兩個人旅吓行,  和你Taste,  本地偽旅行

【京都偽旅行】好過Zoom旅行!徒步香港金閣寺+嵐山竹林實景 食足3餐歎倒模新幹線迷你便當 自遊行連車費人均僅$250

瀏覽次數:161
個人瀏覽過





疫情持續,外地旅遊全部叫停,香港人暫時仍然無法出國,唔少旅遊公司都大搞本地遊,唔少旅行團都出奇不意,最近網上流傳一間小學嘅遊學團通告,細看一下係一個以Zoom為主題嘅京都遊學團,名為「眼睛賞世界—日本交化之旅:京都遊」,每位參與學生都需要繳交$750入場費,即使校方提供$300津貼,學生人均仍需要俾$400,被網民稱為元宇宙水魚團。其實去唔到日本又要感受京都風情,使乜用虛疑方法呢?香港偽旅行都可以一嘗京都感,今次編輯推介拍拖行程既可以觀賞香港金閣寺同嵐山竹林,亦可以兩個人一日食足3餐日本風味美食,更可以歎埋恍如日本新幹線便當嘅迷你便當,全個行程連埋車費人均只係$250!

(1)鑽石山﹕南蓮園池

京都金閣寺係日本其中一座著名寺院,金殿外佈滿金箔裝飾,盡顯金碧輝煌,金閣寺座落水中央,而鑽石山亦有一座迷你版金閣寺,四周園林設計,古色古香,寺廟以八角形設計,同樣位處水面之上,布局匠心,環境清靜,只係場內保安嘅規矩備受爭議。

延伸閱讀﹕「港版金閣寺」禪意古色庭園 南蓮園池規矩多爭議更多

(2)新蒲崗﹕MUM日常野菜料理

由鑽石山步行到新蒲崗,找尋一間以日式定食為藍本嘅素食店,部份素菜參考葷食,全素「一汁三菜」日式料理非常精緻,人均$100可以挑選3款餸菜,$125可揀4款餸菜,恍若日本旅行品嚐嘅豐富早餐。

延伸閱讀﹕毗連窩子!佐敦酒店搬到新蒲崗 精緻一汁三菜素食料理人均$100

(3)西貢﹕北港古道、茅坪古道

要數京都景點,嵐山竹林絕對位列三甲,皆因京都嵐山本身就係著名景點,嵐山內有渡月橋,其中竹林展現一道竹林之道,連綿竹林遍佈山野,構成小步道,竹林隧道頂端有嵐山龜山公園,而香港嘅茅坪古道亦有一道小型竹林隧道,一度吸引唔少人前往影吓相,由新蒲崗乘搭小巴就可以直達北港古道入口,穿插之後就可以前往茅坪竹林。

延伸閱讀﹕1小時穿梭北港古道連綿竹林 茅坪古道尋樹藤皇梅大石澗 烏溪沙泥涌石灘驚變綠洲

延伸閱讀﹕西貢神秘寶地 20分鐘到茅坪竹林隧道打卡

(4)大水坑﹕楓食堂

穿梭竹林隧道之後,可以直通馬鞍山大水坑,理應飢腸轆轆,正係搵食嘅時候,不妨留意一下隱藏於富安花園巴士總站附近嘅街坊小店,當中一間叫楓食堂嘅小店就係主打日式美食,價錢平而有水準,比如係生薑燒牛丼,確實有啲日本進食牛丼嘅感覺。

延伸閱讀﹕大水坑街坊小店楓食堂 日式燒牛丼海量牛肉有水準

(5)大角嘴﹕御守壽司

由大埔前往旺角,有巴士路線可以抵達,最後步行往大角嘴,可以走到一間壽司便當店,小店以美觀度極高嘅日式便當、丼飯為主打,整盒便當如同日本新幹線便當,非常精緻,而且份量充足,食材處理亦相當有水準。

延伸閱讀﹕大角嘴限定店!超抵食外賣壽司便當連本土御守 賣相精緻盒盒IG-able

Budget(以一個人計算)﹕
南蓮園池 ———————————- $0
早餐﹕MUM日常野菜料理 ————— $100
交通﹕小巴1A —————————- $7.9
北港古道+茅坪古道 ———————- $0
午餐﹕楓食堂 —————————– $50
交通﹕小巴806B ————————– $11.8
交通﹕巴士72X ————————— $10.7
晚餐﹕御守壽司 ————————– $70
總數 ————————————– $250.4




E.A.Tips﹕

❶ 行程只為參考。






Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


免加2蚊!太子親民居食屋靠近雷生春 日式料理丼飯套餐外賣抵過堂食
流浮山海鮮街酒家林立藏殖民時代皇冠郵筒 海味場旁眺后海灣日落觀60年歷史神秘建築物
【野餐隨行】九龍城人氣泰國菜皮蛋炸蝦餅x潮州粉麵上等牛坑腩 賈炳達道公園野餐大玩Crossover
西貢外賣限定英式炸魚薯條專門店 最高人氣係邊款小食?
經偽鳥居登長洲最高點北眺亭 關公忠義亭附近躲藏超隱秘殖民時代懷舊T形街牌/皇冠郵筒
【野餐隨行】牛頭角消失的後山?鱷魚山81米高隱蔽小公園眺海景 歎近50年老牌上海菜館米芝蓮正宗滬菜
後生仔主理!旺角女人街$50海南雞飯 4款口味有咩揀?
【野餐隨行】元朗人氣壽司丼飯店係驚喜定驚嚇?公園大草地野餐望姆明小屋百鳥塔
旺角點心專門店外賣自取!$56一個人點心拼盤唔使怕選擇現分歧
娛苑起步!142級樓梯登元朗後山豬黃嶺 超矮標高柱眺望雞公嶺淋坑山
樂富唯二!茶餐廳中伏食物多?尋隱藏三和砵仔蒸飯水準不俗
東梅古道起步登昂坪救援徑現代棧道 一隅400米高近距離下瞰香港赤臘角機場宛如觀景台
【野餐隨行】天水圍新北江商場消暑刀削麵 實試公園湖邊草地旁用餐到底有咩問題?
離潮流特區僅3分鐘步程!旺角砵蘭街越南河內料理必食牛柳粉 牛湯濃郁菜式地道
【土瓜灣半日遊】前馬頭圍大廈朝聖193 Cafe!香港花見小路/日系粉紅橋打卡 牛棚藝術公園探索牲口棚遺跡【野餐隨行】
免搭船!穿梭大橋徒步過海往返香港仔鴨脷洲 360度探視珍寶海鮮舫最後景象