二至三全日休息;星期四至日 13:00 – 15:00、18:00 – 21:00
3480 2927

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!