2021-09-23

馬灣小島米線街坊店 靠邊款秘製小食取勝?

一條米線燦記


馬灣雖然有陸路連接市區,但似足一個小島,周邊都有小村感覺,不過醫肚時要搵一間良心店就比較困難,皆因餐廳數量屈指可數,呢間主打各種酸辣米線嘅小店就以良心圈獨市姿態同一款秘製小食取勝。

餐廳名簡單直接,一睇就知道係一間米線店,以酸辣米線為主,室內環境企理,座位之間有適當空間,各款米線由$28至$40,加上配料每款$8,以米線嚟講,其實價錢偏貴,車仔麵就$20,飲品就加$6至$8,包括紅豆冰,懶人就最啱點選最直接嘅款式,不過兩個人埋單都要$90至$100。

最值得食嘅係秘製豬手米線 $40,一碗份量恰好,豬手類似南乳豬手,好入味,醃得香濃,豬皮入口柔滑重膠質,炆得好有軟糯感,中間略帶爽口,大概有5、6舊,2舊比較大,其他偏細舊。米線不過不失,屬車仔麵質素,起碼即煮。酸辣湯底挑選BB辣比較容易入口,酸辣味唔太濃,尚算開胃,每碗都有大量香蔥同炸蒜,色澤平均,幾香口。

至於牛筋腩麵 $40 就相當比較遜色,同坊間車仔麵比係優勝,牛筋腩係軟嫩嘅,但食過豬手再食牛腩就會覺得失望,唔夠入味。粗麵同樣係車仔麵質素,而湯底挑選中辣已經好夠麻辣味,係真材實料嘅,只係辣油多咗啲。

E.A.Tips﹕

(1)酸辣米線可以配搭任何餸,懶得揀就建議直接點選幾款招牌米線款式。

(2)下晝6點後有小鍋米線,拍拖搵食可以一試。

(3)一條舖Facebook有賣流心奶黃月餅,售價$248,買2盒減$10。

延伸閱讀﹕從油麻地搬入馬灣 私房菜變街坊店 隱藏Cafe大玩熱沙咖啡

一條米線燦記

馬灣馬灣大街東村九號地舖
12:00 – 22:00
2802 8333

Δ 版權為E.A.Two 兩個人醫吓肚所有,歡迎轉貼連結,勿全篇文章轉載

Δ 如果覺得我哋嘅介紹啱睇,就Like吓我哋Facebook啦!

ΔPlease Like & Follow & Subscribe /
歡迎讚好、追蹤、訂閱


信和隔離!旺角樓上咖啡店舖滿土耳其民族風Halı 摩洛哥彩繪玻璃吊燈搶眼任打卡
太子樓上悠閒咖啡室神秘蒲點 超驚喜法式肉凍+煙韌麻糬窩夫
【中秋好去處】全港10個另類戶外賞月好地方 近市區環境清靜交通方便最啱談心
銅鑼灣推限定二人套餐 人氣店燈籠滷味啖啖台北夜市風味
靠近石板潭!本地鳳眼藍9月再盛放 鹿頸南涌魚塘角落零距離觀賞浪漫紫花海【2021賞花地圖】
Bauhaus風格豈止中環街市? 中上環博覽館活化必列啫士街街市 直上半山探索童話式大宅
盛夏Kayaking!西貢海灣3條路線出發獨木舟 小島玻璃水清澈見底 探索海洋生態享異國風靚景
筲箕灣東大街平民價正宗泰國菜 冬蔭公湯底濃郁可口 蝦醬炒飯惹味有驚喜
深井村西式咖啡店只限7月?All Day Breakfast 配料自選 罕見櫻花蝦炒蛋+熱香餅有新鮮感
深水埗基隆街泰北麵口味正宗 家鄉湯底香口惹味恍如穿越泰國
【中秋好去處2021】大澳水鄉花燈節取消開幕儀式 走勻大街小巷尋幻彩手繪燈籠 同場加映元朗大橋街市五彩燈籠街+灣仔利東街紅噹噹燈籠海
光屋係乜東東?深井村歷史文化半日遊 農村變工業邨再變住宅地 探索舊式工廠+廢校牌坊
九十後部落觀塘新分店開業 懶人週末悠閒上樓歎All Day Breakfast
夏日去邊個沙灘?粉藍情人橋重開打卡地再現 石澳盡頭闖大頭洲回望小漁村尋靚景
連影193燈塔+日系碼頭唯美暮色!西貢海鮮街徒步三星灣路線 泳灘碧綠玻璃水清澈見底
大角嘴街角星馬菜餐廳 大大塊厚切豬扒上枱就聞到香味 最出色唔係菜式係乜?

撰文﹕Miss A ;攝影﹕Mr E, Miss A;設計﹕Mr E

View all posts by 撰文﹕Miss A ;攝影﹕Mr E, Miss A;設計﹕Mr E →