低難度vs高難度 東龍島兩條路線上山深度遊

低難度vs高難度 東龍島兩條路線上山深度遊 (上)

[sig_post_pv label=””] 個人瀏覽過

(1) (2)



疫情期間難免想出戶外抖吓氣,的而且確可以選擇去離島行吓山,今次兩個人去東龍島散吓步,教大家兩條截然不同嘅路線,分別係低難度與高難度嘅路線,既可輕鬆上山,亦可避開人群,絕對係香港避世之地。

東龍島近清水灣以南,屬西貢最南端小島,曾因近佛堂南、南堂海峽嘅南面而被稱為南佛堂、南堂島,據悉曾因天然形成嘅海蝕洞而被稱為通窿洲,後來自改名東龍洲。小島既係假日係熱門攀岩場地,觀景亦一流,東北海岸線清晰可見,走上山不時會見到懸崖峭壁,風光明媚,空氣清新,藍天白雲下拍拖散步亦相當舒爽。

基本上,東龍島可分兩條路線,視乎大家當下想行邊一條路線,輕鬆遊景點嘅可選擇低難度路線,想行吓山深度遊嘅可挑戰高難度路線呀!

低難度路線﹕

從東龍洲北碼頭落船,沿左邊方向行,可以輕鬆到達幾個打卡位,碼頭風景有山有水,亦有小沙灘,風景已經夠怡人。首先經過假日士多後,可到達東龍洲北面燈塔,以白色為主調,可遠眺西貢清水灣高爾夫鄉村俱樂部,屬小島最南端嘅南堂尾燈塔,係日軍佔領香港時嘅防衛設施,用作保護維港水道,後來改建成海事處燈塔機房。

小島內亦有露營地點,折返分岔路可向燈塔另一邊方向行,即可到達露營區,該營地可容納7個單位,空間偌大,亦無遮擋,你可於露營區休息兼用餐,甚至紮營。從營地繼續行可以行到東龍洲炮台遺址,即係東龍古堡,係昔日一個炮台。

行晒上述景點之後,有時間可以折返東龍洲北碼頭、東龍洲公眾碼頭,沿路再去東龍石刻,時間會掌握得較好,相比上述路段比較需要體力,直上觀景台後,再向下走400至500級樓梯,即到達東龍石刻。

東龍石刻為史前石刻,旁邊寫明係境內現存最大石刻,據悉宋朝已存在,島上曾經有石塔,但已唔架在,總之適合鍾意睇古蹟嘅朋友,回程時只有去程路段,即係話需要沿400至500級樓梯拾級而上,路段頗廢氣力,行唔行就自由選擇。

延伸閱讀﹕低難度vs高難度 東龍島兩條路線上山深度遊 (下)

(1) (2)

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook / Follow吓我哋Instagram啦!


在〈低難度vs高難度 東龍島兩條路線上山深度遊 (上)〉中有 1 則留言

留言功能已關閉。